|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#1
|
||||
|
||||
بتشرب مياة مجارى .. تبقى محتاج شاليمو لايف سترو LifeStraw
بتشرب مياة مجارى .. ؟؟ تبقى محتاج شاليمو لايف سترو LifeStraw طبعاً من العنوان أو الصور ممكن تتخيل انها نكتة ولا موضوع تهريج لكن انا بأكدلك من البداية ان كل سطر جاى فى منتهى الجدية والاهمية كمان طبعاً احنا عارفين ان تلوث وندرة المية مشكلة بيعانى منها ناس كتير بل شعوب وبلاد كتير وللاسف المشكلة بقت حاضرة فى مصر كمان وفيه مناطق كتير نائية وقرى مفيهاش مية نظيفة زى ما بنشوف كل يوم وفيها ناس حالهم للاسف مبقاش يفرق كتير عن حال الناس الافارقة فى المجاعات اضافة لواقع ده كثيراً ما تتعرض البلدان النامية ديه لازمات او كوارث بتخلى وجود ميه صالحة للشرب سبب لحياة او موت الاف من الاشخاص فضلا عن انتشار الامراض والاوبئه من خلال المياة الملوثة مشكلة كبيرة طبعاً اكترنا عارفينها او متخيلنها لكن مجموعة من العلماء والمتخصصين وصلو لفكرة حل عملى مبدعة عبارة عن شاليمو فلتر مية مضغوط بسيط غير مكلف فى انتاجة ممكن يستعمل بشكل شخصى زى الشاليمو بالظبط وبالرغم من بساطتة فهو فعاااااااااااال جداً لدرجة انه يقدر ينقى المية بنسبة 99.9999% من البكتيريا اللى منشئها المية و 99.9% من الطفيليات والفيروسات نشوف صور توضيحية اكتر وفيديوهات وبعدين نكمل طبيعة المية اللى ممكن يشربها سكان المناطق النائيه او المنكوبة فى افريقيا نسخة الاستخدام الشخصى نسخة للاستخدام العائلى زى ما قولت الفلتر بسيط جداً عبارة عن انبوب من البلاستيك بطول 31 سم وعرض 30 ملى يسمح بفلترة المياة عبر عدة مراحل يسمح بحجز اى شوائب حتى حجم 0.2 ميكرون بالاضافة الى مصافى وفلاتر الكاربون النشط بحيث تضمن جميع المراحل تنقيه المياة من الشوائب والفيروسات والبكتريا بنسب تصل الى 99.9% كمان الفلتر الواحد (النموذج الشخصى) يصلح لفلترة كمية مياة حتى 1000 لتر من المياة يعنى الشاليمو الواحد ممكن الشخص يستخدمة لمدة سنة او اكتر لتأمين من لترين الى 3 لتر يومياً الفكرة فى الاساس اتعملت كعمل خيرى وأغاثى وتم استخدامها على اثر احداث زلزال هايتى 2010 وفيضانات باكستان 2010 وتايلاند 2011 وحالياً عدة منظمات حول العالم بتستخدمها وحصلت الفكرة على العديد من الجوائز العالمية منها 2008 Saatchi & Saatchi Award for World Changing Ideas, the ‘INDEX: 2005’ International Design Award and "Best Invention of 2005" by Time Magazine.[12] لكن الفكرة كمان ليها تطبيقات تجارية خاصة وان تكلفتة انتاجها مش كبيرة وسعرها بيتراوح مابين 20$ الى 25$ وده بيخيلها مناسبة للرياضات السفارى مثلا او للطوارىء او حتى للاستخدامات العسكرية ممكن نستفيد منها ازاى مصر اولاً نتمنى تتوفر فى الاسواق بشكل تجارى (اصلية مش صينى) بسعر معقول والمفروض تخش بدون جمارك لانها منتج طبى مش ترفيهى ثانياً تسعى منظمات المجتمع المدنى والجمعيات الاهلية فى مصر لتوزيعها على القرى والنجوع والعشوائيات المحتاجة ليها لانها هتوفر علينا ملايين ان لم يكن مليارات الجنيهات سواء فى مشاريع توصيل مياة الشرب اللى بتفشل ومبتعملش وفى الادوية والعلاجات للامراض الناتجة عن تلوث المياة اخيراً معلش طولت عليكم بس يارب الموضوع يعجبكم ويفيدكم كمان وفى انتظار ارائكم ومشاركتكم للمزيد من المصادر والمعلومات انصح بزيارة الروابط التالية http://www.vestergaard-frandsen.com http://www.worldchanging.com/archives/003388.html http://news.bbc.co.uk/2/hi/africa/4967452.stm http://en.wikipedia.org/wiki/LifeStraw http://lifestraw.wikispaces.com/ الموضوع حصرى لمصر موتورز ولا اسمح بنقلة او اقتباسة بدون الاشارة للمصدر |
#2
|
||||
|
||||
رد: بتشرب مياة مجارى .. تبقى محتاج شاليمو لايف سترو LifeStraw
جهاز جامد
بس انا مستغرب لو هوه بالفاعليه دي مثلا ايه اللى مخليه مش موجود ما كل الناس فى مصر بتشتري فلاتر بالالفات وده ارخص بكتير خصوصا ان مصر لازم كل بيت فلتر
__________________
التعديل الأخير تم بواسطة Mido Madrid ; 22-11-2012 الساعة 06:56 AM |
#3
|
||||
|
||||
رد: بتشرب مياة مجارى .. تبقى محتاج شاليمو لايف سترو LifeStraw
|
#4
|
||||
|
||||
رد: بتشرب مياة مجارى .. تبقى محتاج شاليمو لايف سترو LifeStraw
هو واضح ان هدفهم الاساسى مش البيع التجارى انا قلبت الموقع بتاعهم كله معرفتش الاقى سعر ليه ولقيته بس على مواقع خارجية بس اعتقد مسألة وقت بس وينتشر جداً الخوف بس ان هيتعمل منه صينى مضروب
|
#5
|
|||
|
|||
رد: بتشرب مياة مجارى .. تبقى محتاج شاليمو لايف سترو LifeStraw
فكرة كويسة جداً للطوارئ :pod_of_gold ::pod_of_gol d:
|
الكلمات الدليلية |
lifestraw |
|
|