كيفية التعامل مع المطبات بسلاسة والحفاظ على عفشة السيارات منها !

[الخبييييير]

كتيير مننا بيتعامل مع المطبات الصناعية كل يوم
ايه افضل طريقة نطلع بيها مطب من غير ما نحك العربية او ندمرها من تحت ؟
1- مطب مرأي ارتفاعه مناسب !
بنهدي لحد قبل المطب وندخل اللمطب واحنامش دايسين فرامل عشان في ناس بتطلع المطبات وهيا دايسة فرامل وده بيدمر المقصات والميزان والمساعدين ووبيض الدركسيون والعلبة ونخلي رجلينا مستعدة عشان تدي غيار لو العربية خسعت على المطب نديها زقة تعدي.
2- مطب ارتفاعه مجنون ؟؟؟؟؟؟
واحدة واحدة تخش عليه وتزبط لوالعجل كله ها يطلع المطب يبقى كويس لكن لو عرضه قصير حاول تدي اشارة وتيجي يمين او شمال حسب الجنب اللي فاضي ناحيتك عجلة عجلة اطلع وادعي
انك ما تحكش بطن العربية
3- في حالة ان مطب قابلك فجاة !
لو سرعتك متوسطة دوس فرامل جامد اوي قبل المطب لحظة ما توصل المطب شيل رجلك من على الفرامل ده يقلل الاضرار اللي ممكن تحصل من المطب الزفت ده لو سرعتك شديدة كل المطب بسرعتك وربنا يستر .
4-لو في مطب عبارة عن حفرة لتوصيل سلك قطع عرضي 10-15 سم عادي اديها بنزين والعربية ها تعديه ببساطة وكل ما كنت اسرع مش ها تحس بيه لان المساعدين مش ها تخلي العجل يقع في الحفرة
5- الحفرة اعرض من كده لازم تقف وتاخدها واحدة واحدة على اقل من مهلك
وفي الختام ربنا يعيينا على المطبات في مصر
ومستني خبرات التعامل مع المطبات واراء الناس فيها

[fadymedhat]

شكرااااا ليك.....و افضل طريقة لو المطب عالى انك تعرض العربية علشان متحكش من تحت...

[JILANCO]

المشاركة الأصلية كتبت بواسطة الخبييييير كتيير مننا بيتعامل مع المطبات الصناعية كل يوم ايه افضل طريقة نطلع بيها مطب من غير ما نحك العربية او ندمرها من تحت ؟ 1- مطب مرأي ارتفاعه مناسب ! بنهدي لحد قبل المطب وندخل اللمطب واحنامش دايسين فرامل عشان في ناس بتطلع المطبات وهيا دايسة فرامل وده بيدمر المقصات والميزان والمساعدين ووبيض الدركسيون والعلبة ونخلي رجلينا مستعدة عشان تدي غيار لو العربية خسعت على المطب نديها زقة تعدي. 2- مطب ارتفاعه مجنون ؟؟؟؟؟؟ واحدة واحدة تخش عليه وتزبط لوالعجل كله ها يطلع المطب يبقى كويس لكن لو عرضه قصير حاول تدي اشارة وتيجي يمين او شمال حسب الجنب اللي فاضي ناحيتك عجلة عجلة اطلع وادعي انك ما تحكش بطن العربية 3- في حالة ان مطب قابلك فجاة ! لو سرعتك متوسطة دوس فرامل جامد اوي قبل المطب لحظة ما توصل المطب شيل رجلك من على الفرامل ده يقلل الاضرار اللي ممكن تحصل من المطب الزفت ده لو سرعتك شديدة كل المطب بسرعتك وربنا يستر . 4-لو في مطب عبارة عن حفرة لتوصيل سلك قطع عرضي 10-15 سم عادي اديها بنزين والعربية ها تعديه ببساطة وكل ما كنت اسرع مش ها تحس بيه لان المساعدين مش ها تخلي العجل يقع في الحفرة 5- الحفرة اعرض من كده لازم تقف وتاخدها واحدة واحدة على اقل من مهلك وفي الختام ربنا يعيينا على المطبات في مصر ومستني خبرات التعامل مع المطبات واراء الناس فيها

: 01F577~130::0 1F577~130:

[zamanan2000]

طب لو المطب عبارة عن كور من الطين اللى نشف مع الوقت لمسافة 10 متر على الاقل اعمل ايه
انا ببقى هتجنن كل يوم وانا بعديه والعربية عاملة زى موبيل النوكيا وهو شغال فيبريشن

[الخبييييير]

المشاركة الأصلية كتبت بواسطة zamanan2000 طب لو المطب عبارة عن كور من الطين اللى نشف مع الوقت لمسافة 10 متر على الاقل اعمل ايه انا ببقى هتجنن كل يوم وانا بعديه والعربية عاملة زى موبيل النوكيا وهو شغال فيبريشن

دي اسمها رؤوس الشياطين
بكل بساطة انزل ريح العجل لو ها تمشي مسافة طويلة على الرؤوس دي
ها تعد 10 ثواني وانتا بتفسي كل عجلة ها يبقى فيهم ضغط اد بعض تقريبا
وابقا زود لما تخرج من البلاوي السودة دي