السرعه و التسارع انا وصلت لاختراع مذهل

[atgps]

المشاركة الأصلية كتبت بواسطة medhat3377 لاسحر ولا شعوذه و لا دجل كل الى انا اقدر اقوله تبقى هات العربيه فاضيه من البنزين و تبقى املائها من اى بنزينه قريبه لى ثانيا هناك عضو فعال اسمه محمد قال لى انه جاى و انا بقفل الموتور و يكون واقف معى عايز تيجى تشوف النتائج بنفسك تعالى اسثناء التقفيل انا فى انتظارك لكن ميصحش تتهمنى بالكدب و تقول دى حاجه متنفعش و لاخظ انا مقلتش اى شىء عن اختراعى وده من حقى لكن قلت على النتائج صدقنى والله انا مكنتش مصدق نفسى انا كنت فاكر انها حطلع اداء افضل و فقط لكن انا فجئت بالنتائج و كنت عايز اعمله على عربيه قديمه و بعد كده على عربيتى و بس بس لاقيت قبول من الى حاولى و كمان الى بيسمع فطولت فتره الاختبار و عملت نوعين من العربيات و فى انتظار التالته فى المساء و طلع ينفع بنزين و سولار كونى ان عبيلك التانك بشىء ذرى علشان اضحك عليك و قولك اتفضل قوه خارقه اهى و بعد ما النتك يفضى بح على كده يبقى انا كده اكون نصاب بص يا باشا انا عملت حاجات كتير و نجحت الحمد لله زاى الفلتر والنور و عدم السرقه للسياره انا مقمتش من النوم و قولت انا مخترع انا يا سيدى انسان عادى اى حاجه تم الوصول ليها فهى من عند الله العلم علم الله و ليست علم الانسان يعنى الى اكتشف الجاذبيه كان قاعد و هو عارف ان فى حاجه حيكتشفها او كان بيوضب ليها ولا هى جت صدفه و من الاخر هى جت معى كده عايز تيجى تنور و تشرف و شوف بعينك و بعدين احكم متحكمش على اى شىء بدون مشاهده رقم تليفونى فوق

أستاذ مدحت، الأخ أبو هاشم لايقصد شخصك، فمن الواضح أن حضرتك انسان محترم، ولكن كلامه فنى مثل الأسئلة التى سألتها فى بداية الموضوع، دعنا نسهل الأمر، اذا جبنا 10 كيلو وأنا وقفت فى البلكونة بحبل متوسط السمك يكفى لرفع الـ 10 كيلو ورفعتهم، ثم جيت حضرتك زودتهم لـ 20 كيلو ولم أستطع رفعم وبكل بساطة قلتلى أنا أقدر أرفعهم، هل أصدقك؟ نعم يمكنك أن ترفعهم ولكن ماذا عن الحبل الوسيط؟؟؟ سوف يقطع بالطبع!!! أم كلامى مش مضبوط، هذا ما نعنيه، لازم تغيير الحبل اللى هو فى السيارة يمثل الوسيط، من بساتم وبيلات وكرنك ودبرياج و(فتيس اذا كان فرق العزم كبير)،
هل لديك أجهزة لقياس القوة والعزم؟ ولقياس التسارع؟ لمعرفة الفرق الحقيقى؟
وأتمنى لك التوفيق،

[medhat3377]

انا بحترم اى راى لانكم محترمين فعلا و تستحقو التقدير و انا كمان مقدرش اكدب عليكم بانى حغير اى شىء و ابرره بانى غيرت و اخذ فلوس و خلاص والله العظيم انا مغيرت شىء فى الفولكس غير جوان وش السلندر فقط لانه كان مينفعش يتركب تانى لكن فى العربيه النصف نقل مغيرتش اى شىء كل الى انا بعمله مقدرش اكشف عنه لان هو ده الى تعبت فيه فعلا للتوصل اليه لكن رغم ذالك مفيش حاجه انكسرت ولا تلفت ثم انا بعلنها على الملاء اللى يحب يجى يشرفنى اثناء التقفيل عربيتى فهو فوق دماغى و اشيله على كفوف الراحه ثم انا بخاف جدا على عربيتى لانى تعبت جدا علشان احصل عليها
تانى حاجه العربيه نعمه كبيره من عند ربنا و خوفى وحرصى هذا شديد على العربيه فبلتالى زاى مانا بخاف على عربيتى لازم اخاف على عربيه غيرى لان برده مش من الساهل تعويضها و كمان انا بخاف ربنا كويس
هدفى كله لما شفت النتائج انى احقق الانتشار و الشهره لها مذاق تانى خالص و انا مبطلبش ارباح فى البدايه لكن بعد وقت معين من النجاح من حقى اضع مكسب نتيجه لمجهودى و تعبى انا يكفينى واحد فقط من المنتدى يشوف بنفسه و هو اللى يكتب عن اللى شافه و انا عن نفسى لما تخلص السياره حوضع
الارقام
من 0 \100 فى كام ثانيه و هو اول عامل حيبين قوه العربيه و تسارعها
استهلاك البنزين 80 يقطع كام كيلو داخل البلد و خارجها
استهلاك بنزين 92 داخل البلد و خارجها
درجه الحراره و الوقت اللى بتشتغل فيه المراوح للتبريد
مدى تاثير التكيف على الموتور
مدى خروج الانباعثات من الشكمان
اخر العربيه كام كيلو والمعروف عن النوبيرا فى كتالوج الشركه ان اخرها 185 كيلو بعد الاختراع حيبقى كام هو ده الى حكتبه و احاول اصوره فى طريق فاضى بعيد عن الرادار
مدى صوت الموتور
و ان شاء الله حنحط ورقه المقايس الشركه للنوبيرا
و امامها الرقام التى حقاقتها بعد الاختراع
و يا ريت حد يجى لانه سوف ينصفنى امام المنتدى و لو الكل جالى تنورونى و يبقى ساعتها انا فعلا نجحت بيكم لان مفيش نجاح بدون انتشار و بدون ناس تقيم هذا النجاح

[ايمن منصور ((عباسى ))]

انا من السكندريه ومهتم جدا بالموضوع ده وياريت لو تسمح احضر معاك اتجارب دي
بس حضرتك ابقي اعلن عن الوقت في المنتدي
وشكرا

[كوكب الشرق ام محروس]

ربنا يوفقك وننتظر يوم 10/3
واعوا تكون زى فواد المهندس فى الفيلم مش فاكراسمه
كان مخترع عربيات

[كوكب الشرق ام محروس]

نستنا نشوف الفوكس حصل فيها ايه وغير كدا هيا مش قطعه مسافه صغيرة يعنى لو فى حاجه اتعملت غلط اكيد هتقف فى ربع الطريق مش نصه