العربية بتنتش على الاول
 

معى سيارة فيرنا 2004 اوتوماتيك - 145 الف كيلو - مشكلتها كالاتى:

لما بكون راكن او واقف فى اشارة او بعدى مطب واجى بعد كده ادوس بنزين العربيه بتنتش (اكنها بتقطع فى المشى) وبعدين تمشى كويس بعد كده. يعنى النتشة او التقطيعة دى بتبقى على الغيار الاول فقط.

انا مشتريها من شهر وغيرت زيت موتور وفلتر بنزين وفلتر هوا
ايضا غيرت سير كاتينه ودينمو وباور وتكييف (للعلم)
لسه مغيرتش زيت الفتيس ولا البوجيهات.

ممكن حد يساعدنى فى تفسير العطل؟

شكرا مقدما

رد: العربية بتنتش على الاول
 

كصيانة وقائية جرب غير البوجيهات و سلوكها
لو زيى ما هيا
جرب نضف صمام الايدل و البوابة
لو لسة يبقى نفكر فى الحاجات الاصعب

رد: العربية بتنتش على الاول
 

شكرا جدا على الرد السريع.

انا هغير بوجيهات فعلا وسلوكها .
بس ايه صمام الايدل ده ؟
على فكره انا كان عندى عضه فى دواسه البنزين (احيانا دواسة البنزين كانت بتعلق ولازم ادوس عليها جامد علشان العربيع تمشى) وعملتها عند الميكيانيكى من اسبوعين وقالى انه غير البوابه تقريبا او صلحها ...... ممكن ده يكون ليه علاقة؟ مع العلم ان العيب ده لسه ظاهر معايا من يومين فقط.
هل هذا العيب مرتبط بزيت الفتيس؟ يعنى لو الزيت وحش تعمل كده؟
شكرا مقدما

رد: العربية بتنتش على الاول
 

فعلا احتمال كبير سبب التنتيشة فى ميكانزم البوابة من اول الدواسة و الواير و البوابة نفسها فلازم يتراجع على كل الوصلات ديى و تتاكد ان شغلها سلس
استبعد الصراحة الفتيس

رد: العربية بتنتش على الاول
 

شكرا مره اخرى على ردك ....... سوف اراجع الميكانيكى وانشر الرد لتعم الفائده