عربيتي جديدة وفيها 3 مشاكل هتجنني :(

[NODNOD]

المشاركة الأصلية كتبت بواسطة tarek2012 أعتقد ان الزرار اللى انت بتقول علية دة زرار جهاز الانذار ودة وظيفته ضبط احساس السيارة بالحركة او الهز بحيث لو حد لمس العربية واتهزت تعطى سرينة وكلما زاد الاتجاة ناحية max زادة الاحساس بالهزة اما بالنسبة للسخونة فممكن يكون ضبط كهربة او دورة المياة

فعلا انا دورت الزرار ده ل min وكنت برة العربية مهما حد خبطت فيها مش بتعمل انزار ولو على النص بين min و max الاشارات بتنور بس من غير صوت ولما بعمله على max الانزار بيتشغل صوت وبيبقى حساس حبتين
والسخونة سهلة بتتحل هو عشان امنا كنت فترة بمشي على اول وتاني وكتير مش بجري خالص و بقف كتير لما بدأت اجيب التالت والرابع السخونة بقت مفيش خالص

[NODNOD]

يا جماعة عربيتي فيها شوية حاجات هي مضيقاني بس مش عارفة ده عيب فيها ولا لا هي التابلوه اتشال من مكانه بس تقريبا هو كبس مش مسامير فحاسة انه مفارق كدة بس ثابت كويس بس مسامير محطوطة في اماكن غريبة عشان تمسكه وكدة دي اول حاجة الازاز الي قدام والمربع اللي بيتحط فيه النمر اللي ورا المربع ده والازار ملزوقين بلزق شمع والاكصدامات ممسوكة بسامير في العربية نفسها بس مسامير طبعا مش مكانها والكبيرة بقى العربية ماتورها متغير بماتور جديد بتاع تمبرا برده وعملت لحد دلوقتي 45 الف كيلو بس هي ماشية زي الفل وناعمة ومفيهاش اي صوت غريب وصاحب العربية بقول الماتور بيجيب مية من الشكمان الصبح يعني صحته حلوة بس انا مشفتش بصراحة او مبصتش اصلا ...
هل الحاجات دي تعيب في العربية ولا عادي بس هي حالتها من برة ودهانها زي الفل وهي تكيف وباور وسنتر وانذار والتكيف تتش ومرايات كهربا فول اوبشن حالتها كويسة واساستها كلها سليمة حتة اللزقات اللي بتكون تحت الكبوت فوق الفوانيس كدة موجودة بس انا قلقانة انا ابيض في موضوع العربيات ده

[khaabas]

المشاركة الأصلية كتبت بواسطة NODNOD اسلام عليكم ورحمة الله وبركاته تاني مشكلة ان الدبرياج عالي اوي يعني لما ادوس دبرياج في اي عربية ارجع الدبرياج للنص وخلاص لا في دي بقى لازم ارجع رجلي لقبل الاخر بسنة صغيرة فبرده حلها ايه وهل هي كدة ولا ممكن الدبرياج يوطى شوية ؟؟؟؟؟؟؟؟؟؟؟؟؟؟؟ظ : cry2W9: ارجو الافادة

عاوز تغير اسطوانة وديسك

[NODNOD]

المشاركة الأصلية كتبت بواسطة khaabas عاوز تغير اسطوانة وديسك

همة قالوا كدة فعلا بس قالولي اخليه عادي لحد ما اسطوانة الدبرياج دي تطلع دخان كدة وتجيب اخرها اروح مغيراها صح الكلام ده ولا ايه ؟؟؟

[احمد على 1999]

المشاركة الأصلية كتبت بواسطة NODNOD تاني مشكلة ان الدبرياج عالي اوي يعني لما ادوس دبرياج في اي عربية ارجع الدبرياج للنص وخلاص لا في دي بقى لازم ارجع رجلي لقبل الاخر بسنة صغيرة فبرده حلها ايه وهل هي كدة ولا ممكن الدبرياج يوطى شوية ؟؟؟؟؟؟؟؟؟؟؟؟؟؟؟ظ

اقتباس: المشاركة الأصلية كتبت بواسطة khaabas عاوز تغير اسطوانة وديسك همة قالوا كدة فعلا بس قالولي اخليه عادي لحد ما اسطوانة الدبرياج دي تطلع دخان كدة وتجيب اخرها اروح مغيراها صح الكلام ده ولا ايه ؟؟؟

هل حد حاول الاول ظبط رجلاش الدبرياج ؟
هل ال rpm بيعلى و العربية بتمشى بالعافية ؟