توصيلة كتاوت المارش؟ توصيلة زرار تدوير العربية ؟ عايزين نتعلم

[yasser.omar]

المشاركة الأصلية كتبت بواسطة ابو حازم بسم الله الرحمن الرحيم طريقة تشغيل المارش بطريقة امنة جدا ان شاء الله تفك غطاء الدركسيون الفبر وتشوف الكونتاك هتلاقى فى النهاية الفيشة بتاعته راكبة على فيشة تانية وهو ده اللى احنا عاوزينه الــ 4 سلوك اللى عندك دخل كهرباء للكونتاك - خرج كهرباء للموبينة - خرج كهرباء للزيت والحرارة - خرج كهرباء للمارش طيب تعرفهم ازاى هاتفك الفيشتين من بعض لانهم دكر ونتاية بالبلدى احنا كلامنا دلوقتى عن الفيشة اللى جاية من تحت وداخلة على الكونتاك هاتجييب سلكة طولها حوالى 10 سم وتقشرها من الناحيتين بالبلدى من الطرفين بقصافة اهم حاجة ان العربية تكون فى وضع المور يعنى مش واخدة اى غيار وتحط طرف السلك اللى قشرناه على كليبسة الكهرباء الموجب اللى لونها احمر مش محتاجة فهلوة قدامها مباشرة السلك اللى جاى من الكتاوت غالبا لونه ابيض او لبنى مش شرط لان ممكن العربية يكون اتعملها ضفيرة جديدة وهاتقفل بالسلك على الطرفين هاتسمع المارش بيدور كده انت عرفت الطرفين العملية مش محتاجة حسبة برما ولا حاجة اهم حاجة تكون محضر مفتاحين كهرباء من بائع اكسسوار السيارت الاول اسمه مفتاح واحد شدة والتانى اسمه زرار مارش فكرته زى زرار الكلاكس تدوس عليه يرتد مع الضغط ويرجع تانى لوحده خلينا فى المهم السلك الكهرباء الاحمر هايجى من تحت الفيشة وهانقشره يييجى نصف سم والسلك التانى بتاع الكتاوت هانقشر زيه بالظبط ونجيب سلكين حوالى نصف متر وهنوصل الاولانى بالمفتاح واحد شدة والطرف التانى من المفتاح واحد شدة نركب سلك حوالى 15 سم كده يعنى زى كوبرى مع الطرف الاول من زرار المارش والطرف التانى من زرار المارش للسلك اللى احنا ربطناه مع سلك الكتاوت مع لف شريط لحام جيدا على جميع الاطراف اللى قشرناها نركب الفيش فى مكانها ونقفل بطن الدركسيون بالمسامير ونجرب هانفتح الكونتاك على اول سنة علشان التابلوه والعدادات تشتغل وبعدين نفتح زرار واحد شدة بايدنا وده شغلته توصيل الكهرباء وفصلها يطلع واحد يقولى ولازمته ايه ما الكونتك بيفصل ويفتح الكهرباء اقوله هى دى الحرفنة بقى علشان لو حد حب يسرق العربية ما يقدرش لان ااصبح لها تامين فى موارد توصيل الكهرباء المهم نركب الزراير فى التابلوه نعمل فتحتين فى التابلوه البلاستيك بالشنيور او باى طريقة متوفرة لك والموضوع كله لا يكلف سوى 5 جنيهات يا بلاش اى استفسار انا موجود فى الخدمة

شكرا على هذه المشاركة يا استاذ حازم
بس افرض ان الكتاوت مش ظاهرة قدامه هيعمل ايه وبعدين فى حاجة تانية انا اخويا قبل كدة كان جايب فيشة كونتاك وكان السلك الاحمر بتاع الموبينة لان طبعا الفيشة كانت صينى
مع احترامى الكامل لحضرتك بس هو الهدف من مشاركات المنتدى ان احنا نشرح اللى نعرفه بالكامل على قد ما نقدر ومراعاة جميع الاحتمالات علشان محدش يعرف ايه اللى ممكن يقابله
هو يمكن الموضوع بالنسبة لحضرتك زى ما واضح من المشاركة انه سهل بس صدقنى ده لان خبرة حضرتك فى امور الكهرباء هى المرجع الاساسى واكيد قابلك كتير لكن بالنسبة لناس كتير من رابع المستحيلات
تقبل مرورى

[ابو حازم]

استاذى العزيز/ ياسر حضرتك بتقول ان اخوك كان مشترى فيشة كونتاك وطلعع فيها سلك لونه احمر كان جاى من الموبينة تفتكر كلامك ده منطقى طبعا من رابع المستحيلات لان السلك اللى جاى من موبينة التكرير جاى من قدام يعنى من عند الموتور داخل على علبة الفيوزات ده بقى ماله ومال الفيشة اللى اخوك اشتراها هى الفردة الكهرباء جاية من عند الفيوزات طالعة على الكونتاك والا واخدة كهرباء من فيشة اخوك ونازلة على تحت اظن كلامك مش منطقى من افتى بغير علم ؟؟؟ومن قال لا اعلم فقد افتى وشكرا لسيادتكم

[yasser.omar]

المشاركة الأصلية كتبت بواسطة ابو حازم استاذى العزيز/ ياسر حضرتك بتقول ان اخوك كان مشترى فيشة كونتاك وطلعع فيها سلك لونه احمر كان جاى من الموبينة تفتكر كلامك ده منطقى طبعا من رابع المستحيلات لان السلك اللى جاى من موبينة التكرير جاى من قدام يعنى من عند الموتور داخل على علبة الفيوزات ده بقى ماله ومال الفيشة اللى اخوك اشتراها هى الفردة الكهرباء جاية من عند الفيوزات طالعة على الكونتاك والا واخدة كهرباء من فيشة اخوك ونازلة على تحت اظن كلامك مش منطقى من افتى بغير علم ؟؟؟ومن قال لا اعلم فقد افتى وشكرا لسيادتكم

حضرتك انا لما بكلم على السلك الاحمر كنت بتكلم على الفيشة مش على الضفيرة واللى انا فهمته من مشاركت حضرتك انك تقصد السلك الاحمر اللى فى فيشة الكونتاك لان الاخ الايطالى كل اللى قصده انه يعرف اسلاك فيشة الكونتاك وبعدين هو معقول يعنى فى حد هيروح بشترى سلك ضفيرة للموبينة اكيد يعنى مش ده قصدى وانا كل اللى اقصده التوضيح مش اكتر
وشكرا لاهتمام ورد حضرتك وعلى فكرة انا قلت للموبينة مش جاى من الموبينة

[yasser.omar]

لان السلك اللى جاى من موبينة التكرير جاى من قدام يعنى من عند الموتور داخل على علبة الفيوزات ده بقى ماله ومال الفيشة اللى اخوك اشتراها هى الفردة الكهرباء جاية من عند الفيوزات طالعة على الكونتاك والا واخدة كهرباء من فيشة اخوك ونازلة على تحت
اكيد حضرتك عارف ان فى فردة كهرباء داخلة للكونتاك وعند فتح الكونتاك بيتم توصيلها على فردة الموبينة اللى موصلة على علبة الفيوزات ومن العلبة الى الموبينة نفسها ولا ايه؟؟؟؟

[MAYO CAR]

المشاركة الأصلية كتبت بواسطة yasser.omar لان السلك اللى جاى من موبينة التكرير جاى من قدام يعنى من عند الموتور داخل على علبة الفيوزات ده بقى ماله ومال الفيشة اللى اخوك اشتراها هى الفردة الكهرباء جاية من عند الفيوزات طالعة على الكونتاك والا واخدة كهرباء من فيشة اخوك ونازلة على تحت اكيد حضرتك عارف ان فى فردة كهرباء داخلة للكونتاك وعند فتح الكونتاك بيتم توصيلها على فردة الموبينة اللى موصلة على علبة الفيوزات ومن العلبة الى الموبينة نفسها ولا ايه؟؟؟؟

: 010104~171: