انا اتعقدت من التحرير

[tobgy]

المشاركة الأصلية كتبت بواسطة mahmoudysf انا مش موافق على مقولة ما بقبلش عوض دي لو ثبت انو هو اللي غلطان كان لازم تاخد حق عشان ما يكررهاش تاني وعلى فكرة العوض ده مش حرام زي ما كتير فاهمين اللي يتلف شيء علية اصلاحة

اصل يا باشا الفلوس اللى حيدفعها دى كانه بيعوضك عن قضاء ربنا
انا حاخد منه فلوس لو كان قاصد انه يخبطلى العربية
لكن مدام مش قاصد انه يخبطك
و الحكاية حصلت قضاء و قدر
يبقى ملوش لازمة العوض
دى وجهة نظرى يا باشا
و شكرا يا ريس

[hazem_khidr]

قدر الله و ما شاء فعل
و من اتلف شئ فعليه اصلاحه
و دا في القرآن مش بنجيب كلام من عندنا
و اللي خبطك طالما غلطان لازم يتحمل نتيجه غلطه
انت تتحمل ليه تصليح العربيه و انت مش غلطان

[xabi]

المشاركة الأصلية كتبت بواسطة hazem_khidr قدر الله و ما شاء فعل و من اتلف شئ فعليه اصلاحه و دا في القرآن مش بنجيب كلام من عندنا و اللي خبطك طالما غلطان لازم يتحمل نتيجه غلطه انت تتحمل ليه تصليح العربيه و انت مش غلطان

كلام الاستاذ حازم مظبوط مليون الميه...يعنى ايه واحد يخبطلك العربيه ويقلك انت هتقبل عوض على نفسك!!!!اه اقبل ايه اللى يخلينى ما قبلش.طالما انت غلطان يبقى لازم تتحمل نتيجه غلطك.

انا هحكى لحضرتك حاجه حصلتلى ليله العيد...كنت خارج انا واصحابى فى عربيه واحد صاحبى والطريق حارتين..وكان فيه فى الحاره الشمال من الطريق عربيه نقل كبيره واقفه وعطلانه وكان فيه عربيه نص نقل جايه من ورا العربيه النقل وجايه بسرعه عاليه وجه علشان يعدى العربيه النقل اللى واقفه قدامه فقد توازنه والعربيه فضلت تتقلب منه وتيجى يمين وشمال قدامنا..قام صاحبى حاول يدخل شارع جانبى علشان يبعد عنه..بس ملحقناش..وخبط فين خبطه جامده والنتيجه ايه الازاز الى قدام اتكسر والجنب الشمال من اوله لاخره مش موجود والقوايم بتاعه العربيه مش مظبوطه ولسه بيصلحوها والعربيه اتبهدلت صح..تيجى فى الاخر وتقولى تقبل العوض على نفسك..!!! اقبله ونص طالما الانسان التانى مستهتر ومش خايف على حياته يبقى غصب عنه لازم يخاف على حياه الناس التانيه.واللى يضايقك فى الموضوع ده تلاقى سواق العربيه النص نقل والناس اللى كانوا واقفين بيتكلموا بمبدأ ان طالما شباب اللى راكبين عربيه ملاكى يبقوا غلطانين وهما اللى لازم يصلحوا العربيه..وسواق النص نقل غلبان لانه بيجرى على اكل عيشه..الصراحه دى اكتر حاجه ضايقتنى فى الليله دى كلها واللى خلتينى اصمم واجيب حقى..!!
والحمد اخدنا حقنا منه تالت ومتلت والعربيه بتتصلح على حسابه دلوقتى.!

وربنا يكفينا ويكفيكوا شرالحوادث

[love7amada]

انا عملت تقريبا 3 او اربع حوادث
اول واحده واحده فجاءه كسر عليا و نا ماشي ف امان الله و كان معاه ستات و كبار قلت يلا اعملها انا مع انه كسرلي فانوس و حته ف الصاج كلفت 55جنيه
ثاني واحده فجاءه واحد خبطني ف الشنطه من ورا قالي بسيطه و حصل خير دفعت و عملتها انا و طبعا كل ما بشوفها بتغم و كلفتني 50 جنيه
ثالث مره واحد غبي عمل غرزه و هوب ضرب فرامل دمرلي الكبوت و كلفتني 600 جنيه و برده طبعا الصاج طالما ع البارد مش هيرجع زي ما كان
رابع مره واقف ف امان الله و فجاءه الاقي اللي دخل ف ضهر العربيه انزل ابص الاقي الفانوس الشمال متدمر هوا و حته سمكره و الاكصدام فيه انبعاجه محترمه و كمان ساعتها دخلت ف اللي قدامي ف حصل انبعاجه بسيطه ف شنب العربيه و شنطط العربيه اللي قدامي و تطلع عربيه شرطه و كان بيبلطجوا كمان و يقول بسيطه مسبتوش الا لما دفعت تمنها كاملا بالشاي بتاع الصبيان اللي عند السمكري كمان و مردتش اغير الباغا بس بتاعت الفانوس و الزقها تفك و انا بغسل و الكلام ده الزمته بتغير الفانوس كاملا

[love7amada]

و مره تانيه بس بعربيه صاحبي ف مصطفي النحاس الشارع و اقف و هوب طااااااااااخ
انزل الاقي عربيه نص نقل لابسه ف شنطه اللوجان و ك انت لسه باكياسها و نازلي مبلم
ده حاجه تحرق الدم كان الواحد مفروض يعين قد تمن العربيه قبل ما يشتريها عشان الاصلاحات ديه