|
قولي ياواد يامزيكا ... بتفهم ف السياسه ؟
اخيرا فتحوا باب الترشيح للبرلمان وهنرجع تاني ننزل المولد .... وحشتني اوي الايام دي والمسيرات والمؤتمرات والعربيات ام مكرفونات انا اخر مره روحت المولد السياسي كان من سنه بالظبط بس مش هاريحكم واقول انا اديت صوتي لمين في انتخابات 2010 ؟ ياللا كانت ايام وراحت
صوتك بقى السنه دي هتديه لمين ؟ وليه ؟ ومش هقولك اختار براحتك بس بلاش فلان انت حر تختار مين مش محتاج حد يوجهك او يختارلك انتوا عارفين انا افتكرت مين دلوقتي ؟ العبقري جورج سيدهم(حنفي المتزوجون ) وهوا بيسأل نجاح الموجي : قولي ياواد يامزيكا انت بتفهم ف السياسه ؟ وكان الرد باستغراب : بفهم ف السياسه ؟ انا الشعب بس خلاص .. انا الشعب ..........انت مين ؟ ياللي بتقول علينا مش فاهمين ؟ انت مين ؟ ماعلينا خلينا في استطلاعنا واستحملوني لو كانت استطلاعاتي كتير شويه ... احنا في مرحله انتقاليه كلها تساؤلات وأوعدكم اول ما البلد تهدى وتبدا من جديد .. هبطل استطلاعات واروح العب حديد .. واكون انسان جديد |
رد: قولي ياواد يامزيكا ... بتفهم ف السياسه ؟
كنت عاوز اعمل استطلاع بس نسيت احط علامة صح ف ايقونة الاستطلاع
عموما كويس الخيارات اللي كنت عاملهالكم كانت كالتالي : 1 الاخ سيد من الاخوان 2 الشيخ سيد السلفي 3 الاستاذ سيد الليبرالي 4 عم الحاج سيد ابن المنطقه 5 اللوا سيد لوا متقاعد 6 سيد بيه فلول وجاي ف اي مصلحه |
رد: قولي ياواد يامزيكا ... بتفهم ف السياسه ؟
اكيد هيبقي 4 عم الحاج سيد ابن المنطقه
علشان ابن المنطقه بتاعتنا واكيد هنبقي عارفين اذا كان كويس ولا لا |
رد: قولي ياواد يامزيكا ... بتفهم ف السياسه ؟
أنا صوتي هأديه للأحزاب الوسطية خاصة أحزاب الشباب الجديدة
إن شاء الله |
رد: قولي ياواد يامزيكا ... بتفهم ف السياسه ؟
بص يا اخ ديزل انا مش عايزك تعمل اى مواضيع اليومين دول خالص انا عايزك تخلص موضوع التريلا مش سايبنا قاعدين هناك فى الموضوع وانت بتكتب عن الانتخابات خلص موضوع التريلا وانا اديك صوتى .هههههههههههههههههههههههه ههه
|
| الساعة الآن 09:28 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017