انا ماشي غلط ايه المشكلة !!

المشاركة الأصلية كتبت بواسطة خالدخليفة هههههههههه الحقد الطبقى ده هتسمعه كتير وخصوصا لو عربيتك حديثة وانا شخصيا سمعته كتير خد عندك اصل انا امى مجابتليش عربية (ده عيل واقف (بالنسبة لى عيل) فى محطة بنزين بيهزر وسايبنا واقفين مستنيين سيادته ولما كلمته قال الجملة دى 2 هو علشان ملاكى يعنى اللى زينا ياكل زفت بلد و.........( ده سواق ميكروباس خبطنى من ورا فى ميدان المحطة ولما كل الناس شهدت عليه قال كده) 3 ياولاد الـ.............. ياللى مش تعبانين فى الفلوس للاسف دى مشكلة اخلاق ونفس موقفك حصل معايا امبارح بس انا رديت لانى داخل شمال فى مكان ضيق فاخدت ناحية اليمين شوية وشاورت للى جاى ورايا( وكان سواق ميكروباس ) يستنى فقال انا مش عارف بالظبط انت عايز تعمل ايه مدى اشارة شمال ورايح يمين وبتشاور بايدك فقلت له لما تتعلم السواقه هتعرفى انى عايز اخد الملف على واسع لان الشارع ضيق اتشال واتهبد وانا بعرف اسوق احنا اتعلمناها على الاسفلت مش اتعلمناها ف مدرسة احنا بنشقى مش زيكو بتلاقو الفلوس دى طبقية موجودة للاسف لكن اللى زى ده مكانش عايزك انت ترد عليه لكن كان عايز واحد صوته عالى زى حالاتى يفرج عليه الناس او واحد جارى بس د ه مفترى ده شايل عتلة فى الشنطة اول م يحصل موقف زى كده ينزل يدغدغ العربية اللى خبطته ويمشى

ههههههههههههههههه

الكلام ده بيتقالك انتا يا عم خالد ينهار ملهوش الوان

الف سلامه عليك يا ابيزا بس معلش انا لو منك مكنتش سيبته وكنت حبسته وشيلته الطين يعني غلطان وكمان بجح وبيبرر ماشيه العاكسي

[AbOnOrA]

الف سلامة عليك يا محمد باشا والحمد لله انها جت على قد كده لان واحد زى ده كان ممكن يفور دمك يخليك تقتله من الغيظ اصلاً
وانا مع الرأى بان اللى زى ده الواحد يعمل فيه محاضر ويبهدلة علشان يتربى بس للاسف الوقت بفلوس ومتابعة الهم ده عايزة وقت كتير فحرام يبقى موت وخراب ديار كمان الشاطر اللى يعرف يخلص من الحاجات ديه بسرعة وباقل الخسائر فى الوقت والفلوس واعتقد انك عملت ده
يلا جت سليمة ومتبقاش تقفل القزاز وتشغل التكييف تانى

[نبيل عبدالرحمن]

طيب وتعمل ايه فى واحد دخل عليك وخبطك وبوظلك رفرف ولا باب ولما تقف وتعاتبه يقولك معلش أنا غلطان وباعتذرلك وساعتها لا هتاخد منه أبيض ولا أسود وهاتمشى وتقول عوضى على الله

[hazem_khidr]

المشاركة الأصلية كتبت بواسطة بدر بسيونى قدر الله وماشاء فعل والحمدلله انك سليم بعيدا عن اى حاجة تموت من الغيظ انك تبقى غلطان وبتاوح فى رائ دى قمة قلة الادب برغم من انى مابخدش عوض فى الادب العادى بس الراجل ده انا حاخد منه عشان ماشى عكس وقليل الادب واخلاقيات مجتمع بتنهار فعلا الغلط ساد والصح عملة نادرة واهم حاجة انك بخير

المشاركة الأصلية كتبت بواسطة mohamed ibiza مشكورين يا جماعه علي الردود والله الواحد ما عارف يعمل ايه في البلد دي و مع الناس كل يوم الحال بيبقي من اسوأ لأسوأ و والله في الحاجات دي والدي مبيرضاش ياخد عوض اساسا بس حاجة تحرق الدم لما واحد غلطان و بيزعق و بيقاوح في غلطه اللي هو طب كده يبقي تعالي و ادفع و اتحرق في الفلوس بقي عشان تتعلم و تحترم نفسك بعد كده و الناس و الطريق اللي انت ماشي فيه و النهارده بأذن الله هستلم العربية و هصورلكو الباب اتعمل فيه ايه و انتوا هتشوفوا و هتقدرو السرعة اللي دخل فيا بيها كانت عامله ازاي و ربنا يحمينا جميعا من الحوادث و شرها

محمد و بدر باشا
الفلوس اللي بتاخدها ساعه الخبطه دي مش اسمها عوض
دا حقك و دا مذكور في الدين
من اتلف شئ فعليه اصلاحه..احنا مش بنجيب كلام من عندنا
و فيه مطيباتيه كتير بيكونوا واقفين ساعه الخبطه و للاسف بيكون مع سواق التاكسي او النقل حتي لو غلطان باعتبار ان اللي راكب ملاكي دا انسان مترف و مش محتاج فلوس
و تسمع كلام مالوش اي لازمه و يقولك مش مشكله و حصل خير و انت حتقبل العوض و الكلام الفارغ دا.

المشاركة الأصلية كتبت بواسطة نبيل عبدالرحمن طيب وتعمل ايه فى واحد دخل عليك وخبطك وبوظلك رفرف ولا باب ولما تقف وتعاتبه يقولك معلش أنا غلطان وباعتذرلك وساعتها لا هتاخد منه أبيض ولا أسود وهاتمشى وتقول عوضى على الله

و الله يا باشمهندس لو نازل و بيتكلم بذوق و بأدب من غير ما يبجح يبقي بيحرجك
و لو عاوز تاخد منه فلوس يبقي مافيش لوم عليك برضه ولو مش عاوز يبقي دا ذوق منك.
انا لو خبطه بسيطه و اللي نازل بيتأسف و بيبتسم و شكله راجل كبير و مكنش قاصده بسيبه
اما لو عيل مستهتر و نازل يبجح مش بعرف اتمالك نفسي الصراحه

[Eng . Mano]

استغفر الله العظيم . قلة زوق و بجاحة ، الحمد لله ربنا ستر عليك ، و بلاش ياجماعة موضع الخناقات و الصوت العالى مع الناس دى لان حصل موقف قدام والدى فى مدينة نصر جه قالهولى لانى انا لما حد يعمل معايا حوار زى مش بمسك نفسى و ممكن اودى نفسى فى داهية حتى لو انا المغلوط فيا . و الموضوع كالتالى : والدى كان ماشى فى شارع الطيران و قدامه عربيتين نص نقل ، و احد نقل دقهلية و التانى قاهرة . المهم بتاع القاهرة كسر على بتاع الدقلية كسرة و حشة اوى و عوره فى الرفرف الشمال ، فالرجال بتاع الدقهلية نزل يعاتبه ، المهم العربية النقل اللى غلطان نزل منها عملاقين ، واحد ماسك سيف و التانى ماسك شومة حديد مدببة ، الراجل بتاع الدقهلية شاف المنظر ده و هات يا عياط و نزل يوطى يبوس رجل الراجل التانى الغلطان فيه و ركب عربيته من هنا و قال يا فكيك .
الموضوع ده حبيت اقولهولكوا علشان لو حد من الجماعة بتوع الميكروباص او النص نقل دول عمل مع اى حد مشكلة ، بلاش يا جماعة تتشاكلوا معاهم لان ربنا وحده اللى يعلم دول شايلين معاهم ايه و ممكن يعملوا فى الواحد ايه ، و مش على اخر الزمن شوية مهزئين زى دول يقللوا من كرامة ناس محترمين مهندسين و دكاترة و ...... الخ علشان خبطة عربية او اى حاجة . استعوضوا ربنا و اسكتوا احسن علشان ما تبقوش انتوا و العربية . و ربنا يسترها علينا كلنا يارب .