العربية بتنتش على الاول

[احمد على 1999]

المشاركة الأصلية كتبت بواسطة ahmed5050 ال RPM بقى حوالى 900 لفه على السلانسيه من غير ما حد يلعب فى حاجه !!!!!!! انا جربته امبارح اكتر من نص ساعه كذا كره امبارح بالنسبة لسير الكاتينه انا غيرته من اسبوعين مع باقى السيور (تكييف دينامو بور). حضرتك تقصد ان ممكن اللى ركبه مظبطوش ؟ سؤال تانى هل تفرق تركيب سير كاتينه لموتور فيرنا 1600 عن موتور فيرنا 1500؟ اقصد تفرق فى طريقة التركيب؟ انا بصراحه شاكك ان الموتور بتاعى ممكن يكون متغير بموتور 1500 لان الميكانيكى قالى كده ارجو الافاده

طريقة التركيب مبتفرقش
بس وارد يكون مقاس السير مختلف فهل الميكانيكى قارن السير الجديد بالقديم ؟

وفى رايى بعد ما تراجع صحة تركيب السير
الخطوة اللى بعدها عمل نظافة الترا سونيك للرشاشات قبل خطوة تغيير المضخة و الرشاشات لان دايما يفضل تبتدى بالاسهل و الارخص

[ahmed5050]

تم تغيير موتور طرمبة البنزين وللاسف العيب زى ما هوا بالظبط .......... امبارح العربية بطلت منى وانا بعمل يوتيرن ....... بعد ما دورتها فضلت تنتش وفجأه جمعت مره واحده ومشيت كويس.

النهارده هراجع صحه تقسيم سير الكاتينة لانى مع الاسف موقفتش مع الميكانيكى اللى ركبه.

الموضوع ده ممكن يعمل كوارث خصوصا فى الطرق السريعة.

نفسى الاقى حل علشان دفعت كتير وزهقت

[احمد على 1999]

عشان كده بفضل البدء بالاجراءات الوقائية الرخيصة او حتى لو غالية كده كده مفيدة حتى لو معالجتش الموضوع

فى مراكز صيانة بيبقى فيها كشف على عمل الرشاشات و تنضيفهم لو لزم الامر بالالترا سونيك

و مفيش ضرر من الكشف على صمام البيئة ال egr ( لو موجود ) ممكن يكون بيعلق

جرب افصل الخرطوم اللى كان مفصول قبل كده

[ahmed5050]

كلام منطقى ......... بس انا عايز من حضرتك معلومتين
1- فين صمام ال EGR ده بالظبط ؟
2- انا ساكن فى الهرم .... لو حضرتك تعرف اقرب مركز تنظيف رشاشات بالاتراسونيك يا ريت تقولى عليه.

شكرا

[احمد على 1999]

الصراحة انا مش متاكد ال egr ( صمام البيئة ) موجود فى الفيرنا و لا لأ
و برضه معلش انا مش من القاهرة بس بتهيألى ان الحرفيين بيعملوا الكفت انا عارف انها بعيد عنك