معلومات خطيرة و مؤكدة عن ميدان التحرير - عمرو سلامة

[engima]

المشاركة الأصلية كتبت بواسطة mmffor انا زعلت جدا من مشاركتك يا enigma انا كان عندي استعداد اني ارد على كل بند فيها بالتفصيل و بالدلائل و بالعقل و المنطق لكن تعليقك الاخير اهان اصدقاء عديدين لي هناك و اخويا نفسه كان هناك في جمعة الرحيل و تظاهرة الثلاثاء المليونية.. مع ان تعليقك ممكن يطابق اكثر كل من ينساقون وراء الاعلام المصري و والعود الكاذبة من الطغيان اللي كلنا اتقرصنا منه مرات و عشرات المرات ربنا يسامحك!

يا باشا متزعلش منى والله العظيم انا مع التغييير والله انا مع ثورة 25 يناير مين ميرضاش التغيير لبلدة بس معلش انا مش مع اللى فى ميدان التحرير اللى هما بعد خطاب الريس الثانى هما معلش عايزين ايه تانى هوا الراجل طلع و قال خطاب و قال هيغير الدستور و هيحاكموا كل الناس المخطئة و هيحلو مجلسى الشعب و الشورى يجماعة اعطوهوم فرصة يحدثوا التغييير انا مش عارف ليه الناس فاكرة ان التغيير دة كله يحصل فى يوم و ليله ( كلامى موجة للمظاهرين مش حد فى الموضوع)

- و متزعلش ياباشا انا مقصدتش حد بعينة و كلامك على راسى من فوق و فى ناس عايزين يخلونا فرقتين نطحن فى بعض لكن انتى مصرى و انا مصرى لازم نبقى ايد واحد ( ماتزعلش منى انا اسف لانك احد اصدقائى فى المنتدى ) سلام

[cheetosmini]

الواحد من كتر الى شافى عندة استعداد يصدق اى حاجة

[engima]

المشاركة الأصلية كتبت بواسطة حازم شاهين الرد فى اﻹقتباس ..............

السلام عليكم
- ازى حضرتك يا استاذ حازم( ايه يا جدعان انا شكلى هتضرب)

- اولا: انا متاكد من موضوع الفلوس ده و بالذات الاجانب

- ثانيا : المظاهرات هى اللى خلت مباراة امريكا و مصر تتلغى و بما انه ماتش فى الاجندة الدولية بيتم خصم مئتين نقطة او اكتر (هرجع و اقول مش موضوعنا)


- ثالثا : لا ياباشا معلش الحتة بتاعت القوات المسلحة اللى كانت بتدافع عن نفسها دة صح معلش كان فى ناس ماتت و ماكانتش راحة تتظاهر او الصراحة اللى قيل عنهم كدة و لو دققت يا باشا فى الايام التالية للمظاهرات فى كل القنوات كانت الناس تحس انهم رايحين حديقة الحيوانات كنت تشوف الناس ماسكين الموبيلات و بيصوروا و اللى قاعدين بيغنوا انا ليه مش عارف انا حاسس الناس فرحنين لانهم بيجربوا حاجة جديدة,, و نرجع لموضوع الشهداء و الله الناس دى زى الفل و على راسى من فوق و ماتت عشان تخلينا نعيش حياه افضل بس الناس بتوع الشرطة عامله زى الثعبان اللى خايف فيقرص اى حد يقربله و خالى فى علمك يا باشا ان برضو فى ناس ماتت من الشرطة واحد مات من الضرب طب يا باشا (حضرتك لو معاك سلاح و لقيت الف و احد جاى يضربك لحد ما يموتوك هاتعمل ايه) و موضوع القناصة دة سمعت عنه بس معرفش تفاصيلة والله

- رابعا: موضوع الاعلام حضرتك عبرت عن الموضوع من رأيك وليك كل الاحترم لان احنا فى بلد ديموقراطى وحقك و محدش يعرف يكلمك و انا كمان عبرت عن رايى ( انا ماقصدش اى اهانة ليك يا استاذ حازم)


[SIZE=6]- خامسا : معلش يا استاذ حازم بس انا معترض معاك فى موضوع الريس بس انا موافقك على حكاية قانون الطوارئ بس حكاية النهب دى موجودة فى كل بلد و الراجل منع كل اللى نهبوا من السفر و هيحاكمهم باذن الله و معلش الريس مش راجل مدنى دا راجل عسكرى و دة معنا انه بيهتم بالجانب العسكرى للبلد اكتر من المدنى والله.... انا رغم ان سنى صغير بس اعرف حجات عملها حسنى مبارك اقل حاجة فى الجيش عمال يعمل صفقات طائرات و غواصات و قمر الاطياف اللى اسرائيل بتقول انه قمر تجسس و المكان بتاع النيل السات بتاع مصر اللى كان مكانة محجوز و امريكا كانت هتاخدة ..كفاية كدة لهاتاخد امن دولة .....والمترو و حجات تانية كتير يا جماعة حد يرد عليا حد يقولى فى بلد تانية فيها بطاقة تموينية و دعم سنوى يصل ل 115 مليار حد يقوللى فى بلاد فيها التعليم المجانى يا جدعان كفاية (مع كل الاحترام ليك يا استاذ حازم) والله احنا مابنعرفش قيمة ريسنا الا لما بيموت .... كلكوا مستغربين انى بدافع عنه لانه فضل مقاطع امريكا عشان كانت عايزة تبنى قواعد عسكرية ليها فى مصر و الريس رفض

- والتعليق الاخير اللى حضرتك كاتبه راى: ان الريس طلع و قال خطابين الناس اللى فى ميدان التحرير عايزة ايه تانى معلش بقى العيب مش انى اقول الكلام دة العيب ان و احد زى البردعى و اصحاب الاجندات الخاصة يطلعوا على كتافهم ....كفاية كدة ما تضيعوش اللى انتو عملتوا مش هيبقى فى بلد اصلا عشان نعمل نهضة ....السلام عليكم

[engima]

المشاركة الأصلية كتبت بواسطة مهند سالم أنا والله مش قادر أرد على الكلام ده، لأني لو رديت الإدارة هتلغي عضويتي قطعا بلا شك، لكن أنا في قمة الحزن والأسى إن في مصري مازال بيردد الكلام ده، سبحانك يا رب، ارفع مقتك وغضبك عنا، ومكن للحق وأهله وأذل الظلم وأهله، آمين.

- عادى يا باشا اه لسا فى 80 مليون بيقول الكلام دة لان هوا دا الواقع و عليك ان تتعايش معاه
- معلش ليك كل الاحترام و كلنا مصريين بس يابشا لو انتا من شبرا انا من امبابة

- وانتا بتقول " يا رب، ارفع مقتك وغضبك عنا، ومكن للحق وأهله وأذل الظلم وأهله، آمين" وانا بقول معاك امين و بقول يارب لاتؤاخذنا على ما فعل السفهاء منا

[MmFFoR]

المشاركة الأصلية كتبت بواسطة engima - عادى يا باشا اه لسا فى 80 مليون بيقول الكلام دة لان هوا دا الواقع و عليك ان تتعايش معاه - معلش ليك كل الاحترام و كلنا مصريين بس يابشا لو انتا من شبرا انا من امبابة - وانتا بتقول " يا رب، ارفع مقتك وغضبك عنا، ومكن للحق وأهله وأذل الظلم وأهله، آمين" وانا بقول معاك امين و بقول يارب لاتؤاخذنا على ما فعل السفهاء منا

حرد رد واحد!
الحزب الوطني لما 8 مليون نزلوا الشارع قالوا ارحل غور و قالوا الشعب يريد اسقاط النظام نيابة عنهم و عن اسرهم باجمالي تعداد شعبي يقدر ب 30 مليون مصري التلفزين المصري قال دول لا يمثلوا ال 80 مليون كلهم!!!
انت بقى واحد بس مين اللي اداك الحق انك تمثل ال 80 مليون؟