ايهما اختار: هوندا سيفيك - بيتلز - بولونيز
 

احترت من كثرة البحث
امامي:
1- بيتلز 1980 فابريكة من الداخل - 2 باب
2- هوندا سيفيك 1980 اوتوماتيك - 2 باب - وفي واحدة تانية 4 باب بس 1979 وماتور 1981 1500 سي سي - وفي واحدة 4 باب 77 1300 سي سي مانوال
3- بولونيز 1989 - 4 باب

ايهما افضل من حيث
1- متخلنيش اصاحب الصنايعية
2- كويسة في البنزين - مع العلم ان معظم الوقت رايح جاي على الشغل معي واحد والمسافة حوالى 30-35 كيلوا رايح جاي
3- اجد لها قطع غيار بسهولة مع العلم اني من القاهرة واعرف التوفيقية والوكالة
4- انا جديد في السواقة فتستحملني
5- تتحمل المطبات الهايلة في القاهرة
6- مش مهم الشكل
7- مش بحب الجري والتسارع ولكن عند السفر لا احس اني راكب حنطور ودة لو كان هيبقى في السنة مرة
8- لا انظر الى البيع الان نهائي - حيث لدي طفلة سنة ونصف فقط - فتعيش معايا

ولو في اقتراحات اخرى غير 128 و127 لان سمعتهم سبقاهم - طبعا في بعض الاعضاء يشكرون فيهما - وتكون السيارة مش محتاجة اي مصاريف نهائي

الفلوس التي لدي 12 الف ممكن اوصلهم 15 الف وده هيبقى كل اللى ما لدي - ولا اريد تقسيط جديد

منتظر رأيكم وردكم

شكرا

رد: ايهما اختار: هوندا سيفيك - بيتلز - بولونيز
 

كل دية مشاهدات ولا يوجد رد واحد
لو الامر مبهم ياريت اخباري لتوضيح الابهام

احد الاعضاء تفضل مشكورا ورتب لى السيارات هكذا
البيجو 205
الهوندا سيفيك 1980
الفولكس بيتلز

فهل هناك راي اخر
وما الفرق بين الهوندا سيفيك 1980 المانوال والاوتوماتيك
وشكرا لكم

رد: ايهما اختار: هوندا سيفيك - بيتلز - بولونيز
 

حاول تشوف مازدا 323 هاتش باك، هي بتبقى أرخص من السيدان، يعني ممكن تلاقي حاجة كويسة بالسعر ده.
وعموما الثلاث عربيات إلا حضرتك بتتكلم عليهم كل واحدة ليها مشاكلها:
1- البيتلز جميلة وقوية، لكنها ضيقة جدا (مش عائلية) ومش أي صنايعي يشتغل فيها، وأعتقد قطع غيارها غالية شوية.
2- الهوندا سيفيك جميلة طبعا وناعمة وسحبها حلو ووسعها كويس، لكن مشكلة الهوندا الأزلية (قطع الغيار غالية وقليلة)، وطبعا برده عايزة صنايعي شاطر.
3- البولونيز عربية قوية فعلا وواسعة ، لكن شكلها غير محبب وسمعت من سمكري شاطر إنها فيها مشاكل صدا عند الكارتيرات، عموما أنا ما أعرفش كثير عن البولونيز غير إن ماتورها زي ماتور الفيات 125، وهي عربية في المجمل كويسة وحمالة أسية، وقطع غيارها موجودة.
عموما دور أكثر واسأل واستخير ربنا سبحانه وتعالى وربنا يوفقك

رد: ايهما اختار: هوندا سيفيك - بيتلز - بولونيز
 

شكرا لك اخي مهند
بس المازدا سعرها عالى والسعر الحنين الحالة تعبانة قوي
وانا منتظر رد بقية الاخوة الافاضل

رد: ايهما اختار: هوندا سيفيك - بيتلز - بولونيز
 

دائما في أي عربية الهاتشباك بتبقى أرخص من السيدان، فعندك السيدان في ال323 الحالة الكويسة بتبدأ من 18 ألف، فإن شاء الله هتلاقي حاجة كويسة هاتشباك في حدود 15 أو 16 ألف، بس اصبر ودور. وربنا يوفقك