سؤال بخصوص التاكسى ياريت المساعده

[msr1192]

البي واي دي ركبتها مانيوال جيدة ولكن فية ناس كتير مش واحد ولا اتنين اشتكوا من السخونة ومنهم الى جابت وش سلندر الصني لسة مركبتهاش
النمر العربية بتتكتب باسم صاحب النمر وينقل النمر عليها في المرور وبعدين يبعهالك يعنى تخلي بالك كويس بدل ماتلس في الحيط

[Marlborooo]

بلاش الصني الجديدة تاكسي عشان قطع غيارها هتكون غالية شوية ( والاجرة بيستهلك قطع غيار اكتر من الملاكي)
ومش هتلاقيها غير في التوكيل

رأيي المتواضع فكر في الbyd بس مانويل وليس اوتوماتيك
الاوتوماتيك ميستحملش في عربية اجرة ضيف عندك ان فتيس اي عربية صيني هيكون اضعف من الياباني والالماني يعني عمر افتراضي ااقل
وطبعا الفتيس الاوتوماتيك مبيتصلححش ( عن تجربة ) لو اتصلح بيبوظ تاني

[emad habib700]

الفتيس البى واى دى الاوتوماتيك هو نفسه الفتيس الموجود فى النيسان الصنى وهو يابانى وليس صينى

[memo1100]

ابعد عن اى حاجة صينى مع احترامى لكلعن تجربة اذا كان اسبرنزا او بى واى دى والى يقولك قطع غيار تويوتا والكلام دة كلة مش موجود واطلع على توكيل بى واى دى فى احمد زكى مش هتلاقى قطع غيار للبودى وغيرة والى يقولك ركب تويوتا مش هينفع فى فرق فيها احسن عربية شغالة الالنترا والنوبيرا الكورلا

[العمده المليجى]

انا شاكر لكل اراء الاخوه المحترمين وكل عام وانتم بخير بلنسبه لموضوع الفتيس هوا يابانى وبلنسبه لمشكله السخونه هوا سلك الحراره غير جيد اما موضوع وش السلندر احب اشكر الاخ صاحب التعليق بس عايز الفت انتباهه لحاجه متنساش ان البى واى دى تاكسى ممكن يركبوها عشر سواققين فى الاسبوع الواحد فا تلاقى الى بيقرص وتلاقى الى بيطير وتلاقى الى اساسا مبيشوفش الميه بتاعه العربيه اهم حاجه يدور ويجرى يجيب الورديه ولو باظت فيه الف عربيه تانيه يركبها وها كذا المهم ياجماعه الرجل الى فى العربيه بمعنى اصح الى تعب فى القرش بيحافظ عليها وربك هوا الستار ومتعرفش قدام شويا هتبقى الدنيا فيها ايه بلنسبه للعربيات الى قلقنى دلوقتى تعليق الاستاذ الفاضل وانا بصراحه بشكره على النصيحه بيقول لازم العربيه تتنقل الاول باسم صاحب النمر وبعد كده يبقى يبعهالك طيب ايه العمل فى المشكله ديه اذاى اضمن حقى مع العلم انى هنزل ادور فى المعارض على نمر وبصراحه انا عامل حسابى من 32000 الى 35000 حقهم ومعنديش حد معرفه اشترى منه ياريت ياجماعه الى يعرف اذاى اضمن حقى يقولى لحسن انا حاسس كده ان الموضوع عمال يتعقد الفلوس مبتجيش سهله واشكر استاذ عماد حبيب على توضيحاته ودخوله للمتابعه