كل واحد حصلو كدا يخش

[وائل كروز]

قصة حلوة

[م/ سامح]

المشاركة الأصلية كتبت بواسطة mido_khalifa انا بقي حصلي موقف انا بموت علي نفسي من الضحك كل اما افتكره مع انه في ساعنها كنت زعلان اوووووووووي وكنت حالف منا سايق تاني. الموقف كالتالي انا ماشي بالعربيه كنت لسه شاريها المهم روحت اتمشي بيها شويه وكنت علي قدي خالص كان اخري التاني المهم دخلت شارع معاكس وكان يدوبك يمشي عربيه يعني اللي انت تدير منه في وقت يعني المهم سواق تاكسي وهو مقبلني شورلي ارجع انت معاكس يانهر اسود انا اتخضيت ادير ازاي دي ليله سوده المهم جبت يميني خالص وكاسر الدركسيون شمال كدا حلو خالص العربيه كدا خدت الطريق بالعرض ارجع لورا وكان في عربيات راكنا طبعا بطول الطريق انا برجع بقي وعاوز ابين نفسي سواق واجيبها بسرعه انا برجع المهم دايس بنزين جامد المهم سمعت واحده بتسرخ جامد انا طبعا مش بالي المهم العربيه تزعق وانا برضه دايس انا طبعا ولا باصص في مرايا ولا اي حاجه لحد مالقيت واحد جري عليا وعمال بيشورلي ساعتها حاسيت ان الصويت دا طالع من عندناههههه اتاري انا وانا برجع لورا زنقت البت بين عربيتي والعربيه اللي ركنا عصرتها يعني طبعا انا وقفت الطريق وكل اما اجي اتحرك العربيه تبطل مني نزلت لقيت البت عماله تصرخ وتعيط انا لسه رايحلها اقولها اي مساعده لقيت صاحبتها بتقولي امشي انت خالص الله يخربيتك ماشيت طبعا وانا زعلان جدااااا وكنت والله هعيط وانا مروح لاني عصرت البنت ودلوقتي كل اما افتكره اضحك ههههههههههز

حصلي الموقف ده امبارح بس الحمد لله معصرتش بنات بس كنت هاخيش في عربية ركنة وربنا ستر وقفت العربية وخليت الراجل اللي ادامي يسوق عربيتي علشان كنت مش عارف اعمل ايه وربنا ستر والحمدلله.

[MR_SELVESTER]

معلش ع الغيبة الطويلة بس اخر موقف حصلي وهو...:
انا ماشي رايح اظبط الفرامل والعفشة لقيت واحد صحبي معدي فببص عليه واندهله لقيت نفسي دخلت في عربية راكنة المهم نزلت لقيت وش الفانوس عندي اتشرخ نزلت بقولها حصل ايه عندك لقيت جمب العربية كلو بتاعها بايظ قولت الحمد لله العربية حلوة بعدها بفترة رايح اطلع رخصة لقيت قائد المرور حافظ العربية بكل شبر فيها واتضح ان الي انا خبطتها دي مراته ... وتخيلو بقي الي حصل

[myson medo]

تصدق العنوان اصلا يضحك
انت بتقول اللى حصله كده يخش !! طيب هعرف ازاى الا لما أخش الاول :shy:

[ahmed_zamalek7]

انا بقى اكتر موقف كل مفتكره اضحك وانا بتعلم السواقه انا اتعلمت على عربيه داتسون ربع نقل 2 كابينه موديل 88 كانت عربيه جاز المهم روحت ارض فاضيه اتعلم فيها الارض كانت كلها فاضيه وفى النص عمود رفيع كده وانا برجع مرشيدير سبت الارض كلها وقمت خابط فى العمود