|
حوار بين مبتدأ فى السيارات .... والمحترفين فى المنتدى
السلام عليكم ورحمه الله وبركاته ------------------------------- بعد التحيه لجميع الاخوه فى هذه المنتدى الرائع ...... يوجد عندى اكثر من سؤال ... خصوصا انى راجل غلبان ولا يوجد عندى اى خبرة فى السيارات من قريب او بعيد ... المهم هاكتب كل اللى بيدور فى راسى وانتم وشطارتكم معايا : قرات مشاركة لاحد الاصدقاء قيمة جدا بخصوص شراء سيارات جديده من التسعينات وكانت ملاجظاته رائعة جدا ... اما بخصوص السيارات المستعمله من الثمانينات لم يتعرض لها المهم ملخص ما اريد ان اعرفه هو: ما هى السيارات المناسبه فى حدود من 14000 الى 21000 ؟ هل السيارة ماذدا 323 قطع غيارها متوفره وهل سعرها غالى ام رخيص وهل لها ميكانيكيه مخصوصين ولا اى ميكانيكى يفهم فيها وهل هى مناسبة لشخص مبتدأ فى القيادة وهل هى مناسبة لاسرة دخلها بسيط ام شراءها يمثل مشكله وعبء على الاسره ..... يعنى الافضل شراءها ولا شراء سياره مثلا فيات البعض دائما يذكر ان الفيات 128 صديقة الميكانيكى ... ونصيحة للغلبان انه يبعد عنها عشان يرتاح ما صحة هذه المقوله ما هى السيارات اللى معظم الميكانيكيه بيفهموا فيها ؟ ما هى السيارات اللى لها ناس معينه بيفهموا فيها ؟ ما هى السيارات اللى اسعار قطع غيارها غالى مع عمر افتراصى كبير ؟ ما هى السيارات اللى قطع غيارها رخيص مع عمر افتراضى قليل موش عارف فيه كلام كثيير قوى فى دماغى خصوصا للسيارات القديمه فى حدود 20 الف جنيه ... بعد مناقشه الموضوع معاكم ان شاء الله اعتقد ان موش انا اللى هاستفيد من معلوماتكم القيمة فقط ... ولكن ان شاء الله يكون موضوع هام لكل الاسر البسيطة التى ترغب فى الشراء ... وتكون مرجع لكل مبتدأ قبل الشراء ... ربنا ييسر لكم الاحوال ربنا يخليكم وفى انتظار اجاباتكم مع اطيب التمنيات حسين غزالة |
رد: حوار بين مبتدأ فى السيارات .... والمحترفين فى المنتدى
اقتباس:
انا حاولت فى الاقتباس ارد سريعاً على بعض الاسئلة ياريت اكون قدرت افيد حضرتك وباذن الله باقى الاعضاء هترد بشكل اشمل وافضل ptmnlo123per122 |
رد: حوار بين مبتدأ فى السيارات .... والمحترفين فى المنتدى
انا مش هاعرف ارد عليك زي ابو نورا ،، لكن هارد عليك من الاخر ،، الماروتي هي الحل ،، الماروتي بعشرين الف جنية هتكون موديل فوق 2000 و عربية بتكنولوجيا ياباني و اعطالها مش كتيرة و قطع غيارها رخيصة و متوفرة غير كده ال 128 اساسا لو موديل 2009 ،، هتكون بتعطل !!! و الكوري مش هتلاقي اساسا منه بعشرين الف جنية ،، لانه مكنشي بينتج قبل سنة 90 و الياياني اللي بعشرين الف جنية ،، هتلاقيه موديلات قديمة بقالها اكتر من عشرين سنة في الشارع و استوت و الياباني قطع غياره مش رخيصة و لذلك فانا رأيي تضحي بالوسع و الشنطة و تشتري راحتك و الله اعلم |
رد: حوار بين مبتدأ فى السيارات .... والمحترفين فى المنتدى
العوامل الواجب مراعاتها عند شراء سيارة مستعملة بالترتيب:
أولا: في المستعمل حالة العربية أهم شئ (الشاسيه، الموتور، الصاج الخارجي، الصالون) ثانيا: احتياجاتك الحقيقية بدون مبالغة ،صالون و اسع ، شنطة واسعه ، سيارة صغيرة ، الخ و كلما بالغت في تقدير احتياجات إما زاد السعر أو انهارت حالة السيارة ثالثا: قدراتك لتحمل التكاليف المستمرة للعربية لان في عربيات رخيصة و قطع غيارها ناااار (زي بي ام أوائل الثمانينات) رابعا: خبراتك في السيارات أو خبرة من يساعدك (صديق - ميكانيكي) مهمة لأنها حتحدد جزئيا نوع السيارة اللي بتفهموا فيه خامسا: النوع المنتشر حولك و ده بيختلف من محافظة للتانية و أحيانا من منطقة للتانية في محافظة كالقاهرة مثلا في حدود الـ 14,000 إلي 21,000 أشهر السيارات الشعبية المتاحة: - 128 - 127 - 132 - مازدا 323 - بيجو 504 - بيجو 305 - ريتمو - ماروتي - فولكس بيتلز |
رد: حوار بين مبتدأ فى السيارات .... والمحترفين فى المنتدى
اشكركم جدا ... ولكن ما زال هناك تساؤل هام وهو .... الافضل شراء مثلا سيارة 128 بحاله جيدة جدا فى حدود 18 الف جنيه ام شراء سيارة مثل مازدا 323 حتى ولو كانت موديل مثلا 1984 موش هاكتر الاسئلة فى كل مرة عشان نفهم الموضوع واحدة واحده معلهش وقعتم مع واحد بلاطة فى موضوع السيارات ... والبركه فيكم تفهمونى الحياة عامله ايه ... بدل ما اتورط مع صديق لا يفهم او ميكانيكى بيفهم وماعندوش ضمير ... ربنا يستر مع اطيب التمنيات اخوكم حسين غزالة |
| الساعة الآن 04:29 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017