السلام عليكم و رحمة الله و بركاته

باختصار العربية اتخبطت انهاردة
و المصيبة انها مش عربيتى
:(
كنت فى الزمالك عند كوبرى 15 مايو مع صحابى و جالى مشوار مفاجئ انى انزل لواحد صاحبى حاااااالا فى التحرير عند المتحف المصرى كدة
خدت عربية واحد صاحبى و نزلت بيها على طول على هناك
و انا مدام مش عربيتى يبقى مش بجرى ولا بتفزلك فى السواقة زى ما بعمل بعربيتى
المهم سايق و خلاص داخل على المتحف و لسة حرفع دراع الاشارة لفوق عشان احضن يمين لقيت
طاااااااخ
في اييييييه
وقفت و نزلت من العربية (بتاعت صاحبى :( )
لقيت الشنطة داخلة لجوة و البتاع البلاستيك الواصل مابين الفانوسين ده مكسور
(العربية تيوتا كورولا القديمة)
المهم لاقيته تاكسى قديم (ابيض و اسود)
و فتحلى اسطوانة فقر
العيال و مش العيال و مراتى و الدوا و العلاج
اكيد كلكم عارفين الاسطوانة دى
الناس بقى
خلاص يا استاذ
حصل خير يا فندى
الله يسهلك يابنى
طبعا مشيت و مخدتش منه حاجة عشان مبقبلش العوض
المشكلة ان دى تانى مرة تحصل معايا
انى اكون سايق عربية واحد صاحبى
و فى التحرير
و العربية تتخبط
بس المرة اللى فاتت كانت قدام شوية عند السوبر جيت
انا اتعقدت من التحرييييييييييييييييير
MAD

المشاركة الأصلية كتبت بواسطة samirayad (المشاركة 289299) كان الله فى عون كل قاهرى وخصوصا فى أعمال الركن والقياده بمنطقة نصف البلد حاجه مرار الصراحه

المشاركة الأصلية كتبت بواسطة محمد فيصل (المشاركة 289306) قدر الله وما شاء فعل ربنا يعوض عليك خير ان شاء الله