|
#1
12-11-2012, 05:07 PM
|
||||
|
||||
التقرير المصور النهائي في زيادة العذل للماروتي
الاخوة الاعزاء مالكي السيارة المحبوبه سوزوكي ماروتي اعضاء منتدي مصرموتورز الكريم كنت عملت من كام اسبوع موضوع عن تعديل عزل العربيه وكنت وعدتكم ان اكمل لكم الموضوع لكن انا قولت اعمله من جديد علشان اتكلم بالتفصيل شويه  اللي بيزهق من القراءه ممكن تيفرج علي الصور ويخرج ههههههههههه  اول حاجه انا كنت من اوئل الناس اللي ركبت تكييف ماروتي من حوالي اربع سنين للعربيه او ما اشتريتها وعملت تقرير بالموضوع ده. لكن الراجل بتاع التكييف كان فيه فتحه كبيره امام الراكب اللي جمب السواق ده كانت مسئوله عن تجديد الهواء داخل السياره ده مكنش قفلها. كانت في الشتاء بتدخللي برد شديد داخل السيارة وكمان معرفش كنت بحس في الايام الاخيره بصهد شديد داخل من الماتور. قرائة عن موضوع لعزل العربيه حرايرا وصوتيا عجبتني الفكره قولت انزل اسئل عن الحاجت ده واشتريت عازل حراري من السبتيه لكن طلع بتاع افران  وهواعباره عن الياف حاريره والظهر مفضض مثل ورق الفويل بتاع الطعما كما واضح من الصوره قولت شكله مش هينفع نزلت اسئل عن العازل الحراري ناحيه فوم وناحيه سلفر  وده صوره روحت البيت قعدت اقارن الاثنين ببعص لقيت الاولاني افضل لصدر العربيه والثاني افضل للأرضيات  استعنت بالله وفكيت الطبلوه كامل وشيلت الدركسيون وشيلت ثلاجه التكييف خاصة كانت محتاجه شحن فريون احنا داخلين علي شتاء قولت اشحنها الصيف القادم ان شاء الله بقي العربيه شكلها بالمنظر ده   اول حاجه لقيت عزل العربيه من الامام ممتاز بصراحه حطين لباد حراري ممتاز جدا لكن مشكلتته مع الوقت ساب من مطرحه وكان كل اللي محتاجه ان يتشد مطرحه كويس طبعا انا خلاص فكيت قولت ازود العزل فكيت اللباد وحطييت تحتيه العازل الحراري بتاع الافران وحطيت فوقيه اللباد وقفلت الصدر كويس وسديت كل الفتحات اللي في العربيه وقفلتها تمام علشان متدخلص ولا صوت ولا نفس من ناحيه الماتور ورجعت الثلاجه مطرحها تاني  وفكيت الكرسيين الاماميين وابتديت اعزل الارضيات   ومن نفس اعازل ده عملت عازل كفر للبطاريه علشان حرارة الماتور متبوظش البطاريه عملتلها قميس ولبسته ليها وبالمره اشتريت الاتي زجاجة wd40 = ب 19 جنيه ومنظف كاربيراتير = ب 20 جنيه وملمع طابلوه = ب 10 جنيه وفوم لغسيل الماتور = ب 18 جنيه وفوم لتفحيم الكاوتش = ب 20 جنيه واسبري معطر وملمع للطبلوه = ب 8 جنيه والعازل الحراري متر ب 10جنيه وعازل الفوم المتر ب 15جنيه ونص كيلو كله ب 14 جنيه طبعا خلصت العربيه عزل من الداخل وغسلت الموكيت وغسلت الكراسي وابتديت افرش العربيه وارجع كل حاجه مكانها كانت الجيران بتعدي بتقولي ايه ده انت هتعرف ترجعها تاني ولا نشوفلك ميكانيكي وكان التاني يقولي حرام عليك بوظت العربيه ليه ده كانت شيلاك هههههههه وخد تريقه للصبح طبعا الكلام ده كان قبل العيد علشان اخرج بالعربيه كام يوم العيد دول تكون العربيه عروسه هههههههه المهم دخلت علي الماتور وهاتك يدعك وهاتك يافرك ونظفت الكربيراتير وغير البوجيهات والابلاتين والكندنسر كل الناس قالت العربيه ده مش هتدور تاني هههههههه وده شكل الماتور بعد ما رجع لاصله  واخيرا قد انتهيت من حملت تنظيف واعادة عزل السياره ودورة العربيه دارة من اول محاوله الحمد لله وسيبتها تسخن شويه بعد 5 ايام شغل كل يوم حوالي 3 ساعات وخلاص المفروض اخرج بيها تاني يوم العيد اخدت المدام ونزلنا نخرج المادام اول ما شافت العربيه قالت بسم الله ده رجعت كأنها جديده بصيت تحت العربيه لقيت المفاجئه اللي نكددت عليا ايام العيد هههههههههه لقيت مية الريداتير كلها في الارض فيه خرطوم رفيع واصل بين كوعه خرج الميه وكوعه دخل الميه للماتور اتقطعت وفضت الميه بتاعة الريداتير اضريت اركن العربيه واخد مواصلات وطبعا الحصره كل الحصره العربيه واقفه عروسه ومش عارف اخرج بيها كانت نهايه مش ظريفه والحمد لله بعد ما اجازة العيد خلصت والمحلات فتحت اشتريت الخرطوم وجيبت جوانات لكوع لاني شكيت فيه قولت ده اتكسر وفكيته والحمد لله رجعت كل حاجه زي ما كانت بعد ما العربيه ملها الترب طبعا خلال ركنتها في ايام العيد بس بجد حسيت بأختلاف كبيييييييييير عن الاول العربيه بقيت انعم واحسن وانضف ههههههههههه
__________________
 
|
|
#2
12-11-2012, 05:27 PM
|
|||
|
|||
رد: التقرير المصور النهائي في زيادة العذل للماروتي
أنا نفسي أعمل زي حضرتك في عربيتي الدوجان - العزل فعلاً سيء إنت ممكن تسلق بيض على الكونسول اللي فوق الفتيس في المشاوير الطويلة
 - بس كنت عايز أعرف نسبة التحسن في العزل للصوت و الحرارة قد إيه وشكراً
|
|
#3
12-11-2012, 06:02 PM
|
||||
|
||||
|
رد: التقرير المصور النهائي في زيادة العذل للماروتي
الله ينور عليك بس بصراحة انت قلبك جامد جدا عشان تفك العربية بالشكل ده
انا اخاف اعمل حاجة زي كده ربنا يباركلك فيها
__________________
|
|
#4
12-11-2012, 06:06 PM
|
||||
|
||||
|
رد: التقرير المصور النهائي في زيادة العذل للماروتي
هيا العربيه كانت كويسه بس كانت عاوزه اهتمام يعني كانت حالتها بتسوء نفرض ان حالتها سأت بنسبه 40 % بعد اللي انا عملته رجعت ال 40% تاني واصبح فيه تحسن عن الاصل في الصوت بنسبه كبيره لكن بالنسبه للحراره احنا في ايام مش حر لكن اعتقد انها هتكون احسن بكتير في فصل الصيف
اي الفاضل شوف العزل في العربيه عندك اللباد وده وظيفته يعزل الحرارة ويكتم الصوت ممكن يكون سايب عندك او من اهمال الصنيعيه شالوه وقالو ملوش لزمه لكن لما اخي راح لسروجي وظبطله اللباد بتاع العربيه كانت دوجان لانه غير التكييف بتاعه وجاب واحد احسن منه بصراحه العربيه فرقت معاه 150 % هههههههههههه ان لو عاوز طرق كتيييييييير للعزل بس ده اوفرهم ن فيه افرخ عزل غاليه الثمن سمعت ثمنها 50 جنيه للفرخ علشان تعمل العربيه عاوزلك 2000 جنيه لكن اللي انا عملته متكلفش 100 جنيه
__________________
|
|
#5
12-11-2012, 06:26 PM
|
||||
|
||||
رد: التقرير المصور النهائي في زيادة العذل للماروتي
اشكرك اخي Marlborooo علي مرورك العطر والله موضوع تجميد القلب ده من اللي الواحد بيشوفه من ققلة خبره الصنيعيه وانهم احيانا بيبوظو اكترمن ما بيصلحو
__________________
|
 |
|
|
