اسلام عليكم ورحمة الله وبركاته
انا هدخل في الموضوع على طول
انا عربيتي تمبرا 92 فول اوبشن انا لسة جيباها ولقيت فيها 3 عيوب :
اول عيب انها بتخسن خصوصا اني لسة بتعلم فا اغلب المشي على الاول والتاني مش بجري يعني بس بتسخن بسرعة هي عداداتها ديجيتال فطبعا المروحة بتشتغل لما الحرارة توصل ل 90 تمام صاحبها كان عاملها زرار يدوي للمروحة ممكن اشغلها براحتي في اي وقت وكويسة ماشية على كدة انا تسخن شوية اشغل المروحة على طول لما توصل ل 80 كدة او 90 ... هي 1600 سي سي مش عارفة هل في عيب في العربية بيخليها تسخن كدة ولا دي طبيعة في التمبرا ؟؟؟؟؟؟؟؟؟؟؟؟؟؟؟؟؟

تاني مشكلة ان الدبرياج عالي اوي يعني لما ادوس دبرياج في اي عربية ارجع الدبرياج للنص وخلاص لا في دي بقى لازم ارجع رجلي لقبل الاخر بسنة صغيرة فبرده حلها ايه وهل هي كدة ولا ممكن الدبرياج يوطى شوية ؟؟؟؟؟؟؟؟؟؟؟؟؟؟؟ظ

تالت مشكلة ودي مجنناني اوي بقى ان العربية فول اوبشن بس فيها اوبشن كتيرمفصولة يعني مثلا المرايات الكهربا زرايرها موجودة وكل حاجة بس مفصولة واحد قالي اجيب كارتة الكهربا بتاعتها واروح لواحد يديني زيها بس صاحبها معهوش كارتة الكهربا دي فا هل في حل ؟؟؟؟؟؟؟ ولا لازم كارتة الكهربا دي ؟؟؟؟؟؟؟؟؟؟؟؟
خصوصا ان العربية كلها ديجتال والتكيف تتش ووالتمبرا اصلا كهربتها صعبة ومعقدة
:cry2W9::cry2W9::cry2W9:: cry2W9::cry2W9:

ارجو الافادة

المشاركة الأصلية كتبت بواسطة NODNOD (المشاركة 537858) وفي حاجة كمان للمي معاه تمبرا انا مش عارفة ايه دي في تحت الدريكسيون مكعب كدة فيه لمبة حمرا بتنور بس غريبة اوي يعني ممكن تفضل منورة على طول وممن تنور وتطفي بسرعة وممكن بالراحة يعني انا مش عارفة دي ايه وصاحبها برده عارف ان فيها ابشن كتير ومش عارف كل الاوبشن