شروخ في الحوض في ال 128

[mr_astra]

اول حاجة لازم مقاسات الحوض ترجع مظبوطة تانى يعنى معروف من الركبة الى الركبة اعتقد 101.5سم حاجات زى كدة السمكرية عرفنها لازم تتعمل لها زراجين والزرجينة تعد حوالى سعتين وبعد كدة يتم اللحام
اما الجزء اللى تحت الاكصدام دى اسمها الصدر اللى راكب علية شداد الميزان وعادة فى الـ 128 بيتشرخ اما انك تجيبة جديد بـ 50 جنية وتجيب عدد 2 ركبة الواحدة بـ 20 جنية وتركبهم التلاتة مع بعض فى العربية او انك تكتفى بلحام الصدر وتقوية الركب بس مش عارف بحس ان لحام على لحام مش بيكون قوى
وبعدين السمكرى بيحاسبك كتير لو فضل يلحم باللمبة والاشتغلاات اللى انت عارفها دى
بيتهيالى حل ركبتين جداد مع قنطرة احسن لانها المقاسات استاندر وبعدين يتلحمو فى علب الشاسية
بعد كل دة لازم تجيب شداد اللى بيركب بين المساعدين تفاديا لفتح او قفل الشاسية تانى
ملحوظة عشان ترجع الشاسية لوضعة الطبيعى لازم تفك الكبالن من النحيتين وبعد التركيب شيل اى ورد بلدى محطوطة

[hella_eng]

الف شكر على مشاركتكم يا رجاله انا الحمد لله ظبطها رحت للسمكري حطينا الزرجينة و فتحنا الحوض علي 99.9 و عملي لحام فوق العجل و رملي الركبتين اللي تحت القنطرة و ظبت العفشة و الحمد لله العربية ملهاش صوت بس كنت عاوز أعرف احط بلاك علي الركب عشان ماتجيلهاش بارومة تاني ولا اعمل ايه؟؟؟؟؟

[بذرة]

ممكن اعرف دفعت كام

[msm_classic]

متابع
وهل ندهن على الحمات ولا لاء؟

[msm_classic]

المشاركة الأصلية كتبت بواسطة بذرة ممكن اعرف دفعت كام

انا لسه عامل القصه دي امبارح بس كنت طالع من حادث
كان في زرجينه في العلب + وشروخ في الحوض + تقويات في الركي + سمكره رفرين وكبوت وبارومه في الدواسه وشويه ردود في جمب العربيه
تكلفه السمكري = 550 جنيه بالعافيه
وخليت بتاع الدوكو يدهنلي بلك في الصدر ومكان الزرجين معجون في الحوض فقط دون دهان ومكان البارومه في الدواسه
وربنا يقومه بالسلامه عشان اتعقد