قولي ياواد يامزيكا ... بتفهم ف السياسه ؟

ان شاء الله صوتي هديه لاي شاب طموح عايز يخدم اهل منطقته واللي مش هيكون عايز من ورا الترشيح ده اي مصيبة للبلد زي اللي بيدخلوا مخدرات علي حس الحصانه

[abdo_2828]

سيد بتاع الاخوان
و انت ايه رايك الاول

[dr.wael7yran]

و الله يا حاج تامر انت جيت على الجرح ..
اصل حكاية السياسة دي معقداني اوي ..
نفسي اجيب الشعب المصري ده كله و اجمعه و اقوله و انت مالك
مين اللي اقنعك انه مطلوب منك تصلح الكون ..
مين اللي فهمك انه كل واحد فينا مطلوب منه يحط نفسه مطرح وزير الخارجية لما تحصل مشكلة مع اسرائيل .. و وزرير الداخلية لما الشرطة تهجص .. و رئيس المجلس السمكري لما تقوم مليونية ..
امال الناس دي شغلانتهم ايه ؟؟
متسيب السياسة لبتوع السياسة و ركز انت في اللي بتعرف فيه ..
المهندس يهندس .. و المحاسب يحسب ..و الطبال يطبل ..
اه طبعا لازم يكون ليك دور في اختيار الناس دي ..
بس اختارتهم .. فكك منهم بقى ..
انما كل واحد يطلع يكتبله مقالتين و يلبسك عمة من و رق الجرايد و يقنعك بيها انك شيخ الحارة و هتحل كل مشاكل العالم ..
او مذيعة شمطاء تنخرب و تدور و ترمي عليك همومها و تقولك الحقني و فكرلي بسرعة ازاي هنحل مع بعضينا كل مشاكل المحروسة ..
و تقعد حضرتك قدامهم بالساعات و يقبضوا هم بالملايين يا معلم و انت و لا حليت و ولا حتحل طول ما انت قاعد تتفرج عليهم زي خيبتها
انا رأي انه كل واحد يبدأ بنفسه ..
و يتفوق في مجال تخصصه ..
و لذلك انا هنتخب الاخوانجي ..
و شكرا ..

[تامر ديزل]

المشاركة الأصلية كتبت بواسطة abdo_2828 سيد بتاع الاخوان و انت ايه رايك الاول

رايي الاولاني او التاني يعني سيد بتاع الاخوان اوالسلفيين رغم اني لا انتمي لده او لده ولو عايز تعرف ليه اقولك

[We.Hear.Your.Fear]

غالبا كل شئ يسير فى اتجاه الاخ سيد من الاخوان لان نتائج الانتخابات بعد الثورة فى جميع النقابات كانت معظمها اكتساح للاخوان
ولا شك ان الاخوان حاليا هم الاكثر تنظيما وانتشارا ولكن مصالحهم تعلو كل شئ لانهم يدينون بولائهم لتنظيمهم الدولى ولا شئ غيره وهذا ما اعيبه عليهم

ولكن اذا خيرتنى بين كل هؤلاء فسوف أختار الحج سيد الاخوانجى لانه منظم وهينظم البلد

موش عارف بصراحة هيعملوا ايه فى الكورة والاغانى والافلام والمسلسلات والقضايا الشائكة دى بس يلا كل دا مش مهم المهم البلطجية يتربو