|
|||||||
| كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
 |
|
|
أدوات الموضوع |
|
|||||||
| كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
|
|
|
أدوات الموضوع |
|
#1
08-12-2012, 11:31 PM
|
||||
|
||||
عايز حد بتاع بطاريات فى جسر السويس
السلام عليكم ورحمة الله وبركاتة
بطاريتى ماتت تماما بقالها حوالى 16 شهر خدمة منها اخر 3 شهور تقريبا كانت بتودع وكنت بسايسها واحدة واحدة كدة والنهاردة ماتت تماما وبصراحة كتر الف خيرها عشان كنت مهملها بصراحة و بنسى اشيك على المية بصفة دورية (ادلر الالمانية سايلة 55 امبير) المهم انا عايز واحد كويس بتاع بطاريات يكون فى جسر السويس او بالقرب من جسر السويس ومايكونش عندة مركون انا سئلت على نوع اسمة koba جافة الكورى منة ب 340 بالقديمة والتركى ب 320 حد سمع عن النوع دة قبل كدة ؟! والادلر الالمانية السايلة ب 210 ال 55 امبير وب 240 ال 70 امبير ف انا بصراحة محتار اجيب سايلة ولا جافة (خصوصا ان فرق السعر كبير) ولو سايلة اجيب ال 55 ولا ال 70 علما بأن الموتور عندى 1000 سى سى اية رأيكوا ؟؟!1 
|
|
#2
09-12-2012, 12:02 AM
|
|||
|
|||
|
رد: عايز حد بتاع بطاريات فى جسر السويس
انا قتلت هذه النقطة بحث ودراسة نظرى وعملى البطاريات فى مصر كلها متقاربه صممت من قبل المصنع الام لتخرب فى خلال مدة معينة لا تتجاوز عام ونصف والمستخدم ممكن يقلل المدة بعدم صيانتها او العكس انما كده كده سائله جافة ( يا قلبى لا تحزن ) بخصوص الاسماء والماركات برده متقاربه لان عملية التدوير اللى بتحصل للبطاريات القديمة أثرت على الجديد وبتخليه مش كويس فانت اشترى المتاح اللى يكون فيه سعر كويس واللى يكون جاف لان فى الظروف الحالية ( تدوير - تصنيع - تقليد - غش تجارى ) وجدت ان الجافة أفضل بعض الشىء لانها تتفوق ب 4 الى 5 شهور زيادة عن السائلة بالاضافة الى انها مش هتضليقك بابخرتها وموادها الكاوية زى السائلة وخلى بالك 90 فى المائة من البطاريات بتتصنع فى مصر و10 فى المائه بيجى من بره من الصين وتركيا وما تصدقشى حد يقولك غير كده لان الحاويات العملاقة الى بتجيب الطرود عليها مكتوب المصدر ولما تفتح تلاقى بطاريات سعودى وامريكى وصعيدى كمان مع انها جاية من الصين طالما كده كده المنتج عمره قريب من بعده يبقى الاكسب ليك التوفير اختار اقل منتج فى سعره وتوكل على الله وربنا يوفقك الى اختيار الاحسن
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم 
|
|
#3
09-12-2012, 12:20 AM
|
||||
|
||||
رد: عايز حد بتاع بطاريات فى جسر السويس
يعنى رأيك اجيب اقل منتج فى السعر اللى هو الادلر السايلة مثلا ولا اجيب جافة !! دة فرق السعر بينهم حوالى 130 جنية
|
|
#4
09-12-2012, 02:44 AM
|
|||
|
|||
|
رد: عايز حد بتاع بطاريات فى جسر السويس
انا عارف انك محتار بين الاثنين شوف اى سلعة او منتج فى الدنيا بيبقى فيه نظريات يعنى فى مصر هتلاقى الناس فرقتين فريق مؤمن ان السائلة افضل من الجافة وعندهم مبررات انها صيانتها سهلة وممكن تتصلح وتدوس عليها وتحلبها لاخر نقطة زى البقرة اضف الى ذلك خبراتهم المتراكمة من التعامل مع السائلة كده خلاص هيبقى رأيهم السائلة فريق تانى شايف ان الجافة افضل وعندهم مبررات انها مش محتاجة صيانة ومش هتبوظ حوض العربية بمايه النار اللى بتنزل من بنة عمها السائلة وأسباب تانية كثير اضف الى ذلك نظرية الانطباع الاول يدوم وخبراتهم يبقى انت هتسمع منى وهتلاقى واحد على الناصية يقولك عكس اللى انا قلته تعمل ايه يا اما تاخد براى الفريق ده او الفريق ده حسب اقتناعك الشخصى ان فضلت محتار فى الانحياز لاحد الطرفين يبقى تحتكم لتجرية صديق مقرب منك جرب نوع معين او تحتكم لسعر البيع الاقتصادى يعنى الاوفر هاته او تحتكم لصلاة الاستخارة وربنا يوفقك لاختيار اللى فيه الاصلح لانى زمان اشتريت جافة وكفرتنى رحت اشتريت سائلة خلتنى كرهت نفسى دلوقتى بقت نفسى مسدودة من اى منتج طالما صنع فى مصر او زور فى مصر او غش فى مصر cheat in Egypt made in Egypt كله واحد يبقى خد الاوفر على الاقل لما تحس انها قلت بأصلها تقول اهى رخيصة على قد فلوسها وربنا يوفقك
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم
|
|
#5
09-12-2012, 03:14 PM
|
||||
|
||||
رد: عايز حد بتاع بطاريات فى جسر السويس
هو السؤال دلوقتى هل البطارية ال 70 امبير ممكن تنام منى عشان عندى الموتور 1000 سى سى بس (بحكم انها هتحتاج قدرة شحن اكبر من ال 55) على اساس ان الدينامو عندى صغير بحكم حجم الموتور ! ولا مالهاش علاقة السؤال التانى ماحدش يعرف بقى حد كويس موثوق منة فى جسر السويس !
|
|
|
|
