|
هل السواقة فى مصر ذوق؟
من الملاحظ ان السواقة فى مصر مؤخرا بقت عافية وبالدراع
والذوقيات قلت او شبه اختفت كله عاوز يدخل ادامك من غير اشارات سواء تاكسى او ميكروباص يقف يركب وينزل فى وسط الشارع والمرور من عساكر لظباط حدث ولا حرج والغريب انى لاقيت نفسى انا بقيت قليل الذوق مع الوقت وقلة الذوق هى سبب الزحمة لان لو كل واحد مشى فى حارة طبعا ده لو من الاساس فى حارة مظبوطة اعتقد الزحمة حتقل وانا عاوز اسال افراد المنتدى هل بتحس نفسك قليل الذوق احيانا وانت سايق ؟ |
رد: هل السواقة فى مصر ذوق؟
:) الواحد ينزل من بيتو زي الفل
يركب العربية >>>>>>>>>>>>> يتحول بس والله في اماكن تلاقي من نفسك زوقياً من عندك في ناس بيجبروك تكون قليل الزوق معاهم للاسف ptmnlo123per111 تسلم يا كبيير علي الموضوع الرائع |
رد: هل السواقة فى مصر ذوق؟
اقتباس:
هو بالظبط كده تبقى نازل من البيت لا بيك ولا عليك تلاقى الشارع كله بيجر فى شكلك وبعد عدة محاولات ان الواحد يمسك نفسه يلاقى نفسه فى الاخر فقد اعصابه وبقى زى باقى الناس تحياتى للجميع |
رد: هل السواقة فى مصر ذوق؟
اولا شكرا يا باشا على الموضوع المهم
و متهيألى يا باشا ان الزحمة مع قلة احترام الناس للنظام و قلة احترام الناس لبعضها هو اللى بيسبب اللى حاصل فى الشارع المصرى النهاردة و طبعا اللى بيزود ده الجهل واللامبالاه التى يتصف بها معظم سائقى الميكروباص و التاكسى والله لما بنزل مصر و اسوق ببقى ملتزم لمدة كام يوم لحد ما بلاقى نفسى انا الكائن الدخيل الوحيد اللى ماشى فى الشارع فا باضطر امشى بنظام مصر علشان ماحدش ياكلنى و انا ماشى :) |
رد: هل السواقة فى مصر ذوق؟
عندكو حق والله هوالموضوع مش متأصل فى طبيعة الناس ولا حاجة بس اول ما الواحد بينزل ونتحط فى دوامة الزحام والاشارات والميكروباصات والاتوبيسات والطرق المكسرة وتخطيط الشوارع والمحاور اللى زى الزفت وتلاقى كلاللى حواليك بيفتكس ويرتجل ويخترع ويستنصح لازم انت كمان هتتحول وتعمل زيهم ptmnlo123per111 |
| الساعة الآن 06:30 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017