ساعدوني، انا عايز اجيب موتور معين لتويوتا كورولا 95 و مش عارف الاقيه فين

[Y.Sayyad]

انا عايز اجيب الموتور ده لعربيتي (تويوتا كورولا 95) و مش عارف الاقيه فين، لو حد عارف اقدر اجيبو منين يبقي كتر الف خيره لو ساعدني
ده اسم الموتور: 4AGE Blacktop TwinCam 20V 1.6L
و شكرا جزيلا و جزاكم الله كل خير.

[fadymedhat]

الموتور ده هتلاقيه فى بورسعيد او الحرفيين.....فقط....مش هتلاقيه فى اى منطقة تانية....

[NASERELFHHAM]

طبعا تقصد الموتور ده
موتور قوى جدا 165 حصان 2كامه 20 صباب

يبقى عليك وعلى بور سعيد

ان شاء الله تلاقيه هناك

ربنا يوفقك

وياريت تكتب لنا تقرير بعد تركيبه ان شاء الله

[Y.Sayyad]

الف شكر يا رجاله بجد مش عارف اقولوكو ايه والله، بس انا في سؤال تاني مش بيخليني انام، العربيه اتخبطت كتير اوي و اتعملها سمكرة كتير اوي و دخلت فرن كزا مره و كل واحد يقولي جسم العربيه مبقاش جامد زي الاول و عضمها بقى طري، هل فعلا كتر السمكره و تصليح جسم العربيه بيضعف من هيكلها و يخلي جسمها ورق ؟؟؟

[Hisham.Elgazzar]

المشاركة الأصلية كتبت بواسطة Y.Sayyad الف شكر يا رجاله بجد مش عارف اقولوكو ايه والله، بس انا في سؤال تاني مش بيخليني انام، العربيه اتخبطت كتير اوي و اتعملها سمكرة كتير اوي و دخلت فرن كزا مره و كل واحد يقولي جسم العربيه مبقاش جامد زي الاول و عضمها بقى طري، هل فعلا كتر السمكره و تصليح جسم العربيه بيضعف من هيكلها و يخلي جسمها ورق ؟؟؟

هتضعف طبعا فى حالة ان اللى اشتغل فيها عك الدنيا وملاها مرمات ملهاش لازمة
عموما لو نزلت الزاوية عند مخزن الأنابيب تقاطع بورسعيد مع الشركات وسالت هناك على حداد اسمه بلبل ده ماشاء الله هيعملك كل التقويات اللى انت عاوزها

ده غير طبعا انك هتحتاج تركب شدادات بعرض العربية من فوق ومن تحت عشان تعيش معاك أكتر
وماتنساش المكنة دى تجيبها بكل حاجتها من عفشة وباور والذى منه
ربنا معاك ، أظن ان مكنة زى دى تمنها يعدى ال 15 الف جنيه والله اعلم

متابع معاك ومنتظرين التقرير
تحياتى واحترامى