خطأ منى وعايز اعرف اية الاضرار

[memodina1]

السلام عليكم ورحمة الله وبركاتة وكل عام وانتم بخير....
انا معايا فيرنا يا جماعة وكنت رايح ارصص ولقيت الراجل قافل اللى هو احسن واحد بتعامل معاة المهم كنت مسافر بكرة ضرورى وقلت اى حد بس يعملها ولما ارجع هظبطها تانى عشان كانت بترعش على 110
المهم رحت لوحد فى طريقى وفك يا عم راح رافع الجنب اليمين رحت انا مريح الجنب لشمال معاة عشان اخلص والمسامير فعلا هوتها وسيبتها وبقت سهلة تطلع بالايد
المهم اخد الواد العجلة الاولى والراجل يحط على الجهاز تخلف معاة يحط رصاص برضة مش عارف يظبطها قعد على كدة حوالى ربع ساعة فى عجلة واحدة رحت قلتلة رجع العجل تانى مكانة مش عايز اعملة طبعا عارفين الصنايعية واية يا كابتن ولما مش عايز تعمل بتيجى لية وحوارات وانا بكل برود قلتة رجع العجل خلاص انا مستعجل وعلى العجلة اللى انت حاولت فيها خد اهه 10 جنية تمن العجلة اللى انت معملتهاش المهم بعت الواد الصغير يربطها ربط وظبط وجاى ينزل الكوريك قلتلة براحة وانت بتنزل راح منزلة وخبطلى العتبة فية وهو نازل بالعامود بتاع الكوريك حتة قد العقلة كدة دخلت لجوة رحت مزعق للواد ولعنت المحل والواد يقولى معلش انا هعملهالك انا اسف كبرت دماغى والواد صعب عليا ورحت ماشى حلو كدة الكلام
ها يا جماعة امشى ولا اقف شوية .......
الكل هيقولى امشى صح
لاة غلط طبعا لانى نسيت اربط المسامير الجنب الشمال للاسف ومفكوكة خالص ..
مشيت من غير ما اربطهم حوالى 50 متر كدة على دوران واسمع صوت تخبيط فى العفشة جامد مسموع وواضح جدا جدا جدا
قلت اركن اشوف فى الحوار دا مشيت بتاع 100 متر حاجة بسيطة يعنى المهم افتكرت العجل رحت نازل رافع العربية من النص وربط العجل كويس جدا ومشيت
العربية كويسة مفهاش حاجة ولا صوت ولا تخبيط بس انا قلقان على المسامير تكون عوجت ولا حاجة ولا حصل حاجة للعفشة ولا اى حاجة ممكن تحصل
المهم روحت البيت وفكيت العجل كلة من الجنب الشمال وركبت تانى المسامير لقيتها بتركب عادى وانا اصلا كان عندى سنة خشانة فى دخول مسمارين فى الجنب دا واحد فى العجلة القدام وواحد فى اللى ورا بس الخشانة فى نص المشوار كدة لكن بيجى فى الاخر ويمشى بسلاسة لحد ما اقرط علية
المسامير ربطت عادى وقرط عليها كويس ومشيت على سرعة 90 على اد ما الشارع جاب ومفهاش حاجة ملحوظة هل كدة يبقى تمام ولا اكشف على حاجة تانى اطمن عليها
على فكرة مدة المشى على العجل مكملش 40 ثانية بالكتير
معلش انا كترت اوى على الموضوع بس اعزرونى الواحد جاب العربية دى بعد ما تعب
_________________________ _______________________

[haninatoon]

ببساطة شديدة حترفع العربية بالكوريك بتاعك
وتجرب انك تفك العجلة اللى انت شاكك فيها بالكامل وبعديين ترجع تركبها تانى

لو انت بتفك فكت المسامير وركبت عادى بدون عنف يبقى المسامير تمام وممكن اصلا لما تفك تبص على السنون بعينك لو فى حاجة اتعوجت بتبقى باينة خالص

بس انا ما اعتقدش ان انت عندك حاجة لان المسامير لوكانت مفكوكة قوى بمدى ابعد من صرة العجلة كانت المسامير من الاول اتعوجت وماكنتش حتعرف تربطها تانى
لكن الواضح انها كانت مربوطة بس مهموية شويتيين ولكن بسماحية اقل من مدى الصرة
على شان كدة ان شاء اللة لايوجد ضرر

[احمد على 1999]

كلام جميل فعلا و منطقى

[memodina1]

المشاركة الأصلية كتبت بواسطة haninatoon ببساطة شديدة حترفع العربية بالكوريك بتاعك وتجرب انك تفك العجلة اللى انت شاكك فيها بالكامل وبعديين ترجع تركبها تانى لو انت بتفك فكت المسامير وركبت عادى بدون عنف يبقى المسامير تمام وممكن اصلا لما تفك تبص على السنون بعينك لو فى حاجة اتعوجت بتبقى باينة خالص بس انا ما اعتقدش ان انت عندك حاجة لان المسامير لوكانت مفكوكة قوى بمدى ابعد من صرة العجلة كانت المسامير من الاول اتعوجت وماكنتش حتعرف تربطها تانى لكن الواضح انها كانت مربوطة بس مهموية شويتيين ولكن بسماحية اقل من مدى الصرة على شان كدة ان شاء اللة لايوجد ضرر

بارك الله فيك وارضاك ولكن سؤال تانى معلش ملوش اثر على الجنط مش كدة

[haninatoon]

المشاركة الأصلية كتبت بواسطة memodina1 بارك الله فيك وارضاك ولكن سؤال تانى معلش ملوش اثر على الجنط مش كدة

لن يتاثر الجنط فى اى من الحالتيين