هو الواحد مش هيعرف يسوق في البلد دي ولا إيه

[Elsebily]

ده شئ عادي جدا وبعد كده اوتوماتيك هتلاقي نفسك خدت علي العربيه وحفظت ابعادها وهتلاقي نفسك بتعمل غرز لوحدك كمان كل حاجه بتيجي واحده واحده وافضل حاول واغلط وخليك دايما حاطط في دماغك اني اصلا معظم سواقة الناس في مصر ماشيه ستر من ربنا وياما حوادث في الطريق ربنا سترها ومحصلتش وبكره هتلاقي نفسك بتشوف كده يوميا وربنا هو اللي بينجيهم منها اهم حاجه متتعلمش بس انك تجري بالعربيه فيما بعد وتغريك العربيه بعد اما تاخد عليها واتاكد اني اللي انت فيه مرحله وهتعدي

بالتوفيق

[SHABRO]

عادي يا باشا ولا يهمك , الأول كنت لما بسمع كلكس ورايا وشي بيحمر وبخاف ومبقاش فاهم حاجة , بس انا بقيت بنفضلهم خالص واركز في اللي انا بعمله لحد ما بقيت عادي ...اهم حاجة بس تفضل زي مانت وتحافظ على اخلاق السواقة

[dandashx]

شكرا لكل اللي ساعدوا بالرد، وربنا يعدي الفترة دي على خير لحد لما الواحد يتعود

[jojojojojo]

ولا يهمك انت الصح اهم حاجه متخليش دماغك وانتباهك في اللي وراك او الكلاكسات عشان واضح انك ريحت علي التويوتا عشان كنت مركز في العربيه اللي وراك خلي كل انتبهاك في اللي قدامك وفي الطريق وميهمكش من الكلاكسات دول ناس همجيه واعمل نفسك مش سامع حاجه ومتخفش من السواقه وع فكره كلنا بنعاني من سلوكيات السواقين خصوصا الميكروبصات والتاكسيات والموتسيكلات ويارب يصلح حال البلد

[حمادة ونور]

هى دى السواقة فى مصر ولازم تاخد عليها ونفض للكلاكسات علشان انتا كدة ممكن تتخانق 100 مرة فى اليوم وكل اللى راكبين عربيات كانوا اسوء منك بكتير واكيد ياما هما خبطوا عربيات الناس بس افضل حاجة ليك تشوف حد بيعرف يسوق كويس وتخليه يعلمك على عربيتك علشان تاخد عليها