طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

[ابو فاروق]

اولا في ناس مشترية عربيات مستعملة بسعر 70 : 80 الف جنية .. وتيجي تبيعها المفروض تخسر 5 الف او 10 بالكتير..
لو اطبق الكلام دة هتبيعها بأقل من كدا .. ( انواع وانواع )

هقول مثال حي وواقعي

مرسيدس موديل 2005 .فئة سي مثلا 230 مثلا بلاش 180
عاملة دلوقتي مستعمل فوق ال 200 الف جنية .. لو النظام دة اطبق
هتنزل ل ل140 الف او 150 الف بالكتير ..
يبقا دية خسارة ولا مش خسارة !!
--------
دة غير التجار واصحاب المعارض والتوكيلات ..
دلوقتي انت لو معاك 120 الف جنية وبتفكر تشتري
قدامك 5 انواع عربيات بالكتير زيرو يتجابو بالسعر دة .. النترا - سيراتو - كروز .. وما يماثلهم ..
تعالة بقا لو اطبق الكلام دة .. هتلاقي جمب الانواع دية في حوالي 10 : 15 نوع تاني .


يعني من الاخر
خليهم يعملو ألي يعملوة لكن القيمة السعرية متنزلش مرة واحدة كدا .. عشان ميتخربش بيوت ناس

[sayed2077]

ياجماعه اللى فرحانين اووى كده
بجد متفرحوش ديه هتبقى مصيبقه اقولكم حاجه ايه فايدة ان كل واحد معاه عربيه بس الشوارع مش فيها زحمة وكلها واقفها عارفين ساعتها العربيه مش هتعرف تتحرك متر واحد من الزحمة

بلاش ديه سيبك من ده كله
لما كله يجيب عربيات الناس هتركن فين اذا كان دلوقت فى عز غلو العربيات بالطريقة اللى احنا شايفنها ومش بنلاقى مكان نركن فى حته تخيلوا لما كله بقى يبقى معاه عربيات

(الحكاية عاملة زى ايه فايدة ان كل الناس يبقى معاها فلوس وتبقى غنية
ساعتها لاحد هيشتغل ولا حد هيزرع ولا بتاع وفى اقل من ساعه واحده ستنهار الحضارة الانسانية)

بلاش كل ده احنا خلاص بقى كله معاه عربيات وكلنا عندنا مكان نركن فيه والشوارع واسعه وزى الفل
ماشى كدا

يقدر حد بقى يقولى منين هنجيب بنزين للعربيات ديه كلها وعارفين الدوله هتتحمل عبىء دعم كام ضعف المبلغ اللى بتدفعه دلوقت

وعلى العموم انا موافق ان الموضوع يحصل بدون ضوابط ولا شروط ولكن يتم تحرير اسعار البنزين نهائيا
يعنى كل نوع بنزين يباع بسعره الحقيقى مع المكسب كمان للدولة
لان فعلا الصورة مش ورديه زى ما الكل عمال يكتب وعلى فكره انا معايا 128 ونفسى الكلام ده يحصل علشان اخلص من ال 128 واجيب عربيه يبقى فيها رفاهية وانا ليا قرايب كتير معاهم يجيبوا عربيه ب 30 الف بس كلهم مش راضيين يجيبو لان المبلغ ده مش هيجيب عربيه فيها رفاهية جامده و هتبقى العربيه تعبانة وموديل تسعينات تخيلوا بقى لما بالمبلغ ده كل واحد يروح يشترى لانوس بقى ولا نوبيرا وعربيات اعتمادية واسعار قطع لغيار رخيصه وكله هيبقى تمام الدنيا هتخرب ساعتها بجد ارجوا نتخيل ولو للحظات حجم الكارثه هتبقى عامله ازاى لو اتعمل كدا بدون ظوابط او قوانين

[mainz]

يا اخونا المشكله مش فى العربيات الكتيره الى هتغرق السوق المشكله فى تخطيط مصر للطرق والكبارى والمدن والشوارع والمحافظات زى الزفت انت تعتبر عايش على 10 فى الميه من مساحه مصر وده خطأ ما بعده خطأ . بالنسبه مثلا لالمانيا هتلاقى مساحه المانيا اقل بكتير من مساحه مصر وعدد السكان 85 مليون نسمه وتلاقى التوزيع السكانى متوزع على المانيا كلها وعلشان كده متحسش بأى ازمه مروريه او اختناقات مروريه او غيره من المشكلات علاوه على ان كل بيت فى المانيا يوجد به متوسط 3 سيارات يعنى متوسط لكل مواطن سياره او سيارتان ورغم زلك المواصلات العامه شغاله زى الفل والعربيات شغاله زى الفل بدون اى ازمه

[mainz]

المشاركة الأصلية كتبت بواسطة sayed2077 ياجماعه اللى فرحانين اووى كده بجد متفرحوش ديه هتبقى مصيبقه اقولكم حاجه ايه فايدة ان كل واحد معاه عربيه بس الشوارع مش فيها زحمة وكلها واقفها عارفين ساعتها العربيه مش هتعرف تتحرك متر واحد من الزحمة بلاش ديه سيبك من ده كله لما كله يجيب عربيات الناس هتركن فين اذا كان دلوقت فى عز غلو العربيات بالطريقة اللى احنا شايفنها ومش بنلاقى مكان نركن فى حته تخيلوا لما كله بقى يبقى معاه عربيات (الحكاية عاملة زى ايه فايدة ان كل الناس يبقى معاها فلوس وتبقى غنية ساعتها لاحد هيشتغل ولا حد هيزرع ولا بتاع وفى اقل من ساعه واحده ستنهار الحضارة الانسانية) بلاش كل ده احنا خلاص بقى كله معاه عربيات وكلنا عندنا مكان نركن فيه والشوارع واسعه وزى الفل ماشى كدا يقدر حد بقى يقولى منين هنجيب بنزين للعربيات ديه كلها وعارفين الدوله هتتحمل عبىء دعم كام ضعف المبلغ اللى بتدفعه دلوقت وعلى العموم انا موافق ان الموضوع يحصل بدون ضوابط ولا شروط ولكن يتم تحرير اسعار البنزين نهائيا يعنى كل نوع بنزين يباع بسعره الحقيقى مع المكسب كمان للدولة لان فعلا الصورة مش ورديه زى ما الكل عمال يكتب وعلى فكره انا معايا 128 ونفسى الكلام ده يحصل علشان اخلص من ال 128 واجيب عربيه يبقى فيها رفاهية وانا ليا قرايب كتير معاهم يجيبوا عربيه ب 30 الف بس كلهم مش راضيين يجيبو لان المبلغ ده مش هيجيب عربيه فيها رفاهية جامده و هتبقى العربيه تعبانة وموديل تسعينات تخيلوا بقى لما بالمبلغ ده كل واحد يروح يشترى لانوس بقى ولا نوبيرا وعربيات اعتمادية واسعار قطع لغيار رخيصه وكله هيبقى تمام الدنيا هتخرب ساعتها بجد ارجوا نتخيل ولو للحظات حجم الكارثه هتبقى عامله ازاى لو اتعمل كدا بدون ظوابط او قوانين

ايه الى خلاها كارثه بقى يابشمهندس اشمعنا عندنا فى مصر بقى الى هتبقى كارثه . طيب ما امريكا كلها عربيات بمحركات ضخمه وعربيات وحوش بتشرب بنزين واوروبا كلها عربيات جديده والقديم الحكومه بتغلى عليه الضرايب والتامين علشان الناس تشترى جديد ومحركات العربيات فى اوروبا معظمها فوق 1800 سى سى والحياه زى الفل المشكله فى معظم الشعب المصرى انه هيصعب عليه انه اشترى عربيه غاليه بمواصافات زى الزفت وبعدين فاجأه الاسعار نزلت وعربيات احسن نزلت والعيشه تنغنغ . يا ريت الناس تبطل بقى النظر تحت رجليها وتنظر الى الامام والى التقدم ومواكبه العصر . ولا انتوا عايزين تخليكوا راكبين الخنافس الى انتوا بتركبوها ديه عاجبكم حالكم اوى كده بالعربيات الى عمرى ما شوفت زيها الا فى مصر حاجه تخنق

[3bd0]

المشاركة الأصلية كتبت بواسطة ابو فاروق اولا في ناس مشترية عربيات مستعملة بسعر 70 : 80 الف جنية .. وتيجي تبيعها المفروض تخسر 5 الف او 10 بالكتير.. لو اطبق الكلام دة هتبيعها بأقل من كدا .. ( انواع وانواع ) هقول مثال حي وواقعي مرسيدس موديل 2005 .فئة سي مثلا 230 مثلا بلاش 180 عاملة دلوقتي مستعمل فوق ال 200 الف جنية .. لو النظام دة اطبق هتنزل ل ل140 الف او 150 الف بالكتير .. يبقا دية خسارة ولا مش خسارة !! -------- دة غير التجار واصحاب المعارض والتوكيلات .. دلوقتي انت لو معاك 120 الف جنية وبتفكر تشتري قدامك 5 انواع عربيات بالكتير زيرو يتجابو بالسعر دة .. النترا - سيراتو - كروز .. وما يماثلهم .. تعالة بقا لو اطبق الكلام دة .. هتلاقي جمب الانواع دية في حوالي 10 : 15 نوع تاني . يعني من الاخر خليهم يعملو ألي يعملوة لكن القيمة السعرية متنزلش مرة واحدة كدا .. عشان ميتخربش بيوت ناس

حضرتك طب ما احنا ممكن نبصلها من وجهة نظر تانية،
اللي هايخسر بس هوا اللي هايحتاج ان يحول عربيته لفلوس كاش عشان يحطها في حاجة تاني غير العربيات
لكن لو اللي معاه عربية ب 200 الف ونزلت بقت ب 150، هوا صحيح يبان انو خسر، بس هوا لو خد ال 150 الف دول وراح يشتري عربية تانية، هايشتري عربية كانت ب 200 الف قبل القانون ده
قصدي يعني ان السوق كلو هاينزل فاقيمة العربية في السوق تعتبر ثابتة ولكن قيمتها بالكاش هاتقع

وبالنسبة للتجار واصحاب المعارض والتوكيلات، فانا شايف ان دول حتى لو باعو بخسارة، الفلوس الكاش اللي هاتيجي من البيعة دي حتى لو كانت قليلة هايجبو بيها عربيات مستوردة ويكسبو فيها كتير وهايغطو على الخسارة اللي حصلتلهم بسرعة
وبيني وبينك، حتى لو خسرو مش موضوع كبير، يروحو يقعدو مع الحكومة (الجمارك) ويشوفو مين فيهم كان بيسرق الشعب طول السنين اللي فاتت دي وهو اللي يشيل الليلة

الشعب من حقه ان قيمة العربيات كلها تنزل عشان الناس تقدر تشتري عربيات عليها القيمة زي بقيت دول العالم، ولو ده هايجي بخسارة على رجال الأعمل زي منصور وغبور وشلتهم، يبقى ده من عدل ربنا بين عباده