رولمان بلى للكرنك

[محمدصلاح القاضى]

المشاركة الأصلية كتبت بواسطة الجنرال حسن السلام عليكم ورحمة الله وبركاته انا ليه استفسار بسيط ارجو الاجابة عليه هوه ينفع تركيب طقم رولمان بلى مكان كراسى الكرنك للسيارة؟؟؟؟ وهل ينفع تركيبه للماكينات الديزل ؟؟؟؟ وما هو افضل نوع رولمان بلى موجود؟؟؟ ارجــــــــــــــــــــــ و الافادة ........

من وجة نظرى هو تمام اووى
واحسن من السبايك وصوتها الفضيحه اما بتتاكل
لكن مفتكرش اننا عندنا الناس البروفيشنال اللى هيغيروا الدنيا دى
انا شوفت موضوع البلى قدام عينى ودا كان فى عربية واحد معرفه كانت جايه من برا
ونتيجة سوء الزيت اللى حطه وهو جاى من السعوديه لحد مصر ادى ان العربيه فوتت عما وصل بيها مصر والعربيه كانت شيفورليه كابريس 2005 امريكى الصنع مش كورى ولا حاجه
والعربيه اتعمل لها عمره عند واحد اسمه محمد فتحى عندنا فى طنطا اشهر من نار على علم
فى العربيات الزيرو والجمرك فكينا الموتور واتفجأت وقتها ان الكرنك على بلى مش سبايك ودا مخلى صوت العربيه ناعم رغم انها مفوته ولا ترزيع ولا شخلله من بتوع عربيتنا اما بتبوظ
لكن اتمرطت معاه سفريات لحد مالقينا البلى المظبوط بالرقم كمان هو مش بلى عادى لا دا بلى رومان وراكب فى مجرا وظرف مش بس كدا لا دا فى حزام حديد ماسك البلى جوا الظرف
المهم تمنه كان كام وقتها الطقم كان عامل 2500 جنيه وفى الاخر لقناه عند محل معفن فى الحرفيين لواحد اسمه خالد استيراد وجبنا الطقم وركب وركب و وطقم شمايز جديد وبساتم والوش اتفرز صباباته وركبنا طقم صباب جديد
المهم من دا كله التكلفه كام 6000 جنيه قطع غيار , 5000 جنيه شغل ايده
عشان مكن جديد واستيراد بقى وشغل ديريلات وتقفيل مكن زى الخواجه
لكن لو فى حد يستعدل الموضوع دا وتبقى قطع الغيار موجوده تبقى تمام اوووى
ويالا بينا نغير ونبقى كرنك على بلى رومان