هو زيت موبيل وان بينقص مع الاستعمال

[osa92003]

كنت باقيس الزيت حسيت انه ناقص شويه وبقاله 4 شهور اللى فاتو دول وبصراحه كنت العربيه باشغل التكييف كتير وبتحرك بيها كتير فى ايام الحر روحت البنزبنه قالى هى ناقصه كده تقريبا ربع كيلو ياترى ده طبيعى ولالالالالالالالالالالالا لالالالا: 070104~242:

[ahmed_zamalek7]

اعتقد والله اعلم مالا نعلم ان ممكن يكون بيبخر انا بردو حاطط زيت موبيل وان بس معرفش ظروفو ايه العربيه عاديه بس بردو مفيش مانع انك ترفعها فى بنزيمه تشوف حاجه بتنقط بتاع اى حاجه من كده

[hyundai 2005]

شوف كده خرطوم الفايظ بيبخر زيت ؟
وهل الكرتيره فيها رشح ؟
بص علي العربيه من تحت شوف الطبه بترشح ؟
في اي رشح فالعربيه من تحت؟
او جوان وش السلندر ؟
شوف ورد علينا نقولك السبب من ايه والحل ايه بعون الله

[borio1704]

الطبيعي إن الزيت ينقص مع الاستعمال

وكل ما كان الزيت أخف .. كل ما زاد استهلاكه

اللي تحت ده كان ردي على سؤال مشابه في موضوع "قواعد اختيار زيت الموتور.. إزاي تعرف الزيت المناسب؟؟؟"، (تحديدا المشاركة 79)

المشاركة الأصلية كتبت بواسطة borio1704 اللي حضرتك بتوصفه اسمه "استهلاك الزيت" كل مواتير العالم بتستهلك زيت مع التشغيل... بمعنى إن الزيت بيتحرق مع البنزين أو السولار وده بسبب طبيعة عمل الموتور اللي فيها الزيت لازم يزيت أي جزء متحرك علشان تبقى حركته سهلة وما يولدش حرارة عالية السلندر من جوه لازم يبقى عليه طبقة من الزيت عشان البستم يمشي كويس... والبستم بيبقى فيه حلقات بتمنع اختلاط غرفة الحريق عن الأجزاء التانية المتحركة، ودي اللي معروفة بإسم "الشنابر"، ومن ضمن الشنابر دي فيه واحد أو اتنين مخصصين لمسح الزيت من على السلندر... بس المسح عادة مش بيتم بصورة كاملة، وبتفضل فيه طبقة رقيقة على السلندر بتتحرق مع البنزين الموضوع ده لا يمكن نتفاداه... بس ممكن نقلل منه إزاي؟؟؟ *حاول تستخدم زيت أثقل بعض الشيء (مداه مناسب لجو مصر).. لإن كل ما كان الزيت خفيف ، كل ما كان استهلاكه أكتر *حاول تستخدم زيت تخليقي *حاول تقلل من الدوران العالي للموتور... يعني خليك في المدى المتوسط بتاع الـRPM على سبيل المثال... في كتالوج تويوتا كورولا 2010 (في أمريكا) مكتوب إن معدل استهلاك ازيت ممكن يوصل لحد 1 لتر كل ألف كيلو !!!!! بس المعدل العالي ده لإن الزيت اللي بيستخدموه هناك خفيف جدا لإن الجو هناك بارد في مناطق كتير ... ده غير إنهم عاملين حساب طريقة السواقة الرياضية. أرجو إني أكون فدتك

ممكن حضرتك ترجع للموضوع الأصلي لو عايز معلومات مفصلة عن الزيوت بشكل عام



...

[osa92003]

المشاركة الأصلية كتبت بواسطة borio1704 الطبيعي إن الزيت ينقص مع الاستعمال وكل ما كان الزيت أخف .. كل ما زاد استهلاكه اللي تحت ده كان ردي على سؤال مشابه في موضوع "قواعد اختيار زيت الموتور.. إزاي تعرف الزيت المناسب؟؟؟"، (تحديدا المشاركة 79) ممكن حضرتك ترجع للموضوع الأصلي لو عايز معلومات مفصلة عن الزيوت بشكل عام ...

الله ينور عليك هو كلام حضرتك مضبوط لان الفتره اللى فاتت مع الحر الشدديد والاستهلام المستمر للتكييف بالاضافه انى فعلا ساعات باعلى بالار بى ام ...ممكن يكون ده سبب مع العلم ان باستعمل زيت تخليقى ؟؟؟؟؟؟