السرعه و التسارع انا وصلت لاختراع مذهل

[medhat3377]

ان مش نصاب يا كتكوت و متشكر جدا على زوقك و حسن تقديرك للامور و على ما اظن كفايه لغايه كده احنا فى منتدى عام عندك كلمه حلوه قولها عندك ملحوظه مهذبه قولها لكن تغلط انا مش حسمحلك و كلامك مسجل بطريقه رسميه على المنتدى و لو اتكررت كلمه خارجه عن الاداب العامه انا حنأخذ نسخه من اللى انت كتبها و قدمها للجهات المختصه بذالك و مش حتقدر تقول انك انت مكتبتش حاجه فانت كدا مدان 100\100 لان مش من الادب انك تتهم شخص بدون دليل على ذالك
و انى احذرك للمره الاخيره و قولتلك مدام الهندى عجبك و مقتنع بالطريقه اعملها و لا انت المهم عندك هو توجيه الاتهمات و بس انصحك نصيحه اعمل حاجه مفيده افضل وروح جرب و اعرض نتائج هو ده الشكل العملى و المفيد

[world_of_kill]

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههه

انت لو مخترع بجد روح سجل دا الفيصل بيني و بينك
ptmnlo123per145ptmnlo123p er145ptmnlo123per145ptmnl o123per145ptmnlo123per145 ptmnlo123per145ptmnlo123p er171


مشروعك علي فكره حلو اوي زي بتاع شركه شيل بالظبط

لما شركه شيل تبقي تنزلو ابقي نزلو

(( ترجى عدم التجاوز فى الحوار وتجنب النقد الشخصى ))

[F170]

المشاركة الأصلية كتبت بواسطة medhat3377

المشاركة الأصلية كتبت بواسطة medhat3377 يا جماعه انتو ليه مسرين ان تغيرو الارقام انا عملت 8 لتر لكل 100 امام الجميع و اتحدى اى نوبيرا هو مش كلام و خلاص انا لما اتكلمت صورت اللى يتكلم يتكلم باثبات ايوه اتحدى اى نوبيرا تشغل تكييف و تحط كاوتش اعرض و تستهلك 8 لتر فى 100 كيلو

(" مُصِرِّين " أصَرّ فهو مُصِرّ إصرارًا)
انت كررت غلطات كتير بس مقتدرتش امسك نفسي بصراحه عن دي
مبدئيا: باشا انت في الفيديو بتاعك في الدقيقه 98:03 او بمعنى اخر 1:38:03 المؤشر بتاع عداد مكنه(طلمبة) البنزين واقف عند 8.7 ليتر وانت بعضمه لسانك قايل والكلام لسه بيرن في وداني " تمانيه ليتر وسبعميت ميللي" يعني حضرتك عامل 100 كيلو ب 8.7 ليتر
مش 8 لتر زي مانت بتقول وانا بقولك ان العربيات بنفس السي سي لازم تعمل اقل من كده بكتير وقايلك ان عربيه والدي بتعمل 8 ليتر تقريبا على ال100 كيلو وقايل اني جربت ده وعلى فكره الكلام ده بالتكييف وكانت متحمله باربع انفار (عيلتي) وكنت مركب شبكه وحاطين حاجات عليها والشنطة مليانه بشنط هدوم على اخرها و العربيه من غير تحميل المفروض تعمل "كلام المصنع" 6.7 و كون انك تعمل في عربيتك ده بالتكييف و حاطط كاوتش عريض الموضوع مش حيكون واسأل أي حد اتقل على الموتور من اللي انا لسه قايلهولك ومش حيفرق كتير على استهلاك البنزين واتحداك لو زاد عن ليتر في ال 100 كيلو بنفس نوع البنزين
يعني لو بتجرب ب80 خليك على التمنين في الحالتين لو على 92

جرب برضه قبل وبعد "وحنيجي للنقطه بتاعه نوع البنزين دي بعد ثواني" و انت عارف ان النوبيرا بره في اوروبا اللي هي 2000 سي سي بتعمل 28 MPG يعني لو حولتها في جوجل حيديلك

28miles per gallon =
11.9040238 kilometers per liter

و ده معناه انه تقريبا 8.4 ليتر مع العلم انها عربيه 2000 سي سي و ده اكيد ببنزين 92 ، انا واخد بالي كويس انك حاطط 80، وده السبب الرئيسي اللي خلى العربيه تطلع بالأداء السيء ده بالنسبه لأستهلاك البنزين الكبير ده لأنه المفروض يكون اقل من كده بكتير بجد لو زي ما بتقول انك بتوفر للبشريه في البنزين اللي بتاكله العربيات ب40% انت عارف انك المفروض تحكي معانا في 4.2 ليتر قول ياعم 5 ليتر مش 8.7 اللي هي تقريبا 9 ليتر اللي انت فرحان ومتشدق بيها ، ده حضرتك البنزين ال80 اللي انت حاطه ده مخليك تعمل فوق الطبيعي ب 29.85% يعني حوالي 30% زياده مش نقص زي ما حضرتك بتقول وده الكلام العملي بالأرقام من عندك مش اللي حضرتك بتحاول تقولهولنا هنا كده من غير دراسه ولا تفكير وبتستهين بعقولنا ومسفهها تماما يا باشا احنا كلنا هنا سواسيه ومتعلمين حرام عليك انك تحاول تستخف بعقل بني ادم زيه زيك.

كلنا هنا بنحاول نسألك بطريقك كويسه انت عاملت ايه من غير ما تستخف بينا ، تروح سادتك رادد وبكل فخر العربيه
بتدي عزم تلات مرات قد الطبيعي ...... يا سيدي لو كان كلامك صح كان الدبرياج فوت والديسك اتهري من اول 1000 كيلو ده لو كملهم وكان الدفرنشيال باظ من كتر العزم اللي انت بتحكي فيه ده وكانت الكبالن فركت مع اول ملف ولا طلعه مش محسوبه طب بلاش دي انت عارف عندنا هنا في أسيوط واكيد في حتت كتير في الجمهوريه التاكسيات بتسقط مواتير ديزل علشان كان ارخص بكتير من البنزين والمكن الديزل احسن بالنسبه للتاكسيات في الحر مش حتطفي كل شويه والكاربيراتير يغرق بنزين بسبب الحراره الزياده اللي بيطلعها الموتور المهم علشان منخرجش بره النقطه اللي كنت حقولهالك كل التاكسيات اللي بتعمل كده لازم بتغير بعد وقت طال ام قصر الدفرنشيال (الكارونه) بتاعتها علشان بتكون اتحرقت من كتر العزم بتاع الموتور الديزل اللي بيفرتك العربيه واول حاجه بتقابل العزم الجامد ده هي الة الجر في العربيه من كرونه و علبه تروس ووو...الخ ...

اللي انت مش عايز تاخد بالك منه يا اخ مدحت اننا هنا ناس فاهمه لدرجه ولو متواضعه في العربيات وعارفه اللي بيحصل وايه اللي مش بيحصل في العربيات و في دكاتره ومهندسين زي حالاتي وكلنا هنا بنشترك في حاجه واحده وهي العشق للعربيات اللي بيخلينا نعرف كل كبيره وصغيره عنها

المشاركة الأصلية كتبت بواسطة medhat3377 ثم ان العربيه اللى محققه 10 ثوانى نوبيرا اوروبيه و انتم عارفين ان النوبيرا فى اوروبا و امريكا بتبقى 2000 سى سى زاى الهوندا سيفيك الجديده فى الخارج فى اى حته فى الدنيا 1800 سى سى كبدايه موتور لكن عندنا 1600 سى سى

باشا دي كانت لانسر كريستاله 1300و دي مصيبه اكبر اولا لأنها عربيه السي سي بتاعها اقل ثانيا انك مش حتى بتحاول انك تركز في اللي انت بتشوفه او تقراه

المشاركة الأصلية كتبت بواسطة medhat3377 و زاى ما فى ناس شكرتنى و فى اللى واقف جانبى و اللى بيشجعنى لازم بردو نلاقى فى ناس تقف و تقلل من اللى بيتعمل ده شىء طبيعى و الله انا مبسوط من المهاجمه دى لان بيحاولو انهم يغييروا الارقام اللى اتصورت بارقام تانيه و يعيبوا على حاجه مش موجوده

حضرتك للأسف اللي مش عايز تشيل النضاره السوده من على عنيك وتقولنا بموضوعيه أيه هي عيوب ابتكارك ده وانا مجبتش الأرقام من عندي ده اللي انا شايفه بعيني وسامعه بودني من لسانك واحنا مبنعيبش على حاجه احنا بنحاول نوريلك اللي انت مش عايز تعترف بيه

المشاركة الأصلية كتبت بواسطة medhat3377 " و فى مفجائه تانيه انا بفكر و بعمل تجارب دلوقتى على ان اقلل استهلاك البنزين الى 5 لتر لكل 100 كيلو واول ما نوصل حصور و اورى للكل "

ويا سيدي ربنا يباركلك والله من قلبي لو كنت صادق بس انا حاسس انه ممكن تكون حاطط بنزين 92 و حاطط ال"الاختراع التاني بتاعك اللي مكون من 14 مركب كيميائي" عارف ليه؟ لأنك للأسف فقدت المصداقيه تماما وقاعد ترمي كلام كده ملوش لازمه بطريقه مش لطيفه وبتخلي الناس تنبشلك في اللي انت كاتبه

المشاركة الأصلية كتبت بواسطة medhat3377 ثم ايه حكايه الهندى اللى بتتكلم عليها لو مقتنع بيها اهى امامك ايه اللى منعك من تنفيذها و لا هو كلام و تحطيم و خلاص بس انا عايز اقولك حاجه و اسال عليها و بعد كده حتقتنع الهندى اللى بيعمل الحفر ده فى موتور امريكى زهر لان المعروف ان الزهر بيتحمل الحفر لكن لو دقيت عليه فى اقل خبطه حينكسر لكن يتحمل الحفر عليه اما المواتير الالومنيوم لو حفرت فيها حتنشرخ و مش حتتحمل خالص موتورك عندك و روح جرب عليه بس لما يشرخ ساعتها حتصدق كلامى و لا بردو حتقول حاجه تانيه

اكيد حقول "حاجه تانية" الألومينيوم طري يبقى مش حيتشرخ زي ما انت بتقول لأن الفيزياء بتقولنا ان الحاجه الطريه متتشرخش بسهوله زي الحاجه الصلده (الحديد الزهر مثلا) يعني لو مسكت حتة حديد زهر ورميتها حتنكسر بس لو عملت كده في حته الومينيوم حتتني مش حتتكسر وعلشان كده الحلل في البيت بتكون من معدن طري زي الألومينيوم علشان لما تقع متتكسرش وكلنا عندنا حلل في البيت روح جرب بنفسك انت واحفر فيها وحاول تشرخها بعد كده لو عرفت وانا موجود في المنتدى على طول انا مشاركاتي مش كتير بس بقرأ كتير جدا بجد ومش بفوت اي حاجه غير لما اقراها حتى لو كانت هايفة لأني مبحبش اني اضيع اي معلومة اما بالنسبه للمواتير فأغلب المواتير قبل التسعينات كانت حديد زهر،الألومينيوم بدأ يدخل في صناعه السيارات والمواتير قريب علشان وزنه اخف من الحديد يعني وزن اخف للعربيه يعني وزن للكتلة المتحركة اللي في الموتور اخف يعني اداء أعلى ودي حاجه يعرفها اي واحد محترف في تعديل وتظبيط المواتير (علشان كده بيحبوا البساتم والكرانك المصنوع من التيتانيوم وده اخف من الحديد بس مش اخف من الألومينيوم بس بيعوض دي في الصلابه الخرافية اللي بتترجم لعمر طويل مع اجهاد عالي ودي مش متوفره في الألومنيوم لطبيعته الفيزيائية) ووزن اخف برضه للكتله الثابته فاكيد تترجم لأداء احسن علشان وزن العربيه بالتالي حيقل اكتر .

اما بالنسبة للهندي
انا اللي كنت بتكلم عن الهندي
و يا جماعه بلاش الغلط
وكنت بقول شوف الموقع ده و قولنا ايه رأيك فيه يشبه "اختراعك" ولا لأ لأن الكلام والحركات قريبه جدا جدا من اول كلامك في بدايه الموضوع خاااالص زي دي مثلا

المشاركة الأصلية كتبت بواسطة medhat3377 السياره قبل اختراعى عند الدوس على البنزين كانت بتطلع زازى ماثيلتها من السيارات بعد الاختراع الكاوتش بيحفر فى الارض من عزم الموتور قبل ذلك مستحيل قوة اندفاع غير طبيعيه

انا مش شايف اي "اندفاع" خزعبلي في الموضوع بالذات في الفيديو اللي هو خيبه الأمل الكبيره للأسفواقروا يا ناس اول الموضوع وشوفا اخونا matmmفي المشاركه رقم 19 بيقول ايه

المشاركة الأصلية كتبت بواسطة matmm النتائج ماشاء الله تبارك الله : 1 / انخفض صوت المحرك بشكل ملحوض واصبح ناعم 2 / انخفض مستوى الاهتزاز اثناء التشغيل 3 / عزم غير طبيعي بمجرد الدعس على البنزين (صارت تفحط عند القومة بسرعة عند الاشارات المرورية) قبل مستحييييل 4 / خفت صرفية البنزين وصار التانكي يمشيني اطول من قبل 5 / انخفاض الحرارة بشكل ملحوظ (قبل الحرارة قريب النصف مع المكيف وقت الظهيرة الان تحت الربع)الخلاصة بكل صراحة السيارة تغيرت علي 180 درجة للافضلقبل الشق او الاخدود

وياريت ارجعوا للصفحه رقم تلاته وقارنوا كلامه
مع كلام الأخ مدحت في اول المشاركات ولكم انتم الحكم

المشاركة الأصلية كتبت بواسطة medhat3377 الافكار امام الجميع و الساحه مفتوحه للجميع المهم اللى ينجز فى حاجه و يحقق نجاح حقيقى فيها

طبعا الأفكار متاحه وعلشان كده انا حبيت اوضح فكرتي للناس
علشان الساكت عن الحق شيطان اخرس وانا شايف انك بتضللنا عن الحقيقه
واللي انا وضحته في ان الأستهلاك مش بيقل ولا حاجه من تجاربك الواقعية بل
على العكس بيزيد عن المعدل الطبيعي
وان العربيه لافيها عزم غير طبيعي ولا يحزنون ومحبيتش اني ابقى عارف معلومه ومش قايلها لحد علشان يكون في الموضوع حياديه لأنك مش عايز حتى تقولنا على عيوب الابتكار بتاعك لأن الدنيا علمتنا مفيش حاجه 24 قيراط لازم في عيوب لأي شيء ....

اي حد متمرس بعربيته ممكن يعمل اللي انت عملته ده وبكل بساطه ايه المشكه اني اطلع على التاني او اجري بالعربيه وبعد كده اسيبها على غيار عالي
انت عارف ان في فحلقه من برنامج توب جير جيريمي طلع بالغيار الخامس بعربيه كوفيت من السكون
انا في اول الموضوع لسذاجتي كنت فاكر انك حتعمل كده
بس فوجئت بخيبه الأمل الكبيره
باشا انت المشكله معاك انك بجد كنت طالع بينا السما انا لسه واخد بالي من الموضوع ده امبارح
وقريته كله بتركيز شديد و مكنتش مصدق حاجه ولازلت مش مصدق ان الموضوع مش بعيد
عن بتاع اخينا الهندي اياه والله اعلم

الحاجه الوحيد اللي من غير عيوب هي عباده الله الواحد القهار

ربنا يكرمك ويكرمنا جميعا بحسن الخاتمة ولك جزيل الشكر على اضاعة وقتنا جميعا.

[medhat3377]

حضرتك بتقول انك فاهم مدام فاهم السولار 110 قرش و البنزين اللى بتحطه التكسيات 90 قرش يبقى ازاى السولار ارخص علشان كده التكسيات فى اسيوط عندكم بتحول اليه ثم اتفرج كويس على الفيديو انا عامل 109 كيلو و 700 متر و انا مفول 8 لتر و 700 ملى
ثم اوروبا البنزين فيها رجيلر و ده 87 اوكتان والترا وده 91 اوكتان وسوبر وده 95 اوكتان مفيش 92 اوكتان يعنى لو حسبتها كويس حتلاقى ان لكل 100 كيلو 8 لتر مش اكتر من كده شويه تركيز لو سمحت ثم انا مش بستخف بعقل حد و كمان انا سايب محل الكماليات بتاعى اليومين دول و مأهمله علشان الموضوع بتاعى سيادتك عمال تلقى التهم عليا و خلاص ملها الانسر الكريستاله مكملتش ليه ثم سيادتك بتقول ان العربيه بتاعتك بتجيب 8 لتر فى 100 كيلو و محمله و مشغل التكييف كمان الكلام ده مش مظبوط لو انت متاكد صور و يبقى ساعتها كل كلامى وهم فى وهم و مش انا اللى لابس النظاره السودا لا اتحداك فى كلامك صور الموتور و صور وانت بتحط بنزين وصور والعربيه محمله وزن و حتلاقى كلامك كله خطاء فى خطاء و هو مجرد انك تعمل بروبجندا عليا مش اكتر لان العربيه الاستهلاك حيزيد بصوره كبيره و اتحداك امام الجميع ثم 6.7 دى عمرى مشفتها فى بامفلد بتاع نوبيرا سيادتك جيبها منين المصنع بيقول 7.8 و الكلام فى التطبيق العملى مبيحصلشىىىىىىىى لو ليسه طالعه من الصاله مبيحصلشىىىىىىىىىى
و الرقم اللى سيادتك كاتبه مجرد دعايه و اعلان بالهجوم عليا ليس الا
و على فكره العربيه بتطلع على الخامس من وضع السكون انا ليسه مجربها بدون اى رجه او تقطيعه فى العربيه و متنساش انا مشيت على الخامس و مشغل تكييف بسرعه 25 كيلو و العربيه فى منتهى الهدوء راجع الفيديو وشوف و اتحدى اى عربيه فى انها تعمل كدا ببنزين 80

اثبت كلامك يا باشا و لا هو كلام و خلاص
انا مش بضيع وقت حد انا بفيد اللى محتاج الافاده و الحمد لله افدت نفسى و افدت مجموعه لاباس بها هاتلى نوبيرا عامله 200000 كيلو عندها نفس امكانيات الموتور اللى عندى و بردو اتحداك يا باشا بكل ما تحمله الكلمه من معانى و امام الجميع اولا انا واثق من اللى بقوله و عارف امكانياتى ايه كويس اوى
ثم بتتكلم على الومنيوم الحلل اللى فى البيوت هو فعلا حتتنى لو حدفتها فى الارض لكن انا بكلمك على الومنيوم المواتير اللى بيبقى عليها ضغط شديد من البستم عند الصعود و قوه الانفجار و ارتفاع درجه حراره الغرفه لازم تشرخ هنا فى معايير تانيه غير حلل البيوت ولا ايه يا باشا
المصنع عاملها بسمك معين لتحمل الضغوط و بص كويس على وش السلندر حتلاقى فى اجزاء سميكه و اجزاء رقيقه نوعا ما لان توزيع الضغط مدروس هنا لكن الحفر عليه مش حينوبك غير انك دمرت الموتور و بردو موتورك عندك فى عربيتك اعمل فيه اختراع الهندى بس ساعتها بينك و بين نفسك حتصدق كلامى لان انا مش بتكلم عبثptmnlo123per122

[medhat3377]

Automatic____1.6L_____0-100____11.9 Sec
BMW
Max. Horsepower____122hp/6000rpm
النوبيرا 106 حصان جبت 12 ثانيه


الجيتا تسارعها 12.2 ثانيه و سرعتها القصوى 190 كم مع وزن 1268كجم

الباسات بتقول ان التسارع 12.4 ثانيه و السرعه القصوى 190 كم. ووزنها 1343 كجم على فكره الباسات لازم بنزين 95 اللى عنده شك فى كلامى ينزل يسال اى توكيل للبسات او اى حد عنده باسات و الا العربيه تقطع و ترجرج و تنتش لازم 95
مع فرق نوعيه البنزن المستخدمه مش اقل من 92 و انا مستخدم بنزين 80
العربيات دى زيرو انا عامل بعربيتى 200000 كيلو فى نسبه هالك و قدم المفروض يتم حسابها