طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

[Hisham.Elgazzar]

المشاركة الأصلية كتبت بواسطة jamil بدل ميرخصو العربيات جيبين لينا زبالة الشعوب نركبها وراهم هي الشوارع ناقصة عربيات تعبانة

دى مصالح لناس تانية
وأحنا مش هنستفاد من الموضوع ده ببصلة
غير بس زحمة الشوارع ، ومبرر تانى لنقص البنزين وزيادة أسعاره

[Elsebily]

يا جماعه انا مش فاهم هي الناس فعلا مصدقه اني الحكومه لو عملت كده هتبقي بتدور علي رفاهية الشعب ولا بتدور علي انها تخلي كل العربيات جديده في وقت الحكومه مطالبه فيه بانه فيه عشوائيات كتير مطالبه بانها تحل مشاكلها وشباب كتير مش لاقي وظيفه واسر بتبات من غير عشا يعني بالعقل كده الحكومه لو عملت كده هيبقي في الموضوع سبوبه ليهم حلوه زي مشروع النمر الجديده كده بس ده طبعا هتكون السبوبه اكبر من الاخر كده القرار ده قبل ما يتنفذ لازم حاجات كتير قوي تتعمل قبله زي اننا يكون عندنا طرق كويسه او عندنا بنزين كافي اننا نشغل العربيات دي او ميبقاش عندنا تكدس مروري واللي بيقولو اني العربيات دي مش هتعمل تكدس مروري وهتشيل العربيات القديمه انا عاوز اسال حضراتكم سؤال هو اصلا كمية العربيات القديمه اللي بقت في البلد دلوقتي قد ايه بقت قليله جدا ولو مشيت علي اي طريق هتلاقي مثلا علي الاقل عشر عربيات جديده مقابل عربيه قديمه واخيرا ياريت اولا نعرف مصدر الخبر ايه اصلا قبل ما يحصل النقاش المحتدم ده كله ويطلع الخبر اصلا في الاخر ملوش اساس من الصحه

[3bd0]

يا جدعان ما هوا مش معقولة هنعد طول عمرنا مستوى عربياتنا اقل من بقية الناس
ليه منبقاش زينا زيهم
انا عارف ان عشان الفكرة تنجح لازم النظام الاداري يتغير كلو، وعارف ان الحكومة مش هاتعمل حاجة زي كده الا لو كان وراه سبوبة جامدة
بس في نفس الوقت مينفعش نقعد نقتل كل حلم وكل فكرة عشان خايفين كذا وكذا يحصل لو غيرنا من طريقة عيشتنا
ومينفعش بردو نقعد نقول مينفعش نغير حاجة في البلد عشان مرتبطة بحاجة تانية اللي مرتبطة بحاجة تالتة وان احنا قدامنا كتير لما البلد تتصلح وبعدين نبقى نفكر، وما هوا كده مافيش حاجة هاتتغير ابدا!

انا طبعا مش متفق مع أخويا Hisham.Elgazzar في نقطة ان تكاليف التشغيل هاتبقى اكتر من طاقتنا، انا في رايي ان عمر ما تكاليف عربية جديدة مهما كانت فيها تكنولوجيا معقدة هاتزيد على تكاليف عربية قديمة. الا لو هنقول ان في الاول مش هايبقى في ميكانيكية بيفهموا فيها وبالتالي هاتصلحها بالغالي، بس ده هايتحل مع الوقت

[YahiaAshraf]

الف شكر يا باشا على الخبر الحلو

[محمد اشرف]

طب لازم تكون العربيه الاستيراد اول يد ولا ينفع اشترى عربيه استعمال وانزلها