عربيتى اللانوس حاسس انها ملخبطه ساعدونى؟؟

[bistoo]

السلام عليكم ورحمة الله وبركاته..
من غير ما اطول عليكم يا جماعة الخير انا معايا دايو لانوس 2 موديل 2002
العربيه كانت الحمد لله كاشيه تمام معايا ومن فتره بدأت تلعب معايا....ازاى؟
اقولكم...اما بدور العربيه واسيبها تسخن 5 دقايق كده الاقى فى رجه فى العربيه والرجه دى
بتروح لما بزود بنزين لكن بدأت تزيد الرجه ده وبدات اسمع صوت فى الكبوت كأن القايم اللى بنسد بيه الكبوت بيخبط فى العربيه والصوت بيروح اما بمشى بالعربيه ومش بسمعلها صوت
واما اقف اسمعه بس على خفيف والرجه بتقل ده اولا...
ثانيا روحت اغير زيت الفتيس فى التوكيل بتاعها هنا فى اسكندريه غيرته واخدت 3 كيلو
وبعدها بكام يوم بدأ الغيار التانى يعض معايا شويه مش بيطلع صوت بس تحسه انه ناشف معاك
ثالثا حاسس انها بتاكل بنزين انا اخر مره فولتها اخدت 35 لتر بنزين 90 وده 3/4 التنك عندى وروحت وجيت بيها وامشى فى زحمه واقف وكده مشيت حوالى 225 كيلو بالزحمه وخنقتها فهل هى كده بتاكل بنزين؟؟؟؟ مع العلم انى مشيت بيها من اسكندريه لمطروح بربع تانك بالظبط وسرعتى كانت 100 وكنت انا وعيلتى فيها 6 افراد؟؟؟؟
رابعا واخيرا العربيه دى اسكاترا مش باور سؤالى هو ازاى اعرف ان الاسكاترا سليمه ومفيهاش عيوب ؟؟؟؟؟
واسف لو طولت على حضراتكوا وارجوا الرد والمساعده
وشكرا ليكم مقدما

[M.TONSY]

المشاركة الأصلية كتبت بواسطة bistoo السلام عليكم ورحمة الله وبركاته.. من غير ما اطول عليكم يا جماعة الخير انا معايا دايو لانوس 2 موديل 2002 العربيه كانت الحمد لله كاشيه تمام معايا ومن فتره بدأت تلعب معايا....ازاى؟ اقولكم...اما بدور العربيه واسيبها تسخن 5 دقايق كده الاقى فى رجه فى العربيه والرجه دى بتروح لما بزود بنزين لكن بدأت تزيد الرجه ده وبدات اسمع صوت فى الكبوت كأن القايم اللى بنسد بيه الكبوت بيخبط فى العربيه والصوت بيروح اما بمشى بالعربيه ومش بسمعلها صوت واما اقف اسمعه بس على خفيف والرجه بتقل ده اولا... ممكن تكون قواعد الموتور محتاجة تتغير ثانيا روحت اغير زيت الفتيس فى التوكيل بتاعها هنا فى اسكندريه غيرته واخدت 3 كيلو وبعدها بكام يوم بدأ الغيار التانى يعض معايا شويه مش بيطلع صوت بس تحسه انه ناشف معاك الزيت نوعه وحش ومش مناسب وبعدين فتيسك بياخد اقل من 2 كيلو بالظبط 1.8 لتر والمفروض تغيره عند بنزينة محترمة زى شل او موبيل بلاش بتوع الزيت لان معظمهم نصابين ثالثا حاسس انها بتاكل بنزين انا اخر مره فولتها اخدت 35 لتر بنزين 90 وده 3/4 التنك عندى وروحت وجيت بيها وامشى فى زحمه واقف وكده مشيت حوالى 225 كيلو بالزحمه وخنقتها فهل هى كده بتاكل بنزين؟؟؟؟ مع العلم انى مشيت بيها من اسكندريه لمطروح بربع تانك بالظبط وسرعتى كانت 100 وكنت انا وعيلتى فيها 6 افراد؟؟؟؟ مشى الزحمة لا يعتد به كمقياس للاستهلاك الاستهلاك الحقيقى يقاس فى السفر وعلى سرعة 90 رابعا واخيرا العربيه دى اسكاترا مش باور سؤالى هو ازاى اعرف ان الاسكاترا سليمه ومفيهاش عيوب ؟؟؟؟؟ انا اول مرة اسمع الكلام ده اللانوس من يوم ما تم تصنيعها وهى باور هيدروليك زيت مش اسكترا والباور بتاعها كمان ناعم جدا زى الكهرباء والكلام ده كان فى مو 99 واسف لو طولت على حضراتكوا وارجوا الرد والمساعده وشكرا ليكم مقدما

الرد فى الاقتباس .. تحياتى

[bistoo]

الف شكر يا استاذ M.TONSY على الرد والاهتمام
بالنسبه لقواعد الموتور هى دى اكيد مشكلتها ولا ممكن تكون فى حاجه تانيه لان المكنه اما فتحت الكبوت
كانت ثابته بس كان فيها رجه بسيطه جدا؟
الزيت ونغيره سهله اما الاسكاترا فده لان عربيتى فاضيه وموديل 2002 مافيهاش اى اوبشين
فأيه الحل دلوقتى؟

[هانى عيسى حسان]

الرجه فعلا قواعد موتور ممكن تكون واحده او اتنين او التلاته مع بعض الميكانيكى هيكشف ويقولك انهى واحده اللى بايظه

[M.TONSY]

طبعا الميكانيكى من خلال المعاينة هيقدر يحدد ويكون ادق منى دى مجرد اجتهادات
وان شاء الله تطلع حاجة بسيطة