فيرنا 2007 بتنفخ زيت من مقاس الزيت والزيت بيتاكل

[beeno0o0o]

السلام عليكم
عندى مشكله فى العربيه
غيرت زيت شيل اصفر ومشيت عليه 7500 ك ورحت غيرته قبل ما اروح الساحل الشمالى ورحت وكنت برجع اسكندريه بصوره شبه يوميه وطبعا كنت بقرص على المكنه يعنى 140 لحد 160 ولما رجعت سمعت صوت تكتكه فى الموتور روحت لصديق ميكانيكى قالى مفيش حاجه غير زيت المهم غيرت زيت لقيه بيقولى الزيت خاسس شويه انتا متاكد انك غيرته الاسبوع الى فات قولت ايوه غيرته تانى والعربيه ظبطت اوى وطلعت مصر ورجعت تانى يوم لقيت نفس الزيت من لنفسى روحت غيرته بس حطيت شيل احمر ومعاه علبه شمبر امريكى ومشيت بالعربيه بس مطلعتش مشاوير اكترمن المحله المنصوره مرتين كدا الاراء مختلفه دلوقتى ناس تقولى هتعمل عمره وناس تقولى دى طقم شمير وناس تقولى غير ماتور كامل وناس تقول هات هاف بلوك وانا متلخبط افيدونى افادكم الله طبعا بعد ما قريت مواضيكم الجميله جهزت الاسئله الى ممكن تحتاجوها
1- مفيش دخنه فى الشكمان
2- البوجيهات مش بتعرق زيت وكويسه
3- الريداتير مفيش فيه زيت
4- مش هابيع الا اخر2013

[احمد على 1999]

الاول اتاكد من مفيش تسريب ظاهرى و لا بقع زيت تحت العربية بعد الركن مدة

احتمال يكون

1. الزيت كان كتير جدا نظرا لعدم تصفية الزيت القديم بالكامل و حط الجركن الجديد كله
2. صمام ال pcv بتاع فايظ الزيت مسدود
3. طقم شمبر ( بس فى نفس الوقت انت متاكد ام مفيش دخان فدا احتمال ضعيف )

[beeno0o0o]

السلام عليكم

شكرا جدااا على الاهتمام يا استاذ احمد بجد متشكر جدا
مفيش زيت بيرشح خالص ولا مكان الركنه ومفيش دخنه اطلاقا من الشكمان الفايز بتاع الماتور الى بيدخن دخان ابيض وعلى فكره انا بحط الجركن كله عشان بغيرفلتر زيت
طيب لو هاغير طقم شنبر وضع العربيه هيبقى ايه لما اجى ابيع ولا دى مش بيفرق فى البيع وهيكلف كام

[haninatoon]

المشاركة الأصلية كتبت بواسطة احمد على 1999 صمام ال pcv بتاع فايظ الزيت مسدود

ممكن صورة هذا الصمام من فضلك ومكان وجودة بالتفصيل

[احمد على 1999]

المشاركة الأصلية كتبت بواسطة beeno0o0o السلام عليكم شكرا جدااا على الاهتمام يا استاذ احمد بجد متشكر جدا مفيش زيت بيرشح خالص ولا مكان الركنه ومفيش دخنه اطلاقا من الشكمان الفايز بتاع الماتور الى بيدخن دخان ابيض وعلى فكره انا بحط الجركن كله عشان بغيرفلتر زيت طيب لو هاغير طقم شنبر وضع العربيه هيبقى ايه لما اجى ابيع ولا دى مش بيفرق فى البيع وهيكلف كام

لا اشك انه يأثر على السعر

المشاركة الأصلية كتبت بواسطة haninatoon ممكن صورة هذا الصمام من فضلك ومكان وجودة بالتفصيل

للاسف معنديش صورة ليه فى الفيرنا بس هو سهل تحديد مكانه لانه طالع من غطا علبة التاكيهات رايح لثروتل بودى ( البوابة ) و غالبا متوصل بيه خرطوم فيكم