المواجهة ▲AbOnOrA☼ ◄VS► ▲Hazem Shahin☼

[DR.AMER HASSAN]

ههههههههههههههههههههه
الله ينور يا ابو نورا... تحياتي على الفكرة الجبارة
منور البلاتو يا استاذ حازم ..... يا ريت زيارة من سيادتك لاخر مواضيعي و راي سيادتك الكريم

[محمدصلاح القاضى]

مستنين على نار

كرسى الاعتراف
فى موسمه الجديد

بشكل مختلف وحوار اجرأ

:Bra vo:: Bravo:

[حازم شاهين]

المشاركة الأصلية كتبت بواسطة AbOnOrA نبداء بسم الله فى المجموعة الاولى (اسئلة التعارف) السؤال الاول ... الاسم الحقيقى: حازم شاهين وهو نفسه المعرف او النيك نيم بتاعك فى المنتدى السؤال هو ليه ماخترتش اسم تانى Nikename وهل كان ليك اسم تانى فى منتديات تانية ولو ممكن تختار اسم تانى ممكن يكون ايه ؟؟

فى الحقيقة تسجيلى فى المنتدى هنا كان أول إحتكاك حقيقى بالمنتديات و مكانش فى بالى إستخدام إسم مستعار خالص و موضوع التسجيل أو قرار التسجيل ما أخدش أكتر من تلات دقائق فأول حاجة بتيجى على بال الواحد هى أسمه

إسمى فى المنتديات تانية هو h_shhin برضه من الإسم الحقيقى معنديش مشكلة فى الموضوع ده

لو كنت هختار إسم تانى و لو كنت أصغر شوية كان ممكن أختار زوم أو زوما أو زوكا و هى الأسماء إللى المقربين بيستخدموها

المشاركة الأصلية كتبت بواسطة AbOnOrA السؤال الاول ... محل الاقامة الحالى والمدينة المفضلة ليك ؟؟

محل الإقامة بورسعيد حاليا و أنا من مواليد إسكندرية و هى المدينة المفضلة ليا و يليها بورسعيد و بعدين الغردقة يعنى أنا كائن بحرى مقدرش أبعد عن البحر

المشاركة الأصلية كتبت بواسطة AbOnOrA [S IZE=5] السؤال الاول ... ايه هى هواياتك غير السيارات؟؟ [/SIZE]

الشيشة السلوم ..........

لا بجد أنا هوياتى تربية أسماك الزينة و لعب التنس و مؤخرا عودة لصيد السمك

بالإضافة إلى الكمبيوتر و النت و الإلكترونيات زى كلنا هنا فى المنتدى

المشاركة الأصلية كتبت بواسطة AbOnOrA [S IZE=5] السؤال الاول ... ايه هو تخصصك العملى وخبراتك فى مجال الشغل او الدراسة وبتحب شغلك ولا لاء ولية ؟؟ [/SIZE]

أنا محاسب أصلا لكن بشتغل قياس فى هيئة قناة السويس

و هى وظيفة المسئول عن إحتساب رسوم العبور للسفن المختلفة
و هى وظيفة ليها علاقة سطحية بهندسة بناء السفن و الباقى شغل إدارى

كمان أنا متخصص فى نظم إدارة الجودة و السلامة و البيئة و دى ممكن إعتبارها هواية من ضمن الهوايات

بحبها من جوانب و بكرها من جوانب
بحبها لإنى مليش مواعيد عمل محددة سواء فى ساعات الليل و النهار أو أيام الأسبوع
و لإنى بقابل جنسيات و ثقافات مختلفة كل يوم تقريبا
و مش مرتبط بالعمل فى مكتب أو مكان ثابت

و مابحبهاش لإنها شغله مرهقة بدنيا
و مسؤليه كبيرة لإنها أموال حكومية و قط الحكومة جمل

المشاركة الأصلية كتبت بواسطة AbOnOrA [S IZE=5] السؤال الاول ... هل ليك اصدقاء كتير وازاى بتختارهم وهل بتعتبر نفسك انسان اجتماعى ؟ [/SIZE]

ليا معارف كتير جدا لكن الأصدقاء معدودين بصراحة

ليا صديق واحد أنتيم

و باقى الأصحاب لا يتجازون 20
منهم صحابى هنا فى المنتدى

و الباقى معارف

و أنا مش إجتماعى قوى فى الحقيقة و المنتدى حل المشكلة دى ليا بصراحة و زود معارفى بدرجه ما ... غالبا أنا ما بسعاش للتعارف إلا بمبادرة من الأطراف الأخرى

و دائرة معارفى إتسعت بسبب الدراسة او الشغل زى معظمنا

الإختيار سهل جدا بختار اللى شبهى فى السلوك و المستوى الإجتماعى

المشاركة الأصلية كتبت بواسطة AbOnOrA [S IZE=5] السؤال الثانى اكمل ما بين النقط حازم شاهين يتميز ب الهدوء ، التسامح ، حسن النية حازم شاهين يحلم ب العدل ، النظام ، النظافة اسوء عادات (او طباع ) حازم شاهين الكسل ، الخجل ، الغموض [/SIZE]

المشاركة الأصلية كتبت بواسطة AbOnOrA [S IZE=5] السؤال التالت ... عن السيارات ... علاقتك بالسيارات بدأت ازاى وليه اهتميت بيها ؟؟ علاقتى بالسيارات إبتدت من الطفولة فى بداية المنطقة الحرة فى بورسعيد و بداية إنتشار السيارات المستوردة مرسيدس و فيات و بيجو و مازدا و تيوتا و داتسون و بعدين فولكس جولف و هوندا ...إلخ فى الجو المليان بمختلف أنواع السيارات و كلها راكنه تحت البيت كان دايما فيه ملاحظات و مقارنات و غيره و بعدين الموضوع تطور لما كبرنا شوية و أصحابى إبتدوا يركبوا عربيات أبائهم و هكذا ايه ماركات السيارات المفضلة ليك وايه اسبابك ؟؟ و الله الواحد طول عمره كان معجب بالمرسيدس طبعا زى كل المصريين لكن فى مرحلة الشباب كان إعجابى بالبى إم أكتر و لا زالت البى إم هى الماركة المفضلة إللى بتجمع بين جودة التصنيع و روح الشباب و القوة فى تركيبة متجانسة وايه ماركات السيارات المكروهه بالنسابلك وليه ؟؟ مكنتش بحب النيسان أبدا لغاية وقت قريب لما اتطورت نيسان على إيد كارلوس غصن اول عربيه فى حياتك كانت ايه وايه اكتر عربيه ليك ذكريات معاها ؟؟ أول عربية كانت بيجو 305 و هى إللى إتعلمت عليها السواقة و قضيت بيها سنين الكلية كلها. أكتر عربية ليها ذكريات معايا هى الجولف 2 و دى عربية الخطوبة و الحب و الجواز و الخلفة و قعدت معايا 9 سنين و فوتت منى مرة ايه العربية المثالية ليك دلوقتى (اختيار واقعى) وايه العربية (الحلم) بالنسبالك ؟؟ هبقى مبسوط قى لو قدرت أركب عربية 4×4 أو كروس أوفر و الحلم طبعا إنها تكون بورش مثلا (كايين إس) بتحب السرعة ولا لاء وايه اكتر سرعة مشيت عليها وايه اكتر سرعة مفضلة على السفر ؟؟ لا مش بحب السرعة خالص و بتوترنى بشكل كبير و أكتر سرعة مشيت عليها كانت 160 كم على ما أتذكر أو أقل قليلا السرعة المفضلة فى السفر 110 إلى 120 بعد كده ببقى مش مطمن بتعتبر سواقتك عموماً كويسة ولا تديها كام من 10 ؟ على رأى NFS سواقتى شبه سواقة جدتى لكن بدون غلاسة على حد يعنى أدينى 7 من عشرة علشان القيادة الأمنة و إحترام القواعد بتمد ايدك فى العربيه وتحب تعمل صيانات بنفسك ولا مبتحبش ؟ فى الحاجات السهلة بس و الواضحة اللى مش عايزة غلبه كتير يعنى ممكن أغير فلتر بنزين أو بوجيهات أو لمبات الفوانيس أو الفوانيس نفسها بس السبب هو إن مفيش وقت لكن لو عندى وقت كنت حبيت أعمل حاجات اكتر من كده بإدى وايه علاقتك مع الصنايعية ومراكز الخدمة ؟ الحقيقة أحب أقف مع الصنايعى و أشوفه بيعمل إيه لكن أحيانا لما أبقى مشغول بسيبه و امشى و خصوصا إنى بتعامل مع نفس الصنايعية من سنين فخلاص فيه ثقة زائد إن القاعدة فى الحرفيين ملهاش أى 30 لازمة أما مراكز الخدمة فعلاقتى بيها كانت مع الإسبيرانزا فقط فى الصيانات العادية اللى هى تغيير زيت و تربيط و كده لكن بعد الحادثة رجعت للصنايعية بتوع زمان و ماشى زى الفل عمرك اتنصب عليك فى عربيه او قطعة غيار ولو حصل علمت ايه ؟ ممممممم لا مش بالصورة دى هو مرة كنا بنشترى عربية كيا ريو إستعمال بلادها و إكتشفت قبل شراءها إن فيها شغل فى الشنطة من راء بس مش مأثرة على أى حاجة تانية و المدام كانت متمسكة بيها فكان الموضوع ده سبب إننا نقدر ننزل من سعرها حوالى 2000 جنيه تقريبا بس و لما حبينا نبيعها بعد كده إتباعت فى نفس اليوم الحمد لله و بسعر السوق ساعتها [/SIZE]

المشاركة الأصلية كتبت بواسطة AbOnOrA [S IZE=5] السؤال الرابع ... عن المنتديات ومصر موتورز علاقتك بالانترنت والمنتديات بدات ازاى وكذلك علاقتك بمصر موتورز علاقتى بالإنترنت إبتدت سنة 2000 و كانت منصبه على الأخبار و الميل و الشات و كنت مشترك إشتراك شهرى مع سيرفر فى بورسعيد أنا و واحد صاحبى و كان ساعات يحصل إنى أدخل و صاحبى داخل فالسيرفر يعملنا بلوك فكنت أروح للشركة و أعمل فيها عبيط إنى معرفش إن ما ينفعش حد يدخل على الحساب من رقمين مختلفين ، لغاية ما ظهر الإنترنت المجانى 0777 و الحساب بالدقيقة بس . و فى الوقت ده أو بعد كده بشوية ظهر كونتاكت و كان جذاب جدا لإنه أول موقع يقدم أسعار السيارات فى السوق و ده كان شىء مهم جدا و كمان طريقة حساب القسط أون لاين كانت مهمة جدا للتغلب على نصب إعلانات الأهرام بتاع أقل قسط و أقل مقدم و مكنتش مهتم بالمنتديات قوى لإنى فكرتى عنها إنها شىء مزعج بيطلع فى مواقع الترتيب العربى و المصرى و أغلبها منتديات عامة و بعدين إبتديت أهتم بمنتديات الجودة فى 2007 تقريبا و بعدين لما فكرت أشترى عربية زيرو لأول مرة كان فى 2009 فكنت بدور على ريفيو عن العربيات اللى فى حدد إمكانياتى و منها الفيرنا و اللانوس و الإسبيرانزا فى الوقت ده و كان مصر موتورز و إسبيرانزا كلوب هما المرجعين فى الرفيو ده أما النايل فكان تقيل قوى و أنا فى الأيام دى كنت بدخل دايل أب إللى لفت نظرى فى مصر موتورز موضوعين تحديدا الأول بتاع تحليل محرك إسبيرانزا بتاع أبو نورا و التانى كان بتاع حد إسمه ميدو تقريبا كان عنوانه "قبل أن تشترى الإسبيرانزا إحذر" فى الحقيقة موضوع إحذر ده هو إللى خلانى أقتنع إن الصين حلوة على رأى هنيدى ..هههههه أفتكر إن يوم ما رحت دفعت المقدم بتاع العربية فضلت سهران لغاية ما النهار طلع و انا بقرأ مواضيع الإسبيرانزا هنا و فى جزء من إسبيرانزا كلوب (لإنه بيشترط إمتلاك السيارة للتسجيل) و كان منتدى إسبيرانزا من أكبر الأقسام فى المنتدى من حيث الموضوعات أو عدد الزوار و بعد فترة من إشتراكى فى مصر موتورز بقى ما ينفعش الإستمرار على الدايل أب و لازم الإشتراك فى الدى إس إل لإنى كنت بتاجد فى المنتدى لمدة 6 ساعات متصلة كل يوم يمكن أكتر ايه اكتر الحاجات اللى تمنيتها وتخيلتها لمصر موتورز قبل اشتركك فيه بفعالية طبعا خبرتى بالمنتديات كانت محدودة لكن عموما كنت أحب إن المنتدى يبقى مفتوح زى ما هو مفتوح للجميع حاليا كمان ساعتها كنت متحمس للسيارات الصينى مش من باب إنها سيارات حلوة و لكن من باب الفضول للقادم الجديد فى عالم السيارات الجدل الفظيع حول قدرته على تقديم منتجات رخيصة و معتمدة فكنت أحب أشوف إهتمام أكبر بصناعة السيارات فى الصين و كنت بتمنى أتعرف على نجوم المنتدى وقتها كمان (و الحمد لله إتعرفت عليهم كلهم تقريبا) وايه اكتر الحاجات اللى بتتمناها لمصر موتورز دلوقتى إنه يتحول للعمل فى أرض الواقع لتقديم خدمة للمستهلكين و المشترين ايه اعز مواضيع او مشاركات ليك فى المنتدى طبعا الموضوعين إللى لفتوا نظر الناس ليا و إتعرفت بسببهم و هم موضوع الحادثة إللى عملتها و بعدين موضوع إصلاح السيارة بعد الحادثة كمان فيه موضوع مهم عملته كان عن السيارات الحديثة و مراكز الصيانة و نظرة المجتمع لهما "سيارات حديثة .... مفاهيم قديمة .... قدرات محدودة" و بعدين موضوع عن بلد المنشأ و تأثيرها على جودة السيارة و دى مواضيع أثارت جدل و نقاش بين الناس فى المنتدى كمان فيه موضوع بعتبره رائد فى المنتدى ده فى وقته و هو موضوع السيارة التيوتا هاى لوكس لأنه كان غريب على الناس هنا و لفت النظر لعربية مهمة فى السوق المصرى مين اكتر الناس اللى بتحبهم او بتابعهم او مهتم بمشاركتهم فى المنتدى وليه مش هقول أبو نورا علشان محدش يفتكرنى بجامل لكن كان فيه سامح رمزى طبعا و أحمد رمزى فى فترة و بعدين أحمد فاروق فى فترة سمير عياد فى فترة و أخيرا كارز أدمير المهم فى مواضيع الناس دى إنها كانت مواضيع أوريجينال يعنى مفيش حد غيرهم إتكلم عنها قبلهم و إن وراها فكر محدد و منضبط و مجهود كبير [/SIZE]

المشاركة الأصلية كتبت بواسطة AbOnOrA [S IZE=5] السؤال الخامس اختر من بين الاقواس افضل سيارات صينية فى وجه نظرى هى ( شيرى اسبيرانزا ) فى مصر حتى هذه اللحظة هى السيارة الأنجح صينيا تقييمى للصناعة الصينية ( مبشرة ) مبشرة جدا خصوصا مع الإهتمام بالأبحاث و التطوير الذاتى و البعد عن القص و اللصق حالة المرور المصرى سببها فى المقام الاول ( الطرق ) لو كان فيه إختيار الثلاثة مجتمعين كنت إخترته لإن لكل منهم نصيب فى المشكلة و لكن لو هختار إختيار واحد يبقى الطرق لإنها غير مصممة لإستيعاب هذا الكم من الحركة اهم عامل فى اختيارك للسيارة ( السعر ) أكيد الأداء مهم و لكن البداية دائما يجب أن تكون من الميزانية ثم المتطلبات المطلوبة من السيارة ثم المفاضلة بين أفضل أداء لتلبية المتطلبات فى حدود الميزانية و اخيرا الكماليات تعتبر عامل إضافى للترجيح دول بس تصبيرة لحد ما نجمع باقى الاسئله [/SIZE]

[محمدصلاح القاضى]

مستر حازم شاهين اجابتك وردك تنم عن مدى ثقافتك وادبك واحترامك
مستر ابو نورا اسألتك وافيه وجميله وتحمل فى طياتها الكثير والكثير

منتظرين الكثير والكثير

[mhamdy75]

استمعت كثيرا بردودك

أستاذ حازم