اريد المساعدة فى اختيار سيارة بسعر 36000

[medo390]

المشاركة الأصلية كتبت بواسطة sasa3 طب اقولك انا على حاجه ايه رايك فى اللانسر البطة موديل 93 و تكييف و باور كهرباء و زجاج كهرباء و اوتوماتيك و موجوده و متوفره و لو بعتها مش هتخسر فيها

انا برضه مع الانسر البطه انسب سياره بالسعر ده عربيه شكل جميل وقطع غيار متوفره واى حد يشتغل فيها وشكلها انسيابى وبور وتكييف وزجاج كهربا وثابته ومن 92 لحد 95 وقطع غيار معمره وبيليق عليها التظبيط اوى

[روبرت مجدي]

يا باشا... اسال مجرب!!! وانا اقولك
اولا : الفيات سيينا محترمة ....بس يتسخن لكن مش زي الفيليشيا
ثانيا : الفيات سينا مش اي حد بيفهم فيها و التوكيل (omatra) خنيق
ثالثا : سيينا قطع غيار غالية نسبيا زي الفليشيا ( طبع الأوروبى )
رابعا : الفليشيا ممكن تصرف عليها كتير بعد ما تشتريها ( واحد صاحبي جابها ب 27 مو 97 و صرف عليها يمكن 4 و لسه بيصرف لدرجة انه بيفكر يبعها
خامسا : البولو و الفابيا طبعا اوروبي و قطع غيار غالية و خصوصا لأنها حديثة.....
و طبعا مفيش غير الأكسنت و دى صعب تلاقيها نضيفة و للبيع ....
ورأيى الشخصي شوف كيا ريو طول عمرها محترمة و قطع غيار سعرها كويس مقارنة بالفيات سيينا و البولو و الفيليشيا....

[A7MED NASSER]

انا مع انك تدور كويس علي اكسنت حالتها حلوه يا اما تشوف اللانسر البطه دي . و فعلا اللانسر طول عمرها معروفه في اعاده البيع و قطع غيارها كويسه و الجوده بتكون ممتازه . فكر و خد انت القرار و ربنا يوفقك

و برضوا شوف الكيا ريو و اسأل و استفسر كويس قبل الشراء و ربنا معاك

[مهند سالم]

مبدئيا أنا مستغرب إنك ما حطتش اللانوس في اختياراتك.
والبطة طبعا ممتازة، وممكن كمان تجيب صني تسعينات بالسعر ده، وهتبقى حالتها كويسة.
فأنا بأرشحلك واحدة من الثلاثة:
اللانوس
الصني
الانسر
والثلاثة قطع غيارهم متوفرة، وإن كانت اللانوس قطع غيارها أكثر توفرا ورخصا. وربنا يوفقك

[egy4arb]

متشكر اوى لاهتمامك دا يا جماعة

بس اولا : اللانسر بطة دى موديل قديم اوى 93 و لو اوتوماتيك هتبقى مشاكلها كتير جدا اكيد و تكيف مش مظبوط


ثانيا : انا ماحطتش اللانوس فى الاختيار عشان طبيعى انها اغلى من الاكسنت بيطلبو برضو 42 و كدا


ثالثا : بفكر فى الريو اوى