#11
|
||||
|
||||
رد: هل السواقة فى مصر ذوق؟
هي المشكله ان الحاجات اللي بتخص المجتمع كله
بتبقي محتاجه زي حلول جماعيه فرديه يعني الكل يتصلح في وقت واحد و في نفس الوقت كل واحد هو اللي يصلح من نفسه .. انا هاحكي لحضراتكو موقف يعني انا من فتره كده كنت سايقه بس كان الطريق فردي و ضيق جدا و الوضع علي الطرق دي يبقي صعب و كان فيه مطب و قدامي عربيه الطبيعي انه كله بيهدي انا هديت و اللي قدامي هدي ووقف !!!!!!!!!!!!!!!! طبعا كنت هالبس فيه هو لو كان هدي و مافيش مطب كنت توقعت انه هايقف انما فيه مطب يعني قولت هايهدي بس مش هايقف ده راح واقف خالص و نزل من العربيه و بيشاورلي معلش يعني بكل بجاحه انا كنت هالبس فيه ... لا كان ينفع يقف ولا كان ينفع يركن ده بقي بيتسمي مش قله ذوق ده بيسموه غباء اجتماعي ماحدش بيفكر كله بيبلطج و خلاص طب هابقي ازاي ذوق مع قله الذوق يا كله يتعدل يا اما هايبقي الوضع علي ماهو عليه.... |
#12
|
رد: هل السواقة فى مصر ذوق؟
احييك يا استاذ بدر علي الموضوع الشيق
انا ببقي ذوق مع الذوق و عديم الذوق مع قليل الذوق كمان بمعني اني لما بلاقي قدامي حد محترم سواء ملاكي او ميكروباص او تاكسي ببقي كويس معاه. لكن لما الاقيه قليل الزوق بعمل اقصي ما في وسعي علشان اعلمه الادب و انه ما يحاولش يعمل كده تاني مره مثلا سواق تاكسي جه عدي قدامي بطريقه بايخه اديته كلاكس و نور لقيته بيشوح بأيده من جوه التاكسي انا بقي اتغاظت منه خصوصا اني عارف نظره سواقين التاكسي لسواقين الملاكي يقولك دا ما بيعروفش يسوقوا و احنا ملوك الطريق و دا مامي جيباله العربيه و ما الي ذلك من الكلام اللي بنسمعه من تلك الافراد الحاقدين علي ركاب الملاكي المهم اول ما لقيته مش عاجبه يدوب لقيت مكان فاضي و عديته هو حاول يعدي بعد كده بس كنت بكسر عليه بغباء كأنها مش عربيتي لحد ما فضل ورايا و ايه كمان خايف يعدي من جنبي !!!! كل شويه افتح ليه الطريق و اسيبه و برضه مش عاوز يعدي اهو مثلا الاخ دا لو كان طلع ايده و قالي شكرا او معلش كنت حسيبه عادي جدا انما دا قليل الادب عندك بقي سواقين الميكروباص او البيجو علي الطريق و دول مافيش العن منهم تلاقيه جاي من ورا بيجري و المسافه بينه و بين العربيه اللي في حارته توصل لمفيش تلاقي بيدي اشاره و عاوز يعدي قدامي بالقوه اعتبارا برضه ان سواق الملاكي حيسيبه يعدي كده و خلاص النوع دا استحاله اعديه مهما عمل و افضل مدي في كلاكس و ازعجه يقوم البيه من بجاحته يطلع ايده من الشباك و يقولي عدي عدي يعني يبقي طريقي و حارتي و هو كمان اللي مش عاجبه و يقولي عدي. دي انماط بسيطه من اللي الواحد بيشوفه في الشارع دا علاوه بقي عن اللي بيجي مخالف و دا التصرف معاه ظريف جدا لو بالليل انور العالي في وشه و اقرب منه بالراحه و احسسه اني داخل فيه و برضه اكون سايب مسافه لنفسي اعرف اتحرك بس لازم اخوفه شويه عندك بقي سواقين النقل الكبير و علي رأي المثل من حق الكبير يدلع و احترام الكبير واجب و كل تلك العبارات التافهه اللي بيكتبوها علي عربياتهم دول بقي الهزار معاهم بيبقي تقيل اوي و ما ينفعش حد يجي ناحيتهم الا لو عرفت تيجي قدامه و تلجمه و تخليه يمشي بالراحه بس عاوزه حذر و عينك علي المرايه ومسقط غيار و ال rbm عالي علشان لو حسيت انه حيخبطك تعرف تجري قبل ما يجي ناحيتك ااااااااااااااه الواحد لو حكي مش حيكفيه صفحات و صفحات من عمايل السواقين دول المفروض يتاخد الرخص من كل الفئات المهنيه دي و يتعاد امتحانهم من اول و جديد و يتشدد عليهم علشان يتعلموا السواقه صح و يعرفوا ان الله حق
__________________
حـازم خـضـر
|
#13
|
||||
|
||||
رد: هل السواقة فى مصر ذوق؟
حازم خضر باشا اليوم جعلت زوجتى تقرا كلامك لانه تماما مثلما يحدث معى وردود افعاك مثل ردود افعالى تماما مما يجعلنى مثار انتقاد من زوجتى على طول الطريق وادعى يسامحنى الله ان انفلونزا الخنازير تصيبهم وحدهم انا عايش فى الصعيد واسير فى طريق فردانى الجلاليب تسوق سيارات ربع نقل ولا السيدان فى السرعة والكل مستعجل وفتوه وهمجى فى السواقة واحيانا السيارة بلا اضواء جانبية تيجى تعدى تريلا تلاقى شبح يقترب امامك فتتراجع بسرعة وما يعلنى ان فى الكمائن العساكر والضباط يوقفونى للرخصة مع ان السيارة جديدة وتاريخ الترخيص على الزجاج ولابس الحزام والطفاية جنبى وشنطة الاسعافات معى اكلمهم عن السيارات التى بلا انوار وطريقة السواقة والمخاطر الذى اتعرض لها من سفالة السائقين ولا حياة لمن تنادى لان هيئة المرور هى التى صنعة هؤلاء السائقين لسهولة استخراج الرخصة وعدم تعليمهم اى شئ فى فرنسا دعيت الى حفل فاخر من احد الزملاء الاطباء وهو فرنسى وكان سبب الحفلة غريب انه حصل اخيرا على رخصة القيادة لان الحصول على رخصة القيادة يحتاج الى ثلاث امتحانات هى كتاب الكود وامتحان السواقة وامتحان الزحام والطبيب الفرنسى رسب فى الامتحان الاول اربعة مرات وفى الامتحان الثانى مرتين وفى الثالث ست مرات ونجح فى السابعة كنا نسير بسرعات عالية بدون مخاطر لان الاشارات شغالة وردود الفعل متوقعة بالتمام مثل الالة التى لا تخطى المهم فى النهاية لكى اهرب من انتقادات زوجتى على السيل الخارج من فمى قررت ان اعلمها السواقة وفى اول طلعة قالت لى انزل انت سوق انا لايمكن اسوق وسط اولاد ال.... وشكرا
التعديل الأخير تم بواسطة elmanahry ; 16-10-2009 الساعة 03:33 AM |
#14
|
|||
|
|||
رد: هل السواقة فى مصر ذوق؟
زي الحتت الجديدة و نظيفة انا في العكس غيرك بيتعمد المشاكل فيك هتعمل فية ايه هتكش ولا توقفو انا لسة عامل كده مع سواق تكسي طووول ما هو ماشي معلي صوتة و يا باشااااااااااااا و بنسسسس الليااالي بكل برود فتحت الشباك و قلتلو متحترم نفسك و لم الدور (( كش )) لانو حس انو بيعمل حاجة غريييبة طولت علكوptmnlo123per122 |
#15
|
رد: هل السواقة فى مصر ذوق؟
حنعمل ايه بس يا دكتور ماهو الواحد ما اتعودتش انه يبقي غلط
و هيا دي المشكله واللي يغيظك ان الناس لما يشوفوا حاجه زي كده يقولك معلش و سامحه و هو غلطان بس يعني هيا البلد ماشيه صحptmnlo123per111 لما دا يبقي ماشي صح؟؟!!!!!!!! يعني هو يتعدي علي حقي في الطريق ليه هو علشان البلد ماشيه غلط يبقي انا كمان اسيب حقي اقسم بالله مره واحد جاي مخالف و نزلت اكلمه بس باسلوب ناشف لقيته بيبجح قمت متصل بالنجده و مامته نزلت و معلش يابني و هو جه يقولي معلش و مسكته نفضته هو و امه و وقفت الشارع و عطلته لحد ما النجده جات و سيبته و مشيت!!!! و طبعا سمعت دعا عليا لو علي جبل كان اتهد بس عارف و متاكد اني صح و عمر ما ربنا حيعملي حاجه وحشه علشان ما غلطش في حد. مره تانيه برضه الشارع زحمه بسبب زفه و الاقي واحد جاي مخالف في وشي و عاوز يعدي و الطريق اصلا مش مستحمل و راجل كبير نزلت اكلمه بالذوق و الادب يقولي ما الزفه قافله طريقي!! طب انا ذنبي ايه ؟؟!!!!!! قولتله مش حعديك نزل من العربيه و جالي و يقولي هيا بلطجه و مش بلطجه و كل اللي علي لسانه كلمه بلطجه بلطجه !!! قولتله هو انا طلعت عصايه كوريك و جيت دغدغتك انت و عربيتك علشان تقول بلطجه و بعدين رتب كلامك كويس و اعرف انت بتتكلم ازاي لحسن مش حيحصلك كويس الناس اتلمت برضه و كلمه من هنا علي كلمه من هنا و هو عمال يغلط و راجل كبير و انا مش عاوز اغلط فيه ومن بجاحته يقولي علشان الناس دي انا حديلك قلمين بس !! انا سمعت كده و ما عرفتش انا بقول ايه ولا بتكلم ازاي قولتله انا قدامك اهو و لو راجل و ابن راجل كده مد ايدك عليا و انا حنيمك في القسم انهارد يا#$@%@^ و روحت عليه و ضربته برجلي و بقت خناقه و الناس اتدخلت و صحابي معديين شافوني و اللي يعرفني بالشبه كمان وقف و بقت مشكله هو استفاد ايه غير انه هزء نفسه و اتهزأ قدام الناس اللي واقفه بسبب قله ادبه و طوله لسانه انا بحكي حضرتك الموقف دا علشان تشوف ازاي الواحد بيبقي ماشي في حاله وكافي خيره شره و يطلع ناس ما تفهمش منين يفوروا اعصابه
__________________
حـازم خـضـر
|
|
|