حكـــــــــــــــــــــــ ـــــــــــاية شـــــــــــــــــــــهيد

[of_hon]

المشاركة الأصلية كتبت بواسطة احمد بدر1978 مع احترامى ليك انا الى كتبت ان لازم تعرف ظابط عشان يجبلك الرخص ومش فاكر فى انهى موضوع بس حقولك حاجة انزل كدة اى مرور عشان تجيب رخصة اية الى بيحصل؟بهدلة وبعد لما تقعد اليوم بطولة تلاقى الرخصة مش موجودة اصل الرخصة لسة مع الظابط لما تبقى واقف فى لجنة ويقولك فية شرخ فى الزجاج انا نفسى مبشفوش غير صدفة ويقولك 50 جنية على عينى وراسى دة القانون بس يتنفذ على الكل مش فى نفس اللجنة عربية متفيمة بالكامل اسود وامين الشرطة يقول للظابط قوات جوية يعدى وانا ادفع 50 جنية طب لية؟ وثانيا انا مقولتش ان الظباط يهود فية مشاركة ليا انا كاتب ان مراتى كانت بتولد وماشى عكس الاتجاة الظابط مشالى متوسيكل قدامى انا بقول ان القانون يتطبق على الكل مش ناس وناس مش الاقى واحد مركب زينون عامى بية عينى ودخل اللجنة وهو مولعة عادى ماهو امين شرطة وانا لو نسيت النورالعالى مولع وانا داخل اللجنة سحب رخص كامك على عينى وراسى ان فعلا فية ظباط محترميين انا مقلتش حاجة بس فية ظباط مفتريين ومشكور على الموضوع

العفو يا حبيبي والله أنا عارف وكاتب الكلام ده ان فيه ضباط مفتريين وكتيير
بس هيا دي مصر يا عبلة
بس برده لازم نبص علي المحترمين

[of_hon]

المشاركة الأصلية كتبت بواسطة Romeeoo تحياتى لكر رجال الشرطة المحترمين بس ياريت توسع صدرك لأنك حاتسمع نقد كتير والرد عليه صعب جدا جدا انا مش حانقد لأن السلبيات معروفة للجميع مش عايزة كلام وانا عن نفسى بواجه مواقف مشابهة لأنى شغال فى شركة الكهربا والناس واخدة فكرة اننا كلنا مرتشين وحرامية بس بجد اللى بطلبه منك وتبقى شجاع فعلا لو جاوبت بصراحة ازاى اتصرف لو فيه مشكلة بينى وبين ظابط فى أى فرع المرور مثلا أو المباحث ......الخ

ياباشا انا عارف ان النقد للشرطة كتيييييييييييير قوي بس انا هنا لابدافع ولا بهاجم (ولا حتي خط نص)انا لقيت الناس كلها عمالة تتكلم عن سلبيات الشرطة واللي الضباط بتعمله مع الناس وكله ناسي الضباط المحترمة اللي بتموت عشاني وعشانك

اظن لما انت تبقي في العيد بتعيد مع أهلك وبتضحك وتهزر وحياة لذيذة أظن الضابط اللي واقف في نقطة التفتيش ولا اللي طالع مأمورية في الجبل وشايل روحه علي كفه يستحق نتكلم عنه قصدي انه مش كله أسود فيه أبيض برده ولازم ياخد حقه

[of_hon]

المشاركة الأصلية كتبت بواسطة Romeeoo تحياتى لكر رجال الشرطة المحترمين بس ياريت توسع صدرك لأنك حاتسمع نقد كتير والرد عليه صعب جدا جدا انا مش حانقد لأن السلبيات معروفة للجميع مش عايزة كلام وانا عن نفسى بواجه مواقف مشابهة لأنى شغال فى شركة الكهربا والناس واخدة فكرة اننا كلنا مرتشين وحرامية بس بجد اللى بطلبه منك وتبقى شجاع فعلا لو جاوبت بصراحة ازاى اتصرف لو فيه مشكلة بينى وبين ظابط فى أى فرع المرور مثلا أو المباحث ......الخ

انا قولت ارد عليك عشان متفتكرنيش مطنش
بص يا باشا القاعدة العامة في الموضوع ده
خليك عارف حقك والقانون بيقول أيه علي الحالة اللي انت فيها قصاد الضابط .

نصيحتي ليك اقرا كتاب عمر طاهر ( عشان متنضربش علي قفاك ) ده لو لقيته
وأسلوبك هو اللي هيحدد هتاخد حقك ازاي

ولو فيه استفسار عن واقعة معينة أنا في الخدمة

[Romeeoo]

المشاركة الأصلية كتبت بواسطة of_hon ياباشا انا عارف ان النقد للشرطة كتيييييييييييير قوي بس انا هنا لابدافع ولا بهاجم (ولا حتي خط نص)انا لقيت الناس كلها عمالة تتكلم عن سلبيات الشرطة واللي الضباط بتعمله مع الناس وكله ناسي الضباط المحترمة اللي بتموت عشاني وعشانك اظن لما انت تبقي في العيد بتعيد مع أهلك وبتضحك وتهزر وحياة لذيذة أظن الضابط اللي واقف في نقطة التفتيش ولا اللي طالع مأمورية في الجبل وشايل روحه علي كفه يستحق نتكلم عنه قصدي انه مش كله أسود فيه أبيض برده ولازم ياخد حقه

اكيد طبعا كلامك ميه ميه بس ماتنساش ان الحسنة بتعم

المشاركة الأصلية كتبت بواسطة of_hon انا قولت ارد عليك عشان متفتكرنيش مطنش بص يا باشا القاعدة العامة في الموضوع ده خليك عارف حقك والقانون بيقول أيه علي الحالة اللي انت فيها قصاد الضابط . نصيحتي ليك اقرا كتاب عمر طاهر ( عشان متنضربش علي قفاك ) ده لو لقيته وأسلوبك هو اللي هيحدد هتاخد حقك ازاي ولو فيه استفسار عن واقعة معينة أنا في الخدمة

مثلا انا كنت راجع من اسكندرية وقفنى امين شرطه بيقولى الرخص وريتهاله قالى الرخصة مش بإسمك ليه وفين التوكيل؟ وخد 20 ج كده وكده

[sh_masry]

(وكله ناسي الضباط المحترمة اللي بتموت عشاني وعشانك

اظن لما انت تبقي في العيد بتعيد مع أهلك وبتضحك وتهزر وحياة لذيذة أظن الضابط اللي واقف في نقطة التفتيش ولا اللي طالع مأمورية في الجبل وشايل روحه علي كفه )



يا سيدى الفاضل مع احترامى لكل ضباط الشرطه المحترمين , بس للأسف فيه ظباط تانيه كتير بتنسى ان فيه شعب كتير منه برده محترمين و متعلمين و مثقفين و لكن كل ده بيتنسى و بتطلع الأنا بتاعه السلطه و النفوذ ..... و بعدين زى ما فيه سهداء فى الشرطه فيه برده شهداء فى الجيش و الحربيه و جميع القوات المخوله بحمايه البلد من الداخل و الخارج ... و بقول حمايه مش ارهاب و عنف و قله ادب ...... و حتى فيه شهداء كتير من المدنيين زى اللى بيعدى الشارع و يموت ده نحسبه عند ربنا شهيد ان شاء الله و برده اللى تقع عليه عمارته و اللى يموت من الضرب فى القسم و اللى يتهان و من كتر الأهانه من ذوى السلطه يجيله سكته قلبيه و يموت و اللى بيتكهرب و يموت شهيد و اللى يدخل عليه بلدوزر بالأمر من ذوى السلطه و يوقع بيته فوق دماغه شهيد ..........
يا سيدى الفاضل , الأقدار مكتوبه عند ربنا من يوم ما خلقت الأرض و حتى يوم الساعه , و اللى بيطلع المأموريات اللى حضرتك بتقول عليها دى بيطلعها من واجبه و لأداء شغله اللى بيأخذ عليه مرتب من الضرائب اللى بيدفعها الشعب علشان حمايه الشعب مش بيطلعها حبا فى الخير و ان كان حبا فى الخير يبقى ربنا يجازيه جزاء خير ان شاء الله و اللى بيقف فى نقاط التفتيش دى فى العيد ان كان محترم و ذو شخصيه محترمه فأهلا و سهلا به و نتمنى له كل الخير و المحبه و ان كان واقف علشان يعتت الناس اللى بتعيد و هو مش عارف يتفسح و يعيد و ينفسن على البشر يبقى ربنا ينتقم منه قادر يا كريم

و اخيرا نحن حتى ان تذكرنا الشهداء من جميع الوظائف فلن نوفيهم حقهم و لكن من يتذكر الأحياء ؟؟؟؟؟؟؟؟؟؟

يا استاذى لك كل الشكر للتذكره و لكن الموضوع بقى اكبر منى و منك كتير و ربنا يوفقك و يعينك لما فيه الخير لنا و لك .