هل من حق صاحب المحل انه يقولك العربيه كده مضايقانى ؟؟؟

[ahmedraafat00]

ده انا عندى الفتره دى شويه مشاكل فى العربيه عارضها فى قسم الصيانه ونتيجه لذلك العربيه بقالها فتره بتروح للميكانيكى اقسم بالله انا برتاح لما بتروح للميكانيكى عشان هرتاح من وجع الدماغ ده لدرجة انى ساعات العربيه بتخلص وبكسل اجيبها و بسيبها عنده مده لاننا بنثق فيه

[احمد على 1999]

و الله يا استاذ احمد انا كنت فاكرك حتتكلم على الى بيركن قدام محل و هو فى مشوار له لكن طلع الموضوع ان ركنتك عند البيت و تاكد تماما ان المشكلة دى واجهت معظم اصحاب السيارات و راينا معروف ان طبعا الحق معاك لكن لو تعرف متخسروش يكون احسن و زى ما انت قولت عربيتك عالية بس حتى لو واطية كان برضه حيعترض
انا نفسى واحد صاحب محل يقول رايه

انا هقولك علي الصح اللي مش هتلاقي كلام بعده يتقال

كل محل بيكون مسموحله ببروز تقريبا 30 سم اودام المحل غير كدا ملهوش انه يفتح بقه لان ده شارع عمومي وهو نفسه مش مراعيك يعني انا عمال بتراعيه وبتقول علشان ميزعلش وهوه ولا هوه هنا نصيحة عربيتك تركنها تحت بيتك وده شارع عمومي ولما يتمنع الركن من المرور في الشارع ابقي شوفلها مكان تاني غير كدا من حقك انك تركن اودام بيتك ما دام الركن مسموح في الشارع ونصيحة حاول تفهمه بالزوق لو منفعش معاه قوله انك انتا جيبت اخرك معاه ولحد كدا انتا عداك العيب وازح واي حاجه تحصل في العربية يشلها هوه مش هوه يشلها لان هوه الوحيد اللي هيكون مستفيد من اذاك

يا رب اكون افدتك بس اتكلم بالادب والاحترام في الاول وحاول تجيب حد من المنطقة يكون حاضر المناقشة والكلام علشان تبقي انتا كدا في التمام واي حاجه تحصل يبقي هو المسئول ولا يلومن الا نفسه

وتقبل تحياتي

[elensaan]

والله يا جماعة موضوع لذيذ ربنا يهدي اصحاب المحلات لان فعلا المشكلة كمان ان العربيات زاد عددها قوي يعني العمارة واجهتها 20 متر وتلاقيها 15 دور علي شقتين مثلا وفيها علي الاقل عشر عربيات طب يروحو فين ؟ دي فعلا بقت مشكلة

[hazem_khidr]

بس يا احمد هو من حقك انك تركن في شارعك او اي شارع و صاحب المحل مالوش حاجه عندك.
اتكلم معاه بالادب برضه لو اتكلم
لو قالك دا محل اكل عيش قوله و حضرتك قبل ما تفتح هنا مش عارف ان فيه عربيات بتركن في الشارع
ولا هو محل اكل عيشك يجي علي دماغي انا
لو قال حاجه قوله ما تزعلش من اللي حعمله و ما تطلوش في الكلام
و تشوف اي ضابط قريبك يقرفه شويه.
ولو مافيش ابعت فاكسات للمحافظه و شكاوي للمرور و المرافق
بعد كده حيتهد و يعرف ان الله حق