العربية اتخبطت و هيا راكنة .. كعادة المصريين

[Islam Samir]

قدر الله و ماشاء فعل
عربيتى العزيزة (سايبا 2009 ) اتخبطت و هى راكنة و كالعادة واحدة ست اللى كانت سايقة
المهم انا عديت على بنزينة فيها بتاع زوايا .. و كشفت عليها و قالى انها محتاجة دنجل خلفى (اللى هو بيمسك الطنبورتين اللى ورا فى بعض) .. كنت عايز اعرف هل هو هو بتاع البرايد .. و سعره كام تقريبا؟؟ وهل فى منه جديد؟؟
ده غير ان الرفرف الخلفى اتشلفط هو و الفانوس و كذلك الباب محتاج يترد و يترش منه حته و الاكصدام محتاج يترش .. و طبعا فرامل اليد بقت ميه
كل ده بسبب الاستهتار
الكلام ده ممكن يتكلف كام تقريبا؟؟ .. و اسف انى طولت عليكوا بس انا بحب افضفض معاكوا يا رجالة

[AbOnOrA]

اولاً قدر الله وربنا فعل ربنا يجعله ف ميزان حسناتك يارب

بس انت برضو فكر فى ركنة تانية يمكن الركنة ديه (ملطشة) ولا حاجة وممكن تعمل زى الناس معلش وتحط حواليها طوب وان كانت الستات فى السواقه مش هيفرق معاهم الطوب ولا نيله

بص يا سيدي بالنسبة للتكلفه فهى هتختلف جداً على حسب انت هتعمل ايه عايز ترجعها فابريكا ولا تلم الليلة وخلاص

لو على لم الليلة ممكن تترد على البارد ويتعمل شغل العفشه وتغير الفانوس وتمشى بيها كده
وعلى اخر السنة تبقى تشد العربيه كلها

انا بصراحة كنت دايماً احب اعمل كده اسيب العربيه تتخبط واى خبطة اردها على البارد او اسيبها وبعد سنة سنتين لما الجنبين يبقو استوو خلاص اسمكر وارش الجنبين

انا برضو معرفش عربيتك لونها ايه بس غالباً لو رشيت باب واحد ورفرف هتبقى باينة علشان فممكن تضطر تعمل الجنب كله وده مع السمكرة مع الفانوس خبطة برضو

بالنسبة للفانوس صحيح انزل جيبة الصينى كنت جايبة ب 80 جنية وعاش معايا 4 سنين وبعت العربيه وهو شغال زى الفل احسن من الفابريكا كمان

حاجة العفشه معرفش هتتكلف كام بس بسيطة ان شاء الله هى عفشتها كلها رخيصة

والرد على البارد ممكن يتلم فى حدود 100 ولا حاجة

وبالتالى ممكن الموضوع كله يتلم فى رينج تحت ال 500 جنية

لكن لو هترش الجنب كله واكصدام وتغير فانوس وتصلح عفشه اكيد هتعدى ال 500 ويمكن تعدى ال 1000 كمان

معلش بقى فداك وقضاء اخف من قضاء وابقى طمنا عملت ايه

[ahany]

قدر الله وماشاء فعل
اعتقد الاخ ابو نورا افاد حضرتك ولة جزيل الشكر
بس انا كان نفسى اعرف هى الست دى كانت سايقة اية ؟ جرار ولا لودر
وربنا يصبرك
وتقبل مرورى

[AbOnOrA]

انا خدت خبطة زية قبل كده من بولونيز ربنا ميوريك ولا الجرارات
وعموماً العربيات القديمة كلها صاجها اقوى خاصة وان البرايد صاجها خفيف اوى زى الكورى عموماً مع البومبيهات اللى فيها بتخليها تتطبق بسهولة اوى

[ahany]

المشاركة الأصلية كتبت بواسطة AbOnOrA انا خدت خبطة زية قبل كده من بولونيز ربنا ميوريك ولا الجرارات وعموماً العربيات القديمة كلها صاجها اقوى خاصة وان البرايد صاجها خفيف اوى زى الكورى عموماً مع البومبيهات اللى فيها بتخليها تتطبق بسهولة اوى

تمام يا باشا
بس لدرجة تغيير دنجل خلفى ؟
دة الى انا مستغرب لية
على كل حال ربنا يسترها