حوار بين مبتدأ فى السيارات .... والمحترفين فى المنتدى

[فادى]

بص فى حدود ال14-20 الف, كل السيارات صديقة للميكانيكية المازدا و ال128 و ال127, صعب انك تلاقى عربية صغيرة و قديمة و اعتمادية فى الوقت نفسه.
ال128 خيار جيد جدا لأنها :
- سهلة الاصلاح, و قطع غيارها موجودة.
- أداء جيد جدا و ممتعة فى القيادة.
- لما بتكون مضبوطة, بتبقى لازقة فى الأرض و بتديك ثبات مدهش لن تتوقعه منها.
- الكبوت فيه مساحة فراغ كبيرة, عشان كده هيكون من اليسير عليك تعلم صيانتها و اصلاح الاعطال الطارئة بعد فترة وجيزة بمجرد متابعة عمل الميكانيكى, و معظم الحاجات ممكن تعملها دون النزول تحت السيارة, و ديه ميزة كويسة فى ال128.
عشان كده دايما بينصح بال128 فى هذه الفئة السعرية, و عموما اى سيارة مستعملة و معدية ال100 الف هتبقى صديقة للميكانيكية, فهات الأفضل و لا تركز على الاعتمادية الصعبة فى هذه الفئة السعرية.

[samehhefny]

يا جماعة 128 فيات انسب تعتبر مدرسة المكانيكى تعلم الف باء فى السيارة هذا من واجهة نظرى

[hazem_khidr]

من رأيي حاله العربيه هيا الفيصل
يعني لو لقيت مازدا 323 نضيفه بالسعر دا توكل علي الله
بصراحه العربيه دي جميله جميله جميله و قطع غيارها في المعقول
ال128 لو لقيت منها برضه واحده نضيفه و واقفه صح زي ما قال الباشمهندس فادي كده
يبقي تجيبها علي طول انما لو فيها شغل ما تجيش ناحيتها
هما دول العربيتين المناسبين ليك بصراحه
و ان كنت ارشح المازدا لو تساوت حاله السيارتين

[hazem_khidr]

وفيه عربيه حلوه اوي بس قليله لو تلاقي منها حاله نضيفه تبقي تمام اوي
اونو موديل 86
لسه شايف واحد شاري واحده منها موديل 86 فابريكه دواخل و متغيره حاجات بسيطه
عن الاونو 94 و نفس التابلوه و موتور 1100 ريجاتا
و كان شاريها علي 19 و نص
عربيه زي دي لو مع واحد محافظ مش حتصرف كتير و مش حتبقي صديقه الميكانيكي

[Dr. Bolbolan]

1- أولا يا ابعد عن الشر وغنى له اذا كنت لسه أبيض فى موضوع السيارات !
معلش أنا لا أقصد الاهانه فشراء سياره مستعملة بالضبط زى شراء بطيخة مقفوله فى الشتاء أو الزواج من مطلقة وماتعرفش اتطلقت ليه !!
2- نصيحتى لك وانت فعلا وقفت على أول السلم الصحيح انك تقرأ كتير جدآ فى هذا المنتدى وبكده حتاخد معلومات هايلة وتدريجيا حيصبح عندك ثقافه معلوماتيه عن السيارات أما آراء الزملاء فرغم أنها قيمة لكن حتدوخ من كثرة التناقض فى الآراء
3- ان كان ولابد والسيف على رقبتك لازم تشترى سيارة مستعملة رخيصة فممكن ماروتى - فولكس بيتلز أو أونو وكل واحده برده لها عيوبها وميزاتها وان كنت لا أحبذ اطلاقا شراء أى شىءمستعمل ولو كان قلم رصاص


وشكراااااااااااااا

Dr. Bolbolan ptmnlo123per1127