|
#1
06-11-2012, 01:53 PM
|
||||
|
||||
المواجهة ▲AbOnOrA☼ ◄VS► ▲Hazem Shahin☼
المواجهة
▲AbOnOrA☼ ◄VS► ▲Hazem Shahin☼ كنبة الاعتراف ((كرسى الاعتراف الجزء التانى)) صباح الخير يا مصراوية  موضوع انهارده مش موضوع عادى لكن هو اقرب لحوار مباشر مع شخصية هامة ومؤثرة فى المنتدى وليها تجارب متنوعة وثرية جداً فى مجال السيارات يعنى ممكن تقولو انه نوع من ال TALK SHOW او سلسلة جديدة من موضوعات كرسى الاعتراف اللى شرفت قبل كده بادارة الحوار فيها هدفنا من الموضوع ده وما سيلية من موضوعات اننا نتعرف بصورة اقرب على شخصيات وتجارب ممكن تكون مهمة ومفيدة لينا كلنا وللمهتمين بمجال السيارات ومشاغل ومشاكل جيلنا ومجتمعنا وعلشان نوصل لافضل صورة ونتيجة للمواجهه ديه او المناقشة عايزين نتبع شوية قواعد اولاً الهدف الاساسى اننا نستفيد كلنا ونتعرف اكتر على شخصية وتجارب وافكار الضيف من غير ما نرهقة او نحرجة او نتطرق لمواضيع شخصية او خارج السياق العام علشان كدة باستإذنكم ان طرح الاسئلة ومحاورة الضيف تكون بشكل منظم عن طريق ارسال الاسئلة لى لاقوم بطرحها على الضيف كمان ترشيح الاعضاء مستقبلاً برضو يكون عن طريق الرسائل الخاصة علشان اخد فرصة استإذن الضيف واشوف مدى امكانية مشاركتة منعاً للحرج وربنا يوفقنى ادير النقاش بشكل يفيدنا جميعاً ويعبر عن تقديرنا لكل اعضائنا واسم منتدانا ضيفنا انهاردة العضو بتاريخ 07-05-2009 والكاتب لاكثر من 4,576 مشاركة والحاصل على الاف نقاط التقييم على الاف المشاركات والموضوعات والمدير الإدارى والعضو المؤسس لمصر موتورز على مدى اكثر من سنتين من اهم سنوات ومراحل تأسيس وتطوير العمل الإدارى والتنظيمى للموقع وفعالياتة علم من اعلام مصر موتورز بل حجر اساس لإدارة المحتوى والعمل التطوعي فى السنوات الماضية انهارده انا فى مواجهه مع حازم شاهين  عايزين نعرف منه كل حاجة عن تجاربة فى سوق السيارات من كونة مستهلك عادى للسيارات الى صاحب خبرة ورأى الى عضو مشارك فى ساحات الحوار والمنتديات الى مشرف لقسم السيارات الصينية لمدير منتدى ومؤسس لعمل اجتماعى من انجح النماذج دلوقتى ياترى ايه ممكن نعرفه عن تجاربة وايه ممكن تسفيد منه ده اللى هنتابعة مع بعض ان شاء الله حضرو اسئلتكم وابعتوهالى ولحد ما اجمع اسئلتكم وارتبها هبداء بالمجموعة الاولى من الاسئلة  ديه كنبة الاعتراف بالمناسبة نوعها شيفرولية بيل اير مو 57  التعديل الأخير تم بواسطة AbOnOrA ; 06-11-2012 الساعة 02:00 PM 
|
|
#2
06-11-2012, 02:10 PM
|
||||
|
||||
رد: المواجهة ▲AbOnOrA☼ ◄VS► ▲Hazem Shahin☼
 
__________________
]من اهم مواضيعي المصورة http://masrmotors.com/vb/showthread.php?t=90049 (كيف تتعرف علي قدرة المحرك) http://masrmotors.com/vb/showthread.php?t=111175 (كيف تعتني بدورة التبريد) http://www.masrmotors.com/vb/showthread.php?t=124669(شرح دورة الوقود وتنظيف الرشاشات) {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
|
|
#3
06-11-2012, 02:39 PM
|
||||
|
||||
|
رد: المواجهة ▲AbOnOrA☼ ◄VS► ▲Hazem Shahin☼
أهلا بيك يا وائل و بكل الأعضاء
فى الحقيقة الموضوع ده مهم جدا لإنه ج فى وقت بننهى فيه مرحلة تأسيسية صعبة و إن شاء الله هنبتدى مرحلة جديدة فى تاريخ المنتدى كلنا أمل إنها تكون عامرة بالنجاحات و الإسهامات أنا تحت أمر الجميع و بكل صراحة فى الإجابة عن كل الأسئلة فيما عدا الأسئلة اللى تخص بعض أسرار المنتدى و هى قليلة و كمان الأسئلة إللى ممكن تسبب إسائة لأى عضو سابق أو حالى أو تفتح باب للجدل و الخلاف من جديد. معلش ممكن التحفظات تبقى خانقة شوية بس ضرورية علشان نبنى و نتقدم لقدام و ما نبصش للخلف و فى إنتظار الأسئلة
|
|
#5
06-11-2012, 04:01 PM
|
||||
|
||||
|
رد: المواجهة ▲AbOnOrA☼ ◄VS► ▲Hazem Shahin☼
فكرة حلوة و انا مستني اتعلم شوية من خبرات الاستاذ حازم شاهين
|
 |
|
|
