شويه اسئله علي عفشه الكريستاله

[SuccessCre8or]

المشاركة الأصلية كتبت بواسطة funnymickey انا شفت موضوعك فعلا وكلامك شجعني اصلا اني اركب جنط بسانتا كده قلقتني تاني انتا ايه رأيك اركب دلوقتي ولا مركبش واكبر دماغي واوفر فلوسي ولا الجنط ال15 الافضل ليه اني اغير العفشه لميراج ؟؟؟

مش عارف بصراحة بخصوص عفشة الميراج
بص
انا غالباً الغلط الأكبر اللي عملته اني جبت الكاوتش ناشف و انا اصلاً مش بجري ..
يعني لو كاوتش طري شوية اعتقد هيبقى الوضع احسن و يا سلام لو بريدجستون تورانزاااا
او في حل احسن لو انت مش غاوي جري زيي و يا ريتني كنت عملته و كان هيبقى اوفر في الجنوط و الكاوتش...انك تركب 14 و كاوتش 185/60/14... هتبى كدا بين البينين

و بالتوفيق ان شاء الله

************************

[funnymickey]

المشاركة الأصلية كتبت بواسطة Injection هو بعد البحث TOKICO شركة متخصصة فى المساعدين والسوست عالية الأداء فقط, ومالهاش أى وجود على الساحة المصرية, ولا حتى الساحة العربية الا قليل جدا جدا, ومتنساش ال. والموقع بتاعهم على خلاف KYB و MONROE بيوضح تخصصهم فى المعدات عالية الأداء فقط, بمعنى أصح النشوفية و "الوطى" وبالتالى مش هينفعوا لافى مصر ولا شوارعها ده أن وجدوا. موقع الشركة مثال أخر, موقع KYB بخصوص الجنوط, وزى ما أستاذ محمد عثمان قال (لو تخمينى صح ) عن تجربته, الكاوتش الأعرض ,عرضه هيحسسك بمساحة من الطريق ازيد من القديم, وبالتالى الزلطة اللى كانت بتعدى من جنب الكاوتش هتدخل تحته, والحفرة اللى كنت بتاخدها جرى أو بتفايها غالبا هتنزل فيها. وحضرتك اللى هتحدد لو راغب فى التغيير, لو بتسافر كتير وطريقك طويل وبتمشى بسرعة, ال15 هيريحك جدا جدا, أنما لو مشاويرك فى الزحمة وسرعات تحت 100, ال15 هيتعبك فى الزحمة وهيحسسك بتضاريس الطريق أكثر من الأول, وخاصة لو العفشة الجديدة أنشف. مع كل أختيار حضرتك بتضحى بحاجة, وبتكسب حاجة, سواء فى العفشة أو العجل. ومستنى رد الأستاذ محمد, أنا كنت بصبر حضرتك مش أكثر , ورد الأستاذ حازم فيه المفيد برضه, شكرا ياحازم باشا.

تسلملي ياباشا ردودك وخبرتك دي
الواحد والله ما عارف يعمل ايه
خصوصا بقي اني استاذ ورئيس قسم في موضوع الحفر ده
دراعي بيلف عالحفر والنقر معرفش ازاي
يبقي الطريق موز باللبن وميه ميه
واذ فجأه دببببببب
ايه اللي حصل الاقي الحفره اللي في الطريق انا الوحيد اللي بقع فيها
وساعات ببقي بجري كده ومره واحده الطريق بيقلب وحش
ومبعرفش اخد رد فعل سريع

وغالبا المساعدين بتاعتي باظت من كده

بس المشكله بتاعتي اني مش قادر استحمل منظر العربيه بالطاسات وحاسس اني سايق عربيه بابا جدو

عاوز اروشها شويه واجنط بس في نفس الوقت مش يافرحتي بالشكل واشرب انا بقي
ومحفظتي تتخرم بقي

كل شويه عفشه مساعدين جنوط كاوتش يعني

وانا مش طريقي ولا سفر ولا بتاع
انا جوه البلد كل وقتي تقريبا وخصوصا في رمسيس ووسط البلد
يعني زحمه زحمه
ولو سافرت بيكون مرتين في السنه تلاته يعني بالكتير اوي اوي

ايه رأيكم في الفزوره دي بقي احلها ازاي

[funnymickey]

المشاركة الأصلية كتبت بواسطة SuccessCre8or مش عارف بصراحة بخصوص عفشة الميراج بص انا غالباً الغلط الأكبر اللي عملته اني جبت الكاوتش ناشف و انا اصلاً مش بجري .. يعني لو كاوتش طري شوية اعتقد هيبقى الوضع احسن و يا سلام لو بريدجستون تورانزاااا او في حل احسن لو انت مش غاوي جري زيي و يا ريتني كنت عملته و كان هيبقى اوفر في الجنوط و الكاوتش...انك تركب 14 و كاوتش 185/60/14... هتبى كدا بين البينين و بالتوفيق ان شاء الله إلا انت شوفت موضوعي هنا ولا هناك ؟

ممكن فعلا تكون اخترت كاوتش ناشف
لان كل اراء الناس ان الواحد مش حيحس بالفرق الفظيع اللي انتا حاسس بيه ده
وانا فكرت فعلا في 14
بس حسيته رخم كده وبردو صغير فحسيت اني حصرف عالفاضي من غير ما احس بفرق

هوا صحيح ال70 من ال 50 دي
عرض الكاوتش ولا الحته اللي من شفه الجنط لاخر الكاوتش
هوا عشان كبرنا الجنط يبقي لازم نقلل الطول بتاع الكاوتش صح كده

*************
هه هه



****************

[SuccessCre8or]

المشاركة الأصلية كتبت بواسطة funnymickey ممكن فعلا تكون اخترت كاوتش ناشف لان كل اراء الناس ان الواحد مش حيحس بالفرق الفظيع اللي انتا حاسس بيه ده وانا فكرت فعلا في 14 بس حسيته رخم كده وبردو صغير فحسيت اني حصرف عالفاضي من غير ما احس بفرق هوا صحيح ال70 من ال 50 دي عرض الكاوتش ولا الحته اللي من شفه الجنط لاخر الكاوتش هوا عشان كبرنا الجنط يبقي لازم نقلل الطول بتاع الكاوتش صح كده ************************* * هه هه *****************

ال50 و ال70 بتكون هي فعلاً من شفة الجنط للأرض و = نسبة من عرض الكاوتش

يعني كاوتش 195/50/15

يبقى ارتفاع الجنط عن الأرض 50% * 195 مم
لازم طبعاً لما نكبر الجنط على نفس العربية نقلل النسبة دي عشان ارتفاع العجلة ككل ميزدش و العربية متعلاش زيادة عن اللزوم او العكس

[Injection]

هههههههههههههههههه, وأنا كنت فاكر أن أنا بس اللى كده, أنا حاسس أنى هلاقى فى مرة مساعد خرج من الكبوت أو خرم الشنطة, ههههههه.

العوامل الأساسية فى الموضوع ده بالذات هى العفشة, نشوفية الكاوتش, مساحة سطح الكاوتش.

لو العفشة ناشفة هتحس بأى حاجة هتعدى عليها, لو الكاوتش ناشف أو ضغط الهواء فيه كبير, مش هيمتص الزلطة اللى هيعدى عليها وبالتالى هينقل الصدمة للعفشة, ومساحة سطح الكاوتش زى ماقلنا بتزود مساحة تلامسه مع الطريق فبالتالى بتحس بالحاجات اللى مكنتش بتحس بيها قبل كده.

هى فعلا فزورة, بس على مين, أحنا معانا مجرب, لو الكاوتش مرن وضغطه مظبوط مش هتحس بالطريق قوى, وبرضه لو العفشة ناعمة.

بس العفشة المونرو ناشفة, ده أيه النحس ده؟

ال KYB تعتبر طرية, بس حسب كلام حضرتك مبتعيش كتير, بس رخيصة بالنسبة للباقى.

الموضوع فيه أن, ومعلش بقى أنا مضطر أذهب علشان أنا المفروض أنزل الساعة 6 مدينة نصر وبعدين على الكلية, بس أول ماهروح مدينة نصر هدخل أشوف أيه الجديد.

ومحمد باشا على ما أذكر لف كتير قوى على ماركب الجنط والكاوتش ,وخبرته فى المجال ده كبيرة قوى.

ربنا يوفقك لحل الفزورة ياباشا