مشكله بموبينه النيو اكسنت 2006/ 1600 CC

[jolee6600]

اخوتي الاعزاء
السلام عليكم

الرجاء ايفادني بحل لمشكلتي
انا عندي عربيه نيو اكسنت 2006 1600 سي سي
وبحط بوجيهات 3 شمعه NGK والبطاريه 55 جافه ومبغسلش موتور العربيه باي حاجه ولا حتي ميه.
كل سته اشهر او سنه تقريبا تتحرق موبينه من موبينات العربيه الاربعه واروح اغيرها مره استيراد ومره جديده
مش عارف السبب ايه
ارجو الافاده بحل للمشكله إن امكن زهقت بصراحه لان المشكله دي مبتحصلش غير في المناسبات والاعياد
انا رجعت من البلد انهارده علشان ادور علي حد اشتري منه وطبعا احنا ثالث ايام العيد ومفيش اي حد فاتح.
بصراحه قولت اشوف يمكن تلاقولي حل

[M.TONSY]

سببها ان البوجيهات اللى حضرتك بتستخدمها كتير على البوبينة يجب عليك استخدام البوجيهات الموصى عليها كتاب الصانع وهى شمعة واحد فقط او 2شمعة كحد اقصى وصدقنى عن تجربة فى الفيرنا ال 2شمعة زى 1شمعة ما فيش اى فرق فى السحب كله واحد بل التأثير بيكون بالسلب على البوبينة لانك بتجهدها اكتر من قدرتها
هديك مثال
بالظبط زى اللى مركب تكيفيين او اربعة على عداد 10 امبير يدوب مشغل الكهربة الاساسية للبيت بالعافية العداد هيحصله ايه

[M.TONSY]

العداد طبعا هيتحرق لانه مش مستحمل الجهد الكهربى العالى عن قدراته
فده بالظبط اللى بيحصل عندك فى البوبينة وبيخليها تتحرق كل شوية علشان بتحمل عليها شمعات زيادة عن قدراتها
نصيحة استخدم بوجيهات واحد شمعة الاصلى والبوبينة هتعمر معاك