ايهما اختار: هوندا سيفيك - بيتلز - بولونيز

[مهند سالم]

المشاركة الأصلية كتبت بواسطة alameldeen شكرا لكل الاخوة وجزاهم الله خيرا اخي الفاضل hossamhussein0 بالنسبة للعربيات اللى حضرتك تفضلت باقتراحهم: العربية الريتمو بيقولوا عضمها مش حلو ومشاكلها كتيرة ووجدت كثير من اعضاء المنتديات يزمون فيها وفي مشاكلها - وكما قلت سابقا فيات يبقى هتصاحب الصنايعية حال كل الفيات بالنسبة للبيجو 205 انا نفسي فيها فعلا بس للاسف اعلى من امكانياتي - واللى في حدود سعري حالتها تعبانة مش قد كدة. بالنسبة للبيجو 305 بيقولوا قطع غيارها مش موجودة علشان كدة شلتها من دماغي بالنسبة مازدا 323 سعرها عالى - اقصد الحالة النضيفة وللاسف الرينو 12 - 18 مش عارف عنهم حاجة بجانب قرات في بعض المواضيع قلة قطع غيارهم والشكل اللى مش قد كدة طب عذرا في استفسار ما رايكم في: اللى خلاني ابص عليهم سعرهم حنين و1998 يعني مش قدام قوي فمش عارف 1- سيتروين ax 1998 2- رينو داتشا نوفا 1998 هما في نفس السعر تقريبا ما رايكم في توافر قطع الغيار؟ هل من الممكن ايجاد حالة نضيفة بال 12-15 الف؟ وشكرا جزيلا لكل الاخوة الذين تفضلوا بالاهتمام بالموضوع وبالرد معدل استهلكهم ومشاكلهم عامة؟ وعذرا لكثرة الاستفسارات

الداشيا جيدة وقطع غيارها موجودة لأنها بتشتغل تاكسي كثيرا، وكثير من الصنايعية بيشتغل فيها، وهي عائلية ووسعها جيد. هي مشكلتها إن موتورها ضعيف قليلا، وده إلا بيخلي بعض سواقين التاكسي بيركب عليها موتور رينو 12، لكن ده لو هتشغلها أجرة، لكن الملاكي بيبقى الموتور كويس عليها، توكل على الله واستخير

[hossamhussein0]

عزيزي السائل

أنا لا انصح ببعض الماركات علي سبيل الحصر

لادا تافاريا
لادا اوكا
ستروين اوليست
فيات باندا
سيتروين ايه اكس
دايو زاز
رينو 5 حتي موديل 82


بلاش دول خالص

و علي فكرة الرينو 12 و 18 قطع غيارهم موجودة و ارخص من الفيات كمان (أنا كان عندي عربية رينو 18 1400 سي سي و كانت زي الفل و قطع غيارها متوافرة و باسعار مغرية و معمرة جدا )

و علي فكرة دي صورة الرينو 18 حتي تعم الفائدة علي الجميع














شوفت بقه جمال التصميم و الانسيابية ،، عربية موديل 80 او 81 و لكنها لاتقل في الجمال عن الانتاج الحديث علاوة علي ان البودي زي الدبابة و صالون واسع و اقتصادية في التشغيل


و بعدين انا عاوز اقولك علي حاجة (لو كنت تقبلها كنصيحة من اخ ذو خبرة في العربيات )

مفيش حاجة اسمها عربية و حشة و عربية حلوة ،، العربية حالة ،، يعني مثلا هناك البعض بيقول انه يواجه عيوب و مشاكل مثلا من الريتمو ! و هناك الكثيرين و الكثيرين بيقولو في حقها بيوت من الشعر و لو خيرتهم لا يمكن يتنازلوا عنها ،،، و كذلك الحال في 132 مثلا و غيرهم و غيرهم

و بعدين انا عاوز اسأل سؤال هي الداتشيا نجحت ليه في التاكسي ؟

ببساطة لانها نسخة متتطابقة من السيارة رينو 12 ، و معظم العربيات الداتشيا اللي في السوق اصحابها بيستعيضوا عن قطع غيار الداتشيا بقطع غيار رينو سواء في العفشة او المواتير او حتي الاكسسوارات ( شبكة و فوانيس و تابلوه ..... الخ)

يبقي ايه اللي يخليك تفكر في الصورة و تسيب الاصل ؟ أعتقد انك اذا ما وفقت في سيارة رينو 12 بحالة جيدة سوف يكون سعرها مناسب بالاضافة الي اساسياتها المتينة جدا و القوية و قطع الغيار الرخيصة المتوفرة

و هرجع اقول لك من ثاني

المهم الحالة كما قلت لك و تبعد عن العربيات نادرة قطع الغيار مثل التي ذكرتها لك بعاليه و ربنا يوفق

[خالداعزالناس]

انا رأيى هوندا سيفيك الحل الامثل لك
وافضل الخيارات المطروحه
وموفق ان شاء الله تعالى

[ابو جودة]

هات ان شاء الله العملى طالما الفلوس قليله فاحسنهم البولونيز قطع غيار رخيصه عائليه متينه واى صنيعى يشتغل فيها وعند اعاده البيع مطلوبه
ولا تنسى صلاة الاستخاره
ونسالك الدعاء

[مهند سالم]

المشاركة الأصلية كتبت بواسطة hossamhussein0 و بعدين انا عاوز اسأل سؤال هي الداتشيا نجحت ليه في التاكسي ؟ ببساطة لانها نسخة متتطابقة من السيارة رينو 12 ، و معظم العربيات الداتشيا اللي في السوق اصحابها بيستعيضوا عن قطع غيار الداتشيا بقطع غيار رينو سواء في العفشة او المواتير او حتي الاكسسوارات ( شبكة و فوانيس و تابلوه ..... الخ) يبقي ايه اللي يخليك تفكر في الصورة و تسيب الاصل ؟ أعتقد انك اذا ما وفقت في سيارة رينو 12 بحالة جيدة سوف يكون سعرها مناسب بالاضافة الي اساسياتها المتينة جدا و القوية و قطع الغيار الرخيصة المتوفرة و هرجع اقول لك من ثاني المهم الحالة كما قلت لك و تبعد عن العربيات نادرة قطع الغيار مثل التي ذكرتها لك بعاليه و ربنا يوفق

الراجل بيقول إنه إمكانياته 15 ألف، ودول عمرهم ما هيجيبوا رينو 12 عشان كدة تمت النصيحة بالداشيا كبديل، أما لو توفرت الإمكانيات فالرينو 12 أفضل بلا جدال.