طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

[Hisham.Elgazzar]

المشاركة الأصلية كتبت بواسطة MANDO09 يارب الموضوع ده يتطبق ... بالنسبة للمرور متقلقوش يا جماعة هو ايه اللى بيمنع واحد بيدور على شقة رخيصة انه ياخدها فى اى مدينة جديدة او مدينة بعيدة برغم رخص اسعار الشقق والعقارات بشكل عام فى المدن الجديدة ... غالبا السبب فى عدم توافر العربية فانا اظن والله تعالى أعلى وأعلم ان مثل هذا القرار قد ينعكس ايجابا وليس سلبا على المرور وعلى الزحف العمرانى الى المناطق الغير مأهولة حاليا ... تفائلوا بالخير تجدوه ان شاء الله

بتوع المدن الجديدة الله ينور رافعين السعر فى السما
والشقق فى الشروق والعبور وبدر بتعدى ال150 وساعات 300

[Hisham.Elgazzar]

يارب الموضوع كله يستفيد منه
مايبقاش متفصل لناس معينين
واحنا اللى نتظلم


او تكون بوابة تانية لأحلال الملاكى

انا معنديش إستعداد انى ابيع عربيتى
برخص التراب بعد ما شقيت علشان امشيها

وفى الآخر اركب علبة سمنة وعليها شوية توابل طظظظ فى ده قانون

يا جماعه اللى معاه عربية قديمة ومش محافظ عليها وبتعطل منه كتير

معلش بيعها لو انت مش قد الأعطال دى وهاتلك حاجة قسط

او تركنها علشان الميكانيكية الصيادين فى الميه العكره هيكرهوك فى حياتك

وفى الآخر برضو هترفع البلاطة وتركب عربية بالقسط

[jamil]

بدل ميرخصو العربيات جيبين لينا زبالة الشعوب نركبها وراهم هي الشوارع ناقصة عربيات تعبانة

[Hisham.Elgazzar]

المشاركة الأصلية كتبت بواسطة sayed2077 بالنسبه لامريكا وان العربيات عندهم ضخمه حضرتك تعرف مساحة امريكا كام مساحتها حوالى 4 مليون كيلو متر مربع والمسافه بين كل ولاية والتانية كام اقل مسافه بين الولايه والتانية الاف الكيلو مترات وبالتالى لازم لما يقطعوا المسافه ديه كلها يبقى العربيه كبيرة علشان راحة السائق و قوة العربيه علشان تستحمل الطريق وعلشان حاجات كتير وده اللى بيخليهم يستخدموا عربيات ضخمه بس انت هنا فى مصر اطول مسافه ممكن تقطعها من الاسكندرية لاسوان حوالى 1000 الى 1500 كيلو يعنى ال 128 تروح المشوار بدون ادنى مشاكل ثانيا فى امريكا البنزين بيتباع بالاسعار الحرة مش زى فى مصر بيتباع باقل من نصف سعرة والباقى تتحملة الدولة غير كده شوف شوارع امريكا عاملة ازاى وتخطيط المدن فيها عامل ازاى انت هنا فى مصر 85 مليون ساكنين على 10 % من مساحة مصر او اقل من كدا كمان يعنى احنا قاعدين على مساحة مائة الف كيلو متر مربع من مليون كيلو متر مربع ثانيا بالنسبه لان اغلب سيارات اوروبا فوق ال 1800 سى سى مين اللى قال لحضرتك كده الكلام ده غلط نهائيا اوربا بتطبق شروط ومعايير قاسيه بالنسبه لاستهلاك البنزين فى السيارات الجديده وان السيارات الصغيرة الحجم هى اللى بيكون لها تسهيلات كبيرة فى الضرايب علشان بتستهلك بنزين قليل وبالتالى بتحافظ على البيئه ولكن السيارات ذات السعة اللتريه العالية بيبقى عاليها ضرائب باهظه وبتكون غالية فى السعر جامد وحتى تلاحظ ان دلوقت بقى اغلب السيارات الاوربى بتنتج بمواتير 1400 سى سى و بيتحط فيها تيربوا علشان ياخدوا اعلى اداء من اقل سعة ليتريه نيجى بقى للخنافس الى فى مصر متنساش انا قولت ايه قولت لو يتم مثالا عمل مشروع زى الاحلال كده ان كل واحد عربيته عمرها اكثر من عشرين سنه مثالا يروح رايح مسلمها للحكومة والحكومه تديله مبلغ مقابلها و تديله جواب بالجواب ده يقدر يروح يشترى عربيه من بروسعيد مثالا ويدخلها بدون ضرايب وبالتالى نكون مشينا العربيات القديمة وجبنا حاجات احدث شوية بس طبعا يتم وضع ضوابط على السعه الليتريه مثالا اعلى سعه ليتريه تكون 1600 سى سى بس ان الحال يبقى سداح مداح وكل من قدره ربنا ومعاه 20000 الف يروح يستورد عربيه كده هيحصل عندك حالة تخمه غير عادية وفعلا الامور هتبقى كارثية بمعنى الكلمه وكمان لعلم حضرتك لما مثالا انا واحد زى حالاتى كان معايا 20000 الف روحت اشتريت عربيه كده كده هى موجوده فى السوق اساسا يعنى كده كده هى ماشية فى الشوارع مش روحت جبت عربيه جديده من برا وحشرتها فى وسط العربيات الموجوده ارجوا ان تتفهم وجهة نظرى اخى الحبيب اخوك فى الله سيد

معاك حق يا باشمهندس ربنا يباركلك

حاجة تانية كمان فى أمريكا زقهوا من زيادة أسعار البنزين وبيعملوا أفكار كتير
علشان يمشوا عربياتهم بالمياه مع البنزين وناس كتير عملتها وشغالة مش إشتغالة

حتى المواتير الكبيرة والمتربنة وبتوفر معاهم بنسبة 50 % على الأقل
وبالنسبة لهنا فى مصر هتحتاج عربية 1400 بالكتير
بس لو سعر البنزين غلى او نزل على البطاقة التموينية ده كلام تانى

ده غير تكاليف إصلاحها هتبقى أعلى من العربيات بتاعتنا بكتير

موضوع شائك بجد

[Hisham.Elgazzar]

المشاركة الأصلية كتبت بواسطة mainz ولا انتوا عايزين تخليكوا راكبين الخنافس الى انتوا بتركبوها ديه عاجبكم حالكم اوى كده بالعربيات الى عمرى ما شوفت زيها الا فى مصر حاجه تخنق

معلش يا باشمهندس الخنافس دى كتر ألف خيرها انها شغالة
ولا كمبيوتر للموتور ولاحساسات ولا يحزنون ، ولا الحوجة للتوكيلات
النصابين والسرقة العلنى
وكمان بتمشى بأقل التكاليف

ومش محتاجين للرفاهية الزيادة أوى اللى تخلينى عرضة للحسد والذى منه وده كله علشان الرفاهية

تطبيق القانون ده محتاجله خمسين سنة تكون البلد اتصلح حالها ساعتها ممكن نفكر نغير الخنافس
ونركب علب سمنة