ارجو الدخول والمساعدة فى مؤشر rpm

[memodina1]

المشاركة الأصلية كتبت بواسطة ramy safwt يبقى كده بسيطة يا ريس هتلاقى المشكلة فى دايرة الاجنيشن كونديسر تعبان شويه بوجيه محتاج نضافه سيركت مسقطه ريجيلاتور بسيطة ان شاء الله روح بس لحد بيهفم مش بيفتى بالتوفيق

انا فكرت فى كدة وجبت منظف انجكشن وهاخدها طريق سريع وهطلع البوجيهات ابص عليها بس انا شاكك بنسبة 75% انة صمام الايدل بصراحة لو استمر الامر على كدة بعد تنظيف الانجكشن وتغيير البوجيهات هسيب الموضوع لانة مش ماثر معايا فى حاجة حاليا وهصبر شوية على الموضوع لحد ما اشوف واحد زميلى يدينى الصمام اجربة وهسيبها على الله بدل ما حد يلعب فيها يخريبها
عموما هنقل اللى حصل معايا عسى حد يستفاد ولكن المووضوع هياخد شوية وقت على ما اشكل الموضوع والمشكلة تامة دا لو عرفت السبب وشكرا على المساعدة

[memodina1]

المشاركة الأصلية كتبت بواسطة احمد على 1999 فى عربية ممكن تعمل صفر كم فى الصفيحة و تبقى طبيعية 100 % ............ تدور العربية و تفضل واقف طبعا وصفك لطبيعة المشاوير يؤكدلى ان استهلاك البنزين فى عربيتك طبيعى و متشكش فيه و حلو جدا كمان

شكرا جدا استاذ احمد وفعلا على الطريق السريع بيختلف تماما مفيش مقارنة لو ماشى على 90 الى 100 وبيزيد الاستهلاك معايا فوق 100 الى مثلا 140 اشكرك جدا
وان شاء الله بالنسبة لموضوع نزول العداد وطلوعة بنسبة بسيطة انا هحاول كام تجربة كدة وهنقل اية اللى حصل ولو متصلحش هسيبة كما هو بدل لعب الصنايعية وممكن الصيانة الجاية اقولهم على الموضوع فى التوكيل ونشوف وربنا يسهل يارب بارك الله فيكم جميعا

[memodina1]

اى حد عندة معلومة فى الموضوع لا يبخل علينا فيها او مر بنفس التجربة حتى لو مصلحهاش

[حسام البورسعيدى]

على فكره عربيتك طبيعية جدا والايدل بتاعها مفهوش اى مشاكل ..

وطبيعى جدا فىى الفيرنا عند تشغيل التكييف تلاقى الـ RPM ينزل لمده ثانية او اقل ويعلى تانى بسبب الحمل المفاجئ اللى بيعمله الكمبريسور وكذلك لما تطفيه الـ RPM يعلى سنه وبعدين ينزل تانى برضو بسبب الفصل المفاجى للكمبريسور ..

اللى مش طبيعى هو تغير الـ RPM عند تشغيل النور وده سببه ان الارضى مش راكب كويس او مهزوز او السلك وحش ..

اكشف عليه واربطه كويس وباذن الله هتظبط معاك ..


وعلى فكره تظبيط الارضى هيقلل معاك موضوع التكييف ده كمان ...

[romeoalmansour]

ياريت تطمنا يا صديقي العزيز