|
شروخ في الحوض في ال 128
السلام عليكم و رحمة الله و بركاتة
انا عندي 128 معدلة حالتها كويسة بس عندي شروخ في الحوض و لحمتها مرتين و برده بتشرخ انا ناوي هغير المساعدين عشان ناشفة اوي فعاوز الحم الاول اخلي السمكري يعمل حاجة غير اللحام عشان ماتشرخش تاني ؟؟؟؟؟؟؟؟؟ في حاجة ممكن تمسك العلب كويس ولا ايه ؟؟؟؟؟؟؟ اعمل ايه عشان مافتحش فيها تاني ؟؟؟؟؟؟؟ و ازاي احافظ على العربية من الشروخ دي على طول ؟؟؟؟؟ افيدوني افادكم الله |
رد: شروخ في الحوض في ال 128
أولا يفضل تصور الشروخ أو توصف مكانها بدقة فين بالظبط في الحوض هل تقصد مكان تثبيت المساعد بالكارتيرة ولا شروخ في أنهي حتة بالظبط وهوا أصلا صعب جدا الكلام بالشرح كدة من غير صور.
السيارة على كلامك معدلة معدل فيها إيه بالظبط ياعني. إذا وصف الداء عرف الدواء. |
رد: شروخ في الحوض في ال 128
بصراحه مشكله كبيره الشروخ فى الحوض دى
بس هل ممكن فعلا تتلخم وتتنسى ؟ وبعدين انصح بالبار اللى بيمسك الشسيه علششان متتفتحس تانى |
رد: شروخ في الحوض في ال 128
اقتباس:
الشروخ في مكان تثبيت المساعد بالكارتيرة من جوه و فوق العجل و الحتة اللي تحت الاكسدام الامامي انا اصدي معدل مو 1982 |
رد: شروخ في الحوض في ال 128
اقتباس:
بالنسبة للشروخ الي تحت الإكصدام الأمامي دي بقى أنا ماكانشي ليا تجربة معاها فا مش عايز أفتي. آآآه حاجة كمان العربية ال 128 من أضعف أنواع العربيات فا أي تقويات وتعديلات في الشاسيه هتفيدك كتير فيه ناس بتعبيه رصاص وفيه ناس بتقويه بزوايا لحام من قدام وورى وأنا لا أفضل اللحام وفيه تورشن بار بيركب بين الكارتيرتين وفيه ميزان بيركب بين الفردتين الي ورى حاول تفضي الحوض وتلم أي شروخ وتظبط الشاسيه وإنشاء الله تبقى زي الفل. عارف إإيه ممكن يكون سبب المشكلة أصلا إني العربية دي يكون إتعملها إستعدال شاسيه على السخن. إبقى طمنا على النتيجة.:01FDAB~189: |
| الساعة الآن 04:58 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017