موضوع المية اللى مجننى

[احمد على 1999]

انا لو مكانك محاولش انضف الصدأ بأى وسيلة لان شيل الصدأ من العربية اللانوس (طالما طالها صدأ) حيزود المشاكل
يفضل حد صبور يحاول يكتشف سبب التسريب زيى ما الاستاذ الخبيييير قال على شوية احتمالات
لو احترت جرب حط عبوة ال stop leak ممكن تجيب نتيجة

برضه غطا الأربة هو احتمال كبير

[shur3000]

طب وموضوع وش السلندر

[الغباشي]

لازم طبعا العربية تتفتف والشكمان يتهز لما تشيل سلك البوجيه
جوان وش السلندر لو ضارب ها تلاقي نفخ في قربة المية او الريداتير والزيت يطحن
شوف طلمبه المياه
دور العربية وخليك واقف شويه وهي دايرة وبعدين اتحرك وشوف في مية نزلت من ناحية الطلمبه ولا لا لانها حصلت معايا

[هانى عيسى حسان]

نقص المياه الملحوظ بدون اى تسريب ده جوان وش سلندر اللى حصله انه حمص وبياكل المياه وده مالوش دعوه بالزيت ولا اى حاجه تانيه كان عندى الحوار ده من شهر ولسه عامله بعد ما عملت كل حاجه وفى الاخر طلع جوان وش السلندر ورحت جبت الاصلى وركبته اى استفسار بخصوص الموضوع ده من عنيا اسألنى وانا تحت امرك

[الخبييييير]

المشاركة الأصلية كتبت بواسطة الغباشي لازم طبعا العربية تتفتف والشكمان يتهز لما تشيل سلك البوجيه جوان وش السلندر لو ضارب ها تلاقي نفخ في قربة المية او الريداتير والزيت يطحن شوف طلمبه المياه دور العربية وخليك واقف شويه وهي دايرة وبعدين اتحرك وشوف في مية نزلت من ناحية الطلمبه ولا لا لانها حصلت معايا

يا اخي الميكانيكية دول عليهم حركات قال يشيل سلك البوجيه العربية تتفتف مفيش ضمير عايز يعمل شغل ويا سلام لو لقى حد معندوش خبرة في عربيته يشتغله صح ولو واحدة ست يبقى بالسلامة ضمن 500ج من وراها بترميله المفتاح يعمل عليها شغل ويبيت العربية ويلف بيها بمزاجه ويرجعها التنك فاضي ويكون صلح العطل ابو تلاته تعريفه وتيجي تستلم ويقولها فكيت وركبت وغيرت وزبطت وكل ده اتكلف 375 تقوله كتير يقولها عشان حصرتك 350 ونكسبك زبونه تقوله ماشي وتدفع مع ابتسامه عريضة !!!!!!!!!!!!!