مصر موتورز مجتمع السيارات - اريد المساعدة فى اختيار سيارة بسعر 36000

السلام عليكم

معايا 36000 جنية

عايز اجيب عربية على رئسها ( التكييف )

و بقالى سنة و نص مش عارف اجيب عربية اية

بصراحة انا هموت على كذا عربية هقولهم بالترتيب مع السعر الى اتوقعة و الى بيخوفنى منهم :

1 - هيونداى اكسنت 37000 ( و العربية دى بعشقها بس مشكلتها ان الى بيطلب فيها بيقول 40 الف فيما فوق مش عارف اازاى و لما اجى اسال حد يقولى بالكتير 35 الف - دا غير انى بحس ان العربية ضعيفة اوى او مفككة مش عارف لية )

2 - الفيات سينا ( العربية دى برضو شكلها تحفة اوى و احلى من الاكسن و اقيم و سعرها فى اللذيذ 35 الف او 37 حسب الحالة بس المشكلة بقى فى ناس تشكر فيها اوى و ناس تسب و تلعنها لتانى يوم فمش عارف اية الحوار دا بجد - الى يقولى عربية متينة و ايطالى و ثابتة و شيك و الى يقولى قطع غيارها نار كفايه الكومبيوتر بيبوظ كل شوبة يضرب و ب 3000 جنية و قطع غيارها ناارر هل يعنى قطع الغيار هتبقى اغلى من الابيزا ولا الجولف ؟؟ و الى يقولى دى عربية بتحب البرومااا و بتسخن جامد .

3 - الهيونداى الاكسل ( عربية زبالة و كل حاجة بس بشوفها فى الشارع كتير اوى و قطع غيارها رخيصة جدا و اى حد بيفهم فيها و ماشيه برضو )

4 - الاسكودا الفليشا 30000 ( بجد ركبت العربية دى بحس انى راكب حاجة اصيلة و متينة اوى اوى و قوية كدا و موتورها شديد بس المشكلة ان مابيبقاش فيها تكييف طبعا ولا اية ؟ و كمان بيقولو بتسخن كتير اوى و كمان قطع غيارها غالية بس هل قطع الغيار اغلى من السيننا ولا ارخص ؟

5 - البولو 95 - 33000 ( برضو بحس انها جميلة اوى و ممتازة بس مشكلتها صغيرة شوية و هل قطع غيارها اعلى من الفليشا ؟؟

- بفكر كمان فى الريو او البونتو 2000

ياريت تساعدونى بجد

و ياريت يكون التركيز اوى على السيننا هل فعلا تكلفتها غاليه