السرعه و التسارع انا وصلت لاختراع مذهل

[Elbossahmed2008]

أنا ملاحظ حاجه دي ملاحظه بس مش اكتر انك مرضتش لا علا كلام ورلد ولا كلام اف 170 و انك بتهرب علطول و تنقل علي موضوع تاني لااتكلمت صحيح ان ازاي لانسر 1300 بتجيبها في 12 ثانيه و انت جبتها بي ال 1600 حتي لو بنزين 80 في 14 ثانيه

و ثانيا حكايه استهلاك البنزين دي انا مش شايف انها منخفضه 8.7 و لو حتقرب مش تقرب للأقرب يعني تبقي 9 لتر مش 8 زي منتا بتقول

ايه عرفنا انك حاتيط بنزين 80 العداد بتاع البنزينه ابيض من الشمس يعني محدش عارف انت حاتيط كام

انا مشفتش اي انخفاض في درجه الحراره ولا العزم الجبار اللي بتقول عليه في الفديو دا

و انت ليه مسكت في الراجل علي حكايه 6.7 اللي بيقول جبها من الكتالوج

انت مش جايب برضو من الكتالوج ان العربيه اخر سرعه فيها 185 و انت بي اختراعك دا حلتها تقفل اخر العداد

و شكرا و اتمني الرد عليا و عدم التهرب من ردي ايضا

[F170]

المشاركة الأصلية كتبت بواسطة F170 التاكسيات بتسقط مواتير ديزل علشان كان ارخص بكتير من البنزين والمكن الديزل احسن بالنسبه للتاكسيات في الحر

لا حول ولا قوه الا بالله
مش قلتلك انك بتقرى من غير تركيز انا عارف انا بقول ايه كويس وعارف ان السولار دلوقت
وليه اكتر من سنه ونص او اتنين ب110 مش 75قرش او على ساعه ما كنت انا بتكلم وقصدي عليه ب45 قرش
من حوالي 5 او 6 سنين تقريبا ..

وياسيدي شكرا علىالمعلومه القديمه بأن بره معندهمش بنزين 92 واحب اضيفلك العربيات البورش شوف دليل الأستخدام بتاعها اللي بيجي مع الموديلات الجديده 996 و 997 بتنصح بأستخدام بنزين 98 اسأل أي حد قرى دليل لو تعرف حد يكون شافه اساسا
دي حاجه الحاجه التانيه مشكله الكريستاله انها 1300 سي سي وعملت 12 او 11 ثانيه لل100 كيلو و الواد مكانش قازح على الغيار الأول ومجابش بيه اخر الRPM
وده ضيع منه شويه حلوين كان ممكن يجيب بيهم ال100 في اقل من كده
مش عربيه نوبيرا 1600 سي سي المفروض انها تكون اسرع من كده او على الأقل زيه و بعدين الBMW 316i بتعمل ال100 في 11.9 ياسلام انت مش واخد بالك انك بتتكلم عن عربيه اوتوماتيك منين انت جايب الكلام ده من "البامفيلت" جميل طب بص الفيديوهات دي و شوف وقوللي ايه رأيك ده لو على التسارع

Hyundai Accent 1.6 DOHC 0 to 100km/h

http://www.youtube.com/watch?v=ktGzpZItuPw&NR=1

وعلشان متقعدش تقوللي دي اسمها عندنا هنا فيرناااا

Hyundai Accent 1.3 Acceleration (0 - 100 km/h)

http://www.youtube.com/watch?v=TlQ0WRt-vS4

يا عم دي اكسنت 1300مهروكه و عامله 177000 وشويه فكه وجايبه 14 او 15 ثانيه زي النوبيرا المتهالكه بتاعتك

Mitsubishi Colt 0-100 Km/h

http://www.youtube.com/watch?v=JDMlT...eature=related

الكولت بره معروف انها 1.3 او 1.5 بس وبرضه شوف ودور

0-100 Km/h Fiat Palio 1.6 16V

http://www.youtube.com/watch?v=psoOZ...eature=related

ايه رأيك في ديوأخيرا ال

BMW E36 316i Compact 0-140 km/h acceleration

http://www.youtube.com/watch?v=wLoZ4...eature=related

بدأ في اخر الثانيه 2 وجاب ال100 في الثانيه رقم 12 يعني بالميت خالص 10 ثواني بس هي لو جينا للحق دي عاملاها في 9 وشويه صغيرين وشوف الفيدوهات الريلاتد(related) و شوف حتلاقي تاني واحد عاملها في 9-10 ثواني صريحه جدا والعداد باين ولا ليه ما احطهولك برضه

http://www.youtube.com/watch?v=E2yjRir3pLQ&NR=1

يابني الفيديوهات دي تدل على ان مفيش عزم جبار زي ما انت بتحكي وبتتحاكى معانا
يا عم شوف احنا بنقلك ايه وانت بتتلكم في ايه
وانا للأسف مكانش في فكري اني اوثق "اللحظه التاريخيه"(دي تريقه على فكره) اللي حكتشف فيها ان العربيه النيو اكسنت بتعمل 8 ليتر
بالحموله دي لأنها حاجه المفروض تكون طبيعيه جدا بالنسبه لأستهلاكها العادي واللي هو 6.5-6.7 ليتر في ال100 كيلو قول يا عم 7ليتر وانا بقول الكلام ده لأني كذا مرة اجرب افول لغايه الغطا بتاع التنك و اشوف العربيه عامله كام بنزين في المسافه و ده المتوسط بتاعها اللي هو ال8 ليتر تقريبا على الحموله العاليه عايز و لو انا ووالدي بس بكون حوالي 7-7.5ليتر في ال100كيلو
وال6.7 ليتر لل100 كيلو دي كلام المصنع على النيو اكسنت بتاعه والدي مش بتاعه حضرتك بتاعتك يا بيه انا قايلك انها بعد الأخترااااااع الخزعبلي بتاعك المفروض تعمل 5 ليتر في ال100 كيلو مش 8.7 ليتر

وبالنسبه للأثبات باشا انا اثبته بالأرقام منك مره وحثبتلك مره تاني على ال8 مش ال8.7 ماشي ودي الحسبه 8.7×100 تقسم على 109.7 = تدينا 7.93 تمامنيجي بقى لحكايه "البامفليد" قصدي البامفليت انا مش عارف انهي مواصفات اللي قريتها كل اي حته في النت بتقول ان النوبيرا ال1600 بتعمل 33 او 34 ميل في الجالون خلينا على الاقلروح حولها في جوجل او لو تعرف الحسبه ازاي اعملها حتديلك

33 miles per gallon = 14.0297423 kilometers per liter

يعني 1×100 تقسمها على 14.03 = 7.13 ليتر في ال100كم7.93 تطرحها من 7.13 = 0.8 0.8 تقسمها على الرقم الأصلي من كل حته اللي هو 7.13 = 0.112يعني سيادتك وبكل بساطه كده لأخواننا اللي مبيحبوش الحساب مزود 11.2 % في استهلاك البنزين مش مقلل ولو حتى 1% عن الطبيعي ولاحتى على الاقل زيه وحقولها تاني ده بسبب البنزين التمانين اللي انت حاطه والله اعلم للأخ اللي كان كاتب انك ممكن تكون حاطط بنزين 92 لأ انت حاطط تمانين لأن لونه الأحمر باين والتنك بيتملي ياخي حرام عليك دا انت كنت كاتب والله على ما اقول شهيد واللي مش مصدق يقرى اول الموضوع انك بتوفر في البنزين التمانين 40% من الأستهلاك ويعني الحله اللي في البيت حتنثني و وش السليندر مش حيتني يا سلاميابا الألومينيوم اللي في العربيه معمول علشان يتحمل ضغط وحراره واجهاد محسوب جدا بحيث انه يكون زيه زي الزهر اللي في العربيات بتاعه زمان والا كنا كلنا بعد شده ولا حرقه مع عيل خنفس فرحان بعربيته كنا روحنا خرطنا وش وياريت تكون فاهم معني اللي انا بقولك عليه علشان كده لما حتلعب فيه وتحفر مش يشرخ ومش حيسيح و اجي الاقي الماتور عامل زي الحتع الشوكولاته في الحر وانا مش حعمل اكيد اختراع من غير مكون انا عارف بعمل ايه وقاري ودارس كويس زيك لمده "6 شهور " علشان الاقي نفسي معملتش حاجه في الأخر و كل اللي كسبته بجد منك هو تضييع الوقت انت حتى مبتختبرش بموضوعيه عمرك سمعت عن ان في اختبار للعربيه بأني اسيبها تنزل للسلانسيه على الغيار الخامس ههههههههههههههيا راجل خلينا ساكتينلو عايز تعمل حاجه تبين العزم على الغيار الخامس اجري من 80-120 وشوف قبل وبعد دي مش بتكون مره او مرتين انت المفروض في اي تجربه علميه واخواني بتوع علمي على رأي الدكتور الرائع بولبولان حيبقوا عارفين انها بتتعمل بكذا محاوله وبياخدوا المتوسط بتاع النتايج علشان يكون الكلام مش محض صدفه كفياك بقى علشان انت بجد تعبتني وضيعت وقتي

[mismail_2000]

الأستاذ مدحت ، الأخوة الأفاضل المشاركين في الموضوع
أتابع الموضوع من فترة وبشكل شبه يومي لأرى تفاصيل إبتكار الأستاذ مدحت وأريد أن أوضح بعض النقاط من واقع خبرتي في السيارات :

1- السرعة القصوى الموجودة بالكتالوج لأي سيارة هى أقصى سرعة تحققها السيارة في ظل الحمل الكامل والحمل الكامل يعني حمولتها القصوى من الركاب والأمتعة وخزان الوقود وهذا يفسر أنه دائما السرعة القصوى أقل من أقصى قراءة لعداد السرعة للسيارة ، فمكان تحقيق سرعة أكثر من السرعة القصوى في الكتالوج بتقليل الحمل أي تقليل عدد الركاب الى السائق زائد راكب واحد أو تخفيف الأمتعة وهكذا .

2- لحساب متوسطات استهلاك الوقود يجب التأكد أولا من أن السيارة بحالة ممتازة من حيث الكهرباء (بلاتين وكوندنسر في السبارات القديمة والإسبراتير الإلكتروني في السيارات الحديثة) - الفلاتر (بنزين وزيت وهواء) وأن الطلمبات(بنزين وزيت)تعمل بشكل جيد وتغيير الزيت بالكامل وتغيير الإطارات واختيار طريق جيد مع تثبيت نوعية ومصدر الوقود . والسير لمسافات طويلة لتتراوح بين 2000-10000 كم لتلافي التأثيرات المختلفة من ممانعة الرياح وتأثير الجاذبية الأرضية بسبب انخفاض وارتفاع الطريق .

هذا وأتمنى كل التوفيق للأستاذ مدحت ولكن وكما قال معظم الزملاء يجب معايرة التجربة بشكل علمي سليم حتى تساعد الباحث على تقييم الإبتكار بشكل أفضل واتخاذ الخطوات السليمة لتطويره والوصول لنتائج جيدة

م. محمد اسماعيل

[d0tn3t]

المشاركة الأصلية كتبت بواسطة F170 جميل طب بص الفيديوهات دي و شوف وقوللي ايه رأيك ده لو على التسارع

رد ميه ميه

معلش سؤال بعيد عن الموضوع هوه عشان الواحد يطلع على الار بي ام العالي ده بيدوس بنزين و بعد كده يدي النقله ولا ايه بالظبط

[F170]

بص هو والله اعلم الكلام النظري انك المفروض تطلع بالعربيه من عند النقطة بتاعه العزم الأقصى ودي بتلاقيها من 3000 ل4500 RPM على حسب الموتور بتاعك لو دورت على النت تقدر تعرف ايه الRPM المناسب ليك ...
انا بصراحه ده قريته في منتدي اجنبي قبل كده بس مجربتوش ابدا وياريت اهل الخبرة العملية يفيدونا في ده والله اعلم