مصر موتورز مجتمع السيارات - طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

عااااااااااااااااجل من داخل مكتب رئيس الوزراء مشروع قانون يقضى بالسماح باستيراد السيارات حتى 10 سنوات سيتم عرضه على مجلس الشعب لتنفيذه

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

هو دة الكلام اخيرا دة حيفرق كتير جدا ويغير خريطة سوق السيارات المصرى المعفن انا اسف على المعفن لانه فعلا فاشل بكل معنى الكلمة والمستهلك مظلوم جدا بس لو المشروع تكون العربية كحد اقصى استعمال 5 سنين يبقى افضل علشان حاله العربيات وما يكونش السوق مزبله سيارات الاسواق الخارجية انا كنت فى الاردن والسعوديه وشفت عربيات استعمال المانى وامريكانى حاجة حلوة جدا باسعار احلى ومواصفات احسن من اللى بتتصدر من بلد المنشأ للوكيل فى السوق المحلى خصوصا العربيات الالمانى بتيجى بمواصفات عالية واسعار مقبوله على الاقل نخلص من العربيات اللى بتتفرض علينا ويخلق نوع من المنافسة

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

اخبار الضرائب ايه ؟

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

السلام عليكم ورحمة الله

طيب الخبر ده هل هيأثر على شراء الزيرو
او بمعنى اخر اللى مقبل على الشراء يستنى ولا عادى ملهاش علاقه ولا ايه الوضع من فضلكم
وربنا يجعله خير

وشكرا جزيلا

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

يستنى بالتاكيد
انا طول عمرى اقول لو الحكومة عملت الموضوع دة سوق العربيات هايختلف تماما
مش هتلاقى عربية قديمة فى الشوارع
القرار دة هاياثر على الجديد والقديم
تخيل انك راكب عربية وارد المانيا ولا ايطاليا ولا فرنسا ........تخيل هاتيجى مصر بكام
الجمارك عليها اعتقد مش هاتزيد عن 30% او ممكن يعملوها شرائح لكن فى المجمل هايثر على سعر السوق جدا بنسمع كتير ان البى ام من المانيا بتتشحن لغاية مصر تقف مثلا بـ 20 الف جنية
يا جماعة العربيات زيرو فى بلدها بحوالى من 5 الى 7 الاف دولار للفئات المتوسطة والكورى
تخيل بقى لو هاتنزل عربية من دول موديل 2010 مثلا..........وانا اعتقد ان اللى معاة عربية هايحاول يبعها اليومين الجيين لو الموضوع اخد شكل جدى
دحنا هانتدلع